కదిలింది కమల దళం.. నగరం కాషాయమయం

Publish Date:Jul 2, 2022

Advertisement

సుమారు రెండు దశాబ్దాల తర్వాత, భాగ్యనగరం (హైదరాబాద్)  భారతీయ జనత పార్టీ ( బీజేపీ) జాతీయ కార్యవర్గ సమావేశాలకు వేదిక అయింది. ఈ రెండు దశాబ్దాల కాలంలో దేశ రాజకీయ ముఖ చిత్రం ఎంతాగానో మారిపోయింది.అప్పుడు ఉమ్మడి ఆంధ్ర ప్రదేశ్ రాష్ట్రానికి రాజధానిగా ఉన్న హైదరాబాద్, ఈ రోజు ఆంధ్ర ప్రదేశ్, తెలంగాణగా విడిపోయిన రెండు తెలుగు రాష్ట్రాలకు ఉమ్మడి రాజధానిగా వుంది. అప్పుడు బీజేపీ మిత్ర పక్షం తెలుగు దేశం అధికారంలో వుంది. ముఖ్యమంత్రి చంద్రబాబు నాయుడు, బీజేపీ  జాతీయ కార్యవర్గ సమావేశాలలో పాల్గొనేందుకు వచ్చిన బీజేపీ నేతలకు ఆతిధ్యమిచ్చారు. ఇప్పుడు... రాష్ట్రంలో అధికారంలో ఉన్న తెరాస, బీజేపీ సంబంధాల గురించి ఎంత తక్కువ మాట్లాడుకుంటే అంట మంచిది.  రెండు పార్టీల మధ్య పచ్చగడ్డి వేయకుండానే భగ్గుమనే పరిస్థితి. 
అదలా ఉంటే, గడచినా ఎనిమిదేళ్ళుగా కేంద్రంలో అధికారంలో ఉన్న బీజేపీ 2024 ఎన్నికలో ముచ్చటగా మూడవసారి అధికారం కైవసం చేసుకోవడం లక్ష్యంగా అడుగులు వేస్తున్న బీజేపీ ఎన్నికలు, పార్టీ విస్తరణ, ప్రధానమంత్రి నరేంద్ర మోదీ పాలన గురించి ప్రజల్లోకి మరింత విస్తృతంగా తీసుకెళ్లడం ప్రధానాంశాలుగా జాతీయ కార్యవర్గ సమావేశాలు  శనివారం (జులై2) హైదరాబాద్‌లో ప్రారంభ మవుతున్నాయి.  

జాతీయ కార్యవర్గ సమావేశాలు ప్రతి సంవత్సరం జరుగుతాయి.. అయితే, కరోనా కారణంగా గత రెండు సంవత్సరాలుగా మొగ్గుబడి తంతుగానే, జాతీయ కార్యవర్గ సమావేశాలు నిర్వహించారు.భారీ స్థాయిలో జరగలేదు.మరోవంక నెక్స్ట్ ఇయర్  పలు కీలక రాష్ట్రాల శాసనసభలకు ఎన్నికలు, 2024లో జరిగే లోక్‌సభ ఎన్నికల  కసరత్తులో నాయకత్వమంతా బిజీగా ఉంటుంది కాబట్టి ప్రస్తుతం హైదరాబాద్‌లో జరిగే సమావేశాలకు, ప్రత్యేక ప్రాధాన్యత ఏర్పడిందని పార్టీ నాయకులు తెలిపారు. ఈ సమావేశాల్లో, రాజకీయ అంశాలు, ముఖ్యంగా దక్షినాదిలో పార్టీ విస్తరణతో పాటుగా సంస్థాగత అంశాలపై సమగ్రంగా చర్చించి నిర్ణయాలు తీసుకొనే అవకాశం ఉందని పార్టీ నేతలు తెలిపారు.

కాగా, జాతీయ కార్యవర్గ సమావేశాలకు ప్రధానమంత్రి మోదీ, హోంమంత్రి అమిత్‌షా, పార్టీ అధ్యక్షుడు జేపీ నడ్డా సహా కేంద్ర మంత్రులు, ముఖ్యమంత్రులు, మాజీ ముఖ్యమంత్రులు, పార్టీ రాష్ట్ర శాఖల అధ్యక్షులు సహా బీజేపీ అగ్రనాయకులంతా హైదరాబాద్‌ చేరుకుంటున్నారు.  ఇప్పటికే, పార్టీ అధ్యక్షుడు నడ్డా సహా పలువురు ముఖ్యమంత్రులు, కేంద్రమంత్రులు హైదరాబద్ చేరుకున్నారు.  ప్రధాన మంత్రి నరేంద్ర మోదీ, కేంద్ర మంత్రులు అమిత్‌షా, రాజ్‌నాథ్‌సింగ్‌, గడ్కరీ తదితరులు ఈరోజు (శనివారం) హైదరాబద్ చేరుకుంటారు.  కార్యవర్గ సమావేశాల కోసం హైదరాబాద్‌లోని మాదాపూర్‌ హెచ్‌ఐసీసీ (కాకతీయ) ప్రాంగణాన్ని తీర్చిదిద్దారు.

అదలా ఉంటే, హైదరాబాద్;లో జాతీయ కార్యవర్గ సమావేశాలు నిర్వహించడానికి ప్రత్యేక కారణముందని పార్టీ రాష్ట్ర నాయకులు స్పష్టం చేస్తున్నారు. తెలంగాణ పై కాషాయ జెండా ఎగరేయడమే లక్ష్యంగా పార్టీ జాతీయ నాయకత్వం తెలంగాణపై ద్రుష్టి కేంద్రేకరించిందని పార్టీ నాయకులు చెపుతున్నారు. మరోవంక, రాష్ట్రంలో అధికారంలో ఉన్న తెరాస, బీజేపీ జాతీయ కార్యవర్గ సమావేశాలు హైదరాబాద్’ లో నిర్వహించడాన్ని గట్టిగా వ్యతిరేకిస్తోంది. ముఖ్యమంత్రి కొంత మౌనగా ఉన్నప్పటికీ, మంత్రి కేటీఆర్, చాల ఆపేద్ద ఎత్తున ‘బీజేపీ’ వ్యతిరేక ప్రచారం సాగిస్తున్నారు. అలాగే, రాష్ట్ర మంత్రులు, కీలక నేతలు... కమలంపై కాలు దువ్వుతున్నారు. అయితే, పార్టీలో కొందరు సీనియర్ నాయకులు మాత్రం, కేటీఆర్ గీత దాతుతున్నారని, కోరి కష్టాలు కొని తెచ్చుకుంటున్నారని అంటున్నారు. అదే విధంగా రాజకీయ విశ్లేషకులు కూడా  కాంగ్రెస్’తో వ్యవహరించినట్లు బీజేపీతో వ్యవహరిస్తే ఏమవుతుందో చెప్పేందుకు మహారాష్ట్ర పరిణామాలే నిదర్శనమని అంటున్నారు. 

అదలా ఉంటే బీజేపీ రాష్ట్రంపై దండయాత్రాను ప్రకటించిండా అన్న విధంగా గతంలో ఎన్నడూ లేనట్లుగా, కార్యవర్గ సమావేశాలకంటే ముందుగానే  ముఖ్యమంత్రులు, ఉప ముఖ్యమంత్రులు, కేంద్రమంత్రులు, ఇతర ముఖ్యనాయకులు రాష్ట్రంలో దిగిపోయారు. జిల్లాల్లో పర్యటించి పార్టీకి అనుకూలమైన వాతావరణం కల్పించే ప్రయత్నం చేశారు. ఎన్నికలు, పార్టీ విస్తరణ కీలక ఎజెండాగా ఉంటుందని, దేశవ్యాప్తంగా 75 వేల బూత్‌ల స్థాయిలో పార్టీ యంత్రాంగాన్ని మరింత పటిష్ఠం చేయడంతో పాటు కార్యకర్తలను మరింత పెంచుకోవాల్సిన అవసరాన్ని పార్టీ గుర్తించిందని, దీనిపై కూడా జాతీయ కార్యవర్గ సమావేశాల్లో లోతుగా చర్చించే అవకాశం ఉందని సంబంధిత వర్గాల సమాచారం. తెలంగాణలో తెరాసకు తామే ప్రత్యామ్నాయం అన్న అభిప్రాయాన్ని కల్పించగలిగామని, ఆదివారం జరిగే భారీ బహిరంగ సభ తర్వాత ప్రజల్లో తమ పట్ల మరింత నమ్మకం పెరుగుతుందన్న ఆశాభావాన్ని తెలంగాణ బీజేపీ నాయకులు వ్యక్తం చేస్తున్నారు.

By
en-us Political News

  
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.