ఈటలకు చెక్ పెట్టేందుకు హరీష్! కేసీఆర్ అస్త్రమా.. అనుమానమా? 

Publish Date:May 18, 2021

Advertisement

తెలంగాణ రాజకీయాల్లో ఈటల రాజేందర్ ఎపిసోడ్ కాక రేపుతోంది. తన భవిష్యత్ కార్యాచరణ కోసం ఈటల రాజేందర్ వరుస సమావేశాలు నిర్వహిస్తుండగా... ఆయనకు కౌంటర్ గా అధికార పార్టీ ఎత్తులు వేస్తోంది. టీఆర్ఎస్ అనుకూల, ఈటల వర్గీయుల పోటాపోటీ సమావేశాలతో హుజురాబాద్ అసెంబ్లీ నియోజకవర్గ రాజకీయం రంజుగా మారుతోంది. మంత్రివర్గం నుంచి ఈటల రాజేందర్ ను బర్తరఫ్ చేసిన కేసీఆర్.. అతనికి మరింత చెక్ పెట్టేందుకు వ్యూహాలు రచిస్తున్నారని తెలుస్తోంది. ఈటలకు కాంగ్రెస్, బీజేపీ పార్టీల నుంచి మద్దతు లభిస్తుండటంతో.. గులాబీ బాస్ పక్కాగా ప్రణాళికలు రచిస్తున్నారని చెబుతున్నారు. ఈటల రాజీనామా చేస్తే జరగబోయే హుజురాబాద్ అసెంబ్లీ ఉప ఎన్నికే లక్ష్యంగా కేసీఆర్ పావులు కదుపుతున్నారని టీఆర్ఎస్ వర్గాల ద్వారా తెలుస్తోంది. 

ఈటలను రాజకీయం కోలుకోలేని దెబ్బ తీయాలని భావిస్తున్న కేసీఆర్... హుజురాబాద్ లో  ఏ మాత్రం అవకాశం ఇవ్వకూడదని భావిస్తున్నారట. అందుకే హుజురాబాద్ అసెంబ్లీ నియోజకవర్గ బాధ్యతలు ట్రబుల్ షూటర్ హరీష్ రావుకు అప్పగించారని సమాచారం. మొదటి నుంచి హరీష్ తో ఈటలకు మంచి సంబంధాలున్నాయి. దీంతో హరీష్ నే రాజేందర్ పై ప్రయోగిస్తున్నారని అంటున్నారు. మంగళవారం హుజురాబాద్‌లో మీడియాతో మాట్లాడిన ఈటల కూడా ఇవే వ్యాఖ్యలు చేశారు. హుజురాబాద్ నియోజకవర్గ ఇంఛార్జీగా నా మిత్రునికే బాధ్యతలు అప్పగించారని తెలిసింది అని ఈటల అన్నారు. ఈటల చెప్పిన  ఆయన మిత్రుడు హరీష్ రావేననే చర్చ జరుగుతోంది. టీఆర్ఎస్ అధిష్టానం రెండు రోజుల క్రితం హుజురాబాద్ నియోజకవర్గంలో వివిధ మండలాలకు ఇంఛార్జీలను నియమించింది. నియోజకవర్గ పరిస్థితులను ఎప్పటికప్పుడు బేరీజు వేసుకుంటూ పార్టీకి అనుకూలంగా కేడర్‌ను ఉంచే బాధ్యతలను జిల్లా మంత్రిగా గంగుల కమలాకర్‌కు అప్పగించింది. ఓవరాల్ గా నియోజకవర్గ బాధ్యతలను హరీష్ రావుకు అప్పగించారని తెలుస్తోంది. 

కేసీఆర్ ఆదేశాలతో హరీష్ రావు రంగంలోకి దిగినట్లు కనిపిస్తోంది. మంగళవారం హుజురాబాద్ నియోజకవర్గ పరిధిలోని జమ్మికుంట మున్సిపల్ చైర్మన్ తక్కళపల్లి రాజేశ్వర్ రావు, జెడ్పీటీసీ శ్రీరామ్ శ్యామ్, పిఏసిఎస్ చైర్మన్ పోనగంటి సంపత్, పలువురు సర్పంచ్ లు సిద్దిపేటలో మంత్రి హరీష్ రావు ను కలిశారు. తాము టీఆర్ఎస్ లోనే ఉంటామని ప్రకటించారు. ఉద్యమ కాలం నుంచి గులాబీ జెండా కిందే ఉన్నామని, ఇకపై కూడా అలాగే ఉంటామని తెలిపారు. హుజురాబాద్ నియోజకవర్గంలో కొన్ని రోజులుగా హైడ్రామా నడుస్తోంది. టీఆర్ఎస్ ప్రజా ప్రతినిధులు ఒక రోజు ఈటలకు మద్దతు తెలుపుతూ మరోరోజు టీఆర్ఎస్ కు మద్దతుగా ఉంటున్నారు. దీంతో ఎవరూ ఎటువైపు ఉంటారో తెలియని పరిస్థితి నెలకొంది. ఈ నేపథ్యంలోనే హుజురాబాద్ లోనే మకాం వేశారు రాజేందర్. దీంతో అప్రమత్తమైన కేసీఆర్.. హరీష్ ను పురమాయించారని అంటున్నారు. కేసీఆర్ ఆదేశాలతో హరీష్ రావు... నేరుగా టీఆర్ఎస్ ప్రజా ప్రతినిధులకు ఫోన్ చేసి మాట్లాడుతున్నారని చెబుతున్నారు. అందులో భాగంగానే జమ్మికుంట గులాబీ లీడర్లు సిద్ధిపేటకు వెళ్లి హరీష్ రావుతో సమావేశమయ్యారు. 

ఈటల రాజేందర్ ను మంత్రివర్గం నుంచి తొలగించిన వెంటనే హరీష్ రావు పేరు తెరపైకి వచ్చింది. ఈటల, హరీష్ ఇద్దరిపై గులాబీ బాస్ కోపంగా ఉన్నారని, తర్వాత వేటు హరీష్ రావుపైననే చర్చ జరిగింది. కాని టీఆర్ఎస్ లో మాత్రం పరిస్థితి మారిపోయింది. హరీష్ రావుకు ప్రభుత్వంలో మరింత ప్రాధాన్యత పెరిగింది. వైద్యశాఖ ప్రస్తుతం కేసీఆర్ దగ్గరే ఉండగా.. ఆ బాధ్యతలను హరీష్ రావుకు ఆయన అప్పగించారు. కేంద్రంతో జరిగే సమీక్షల్లో సీఎం తరపున హరీష్ రావే పాల్గొంటున్నారు. తాజా పరిణామాలతో హరీష్ రావు మళ్లీ యాక్టివ్ అయినట్లుగా రాజకీయ వర్గాలు చెబుతున్నాయి.  ఈటల రాజేందర్ కు చెక్ పెట్టేందుకు హరీష్ రావునే గులాబీ బాస్ రంగంలోకి దింపుతున్నారని అంటున్నారు.

మరోవైపు తన మిత్రుడినే తనకు పోటీగా దింపారంటూ ఈటల రాజేందర్ చేసిన వ్యాఖ్యలపైనా ఆసక్తికర చర్చ జరుగుతోంది. ఈటల వ్యాఖ్యలతో హరీష్ రావుకు కొంత ఇబ్బంది తప్పదని చెబుతున్నారు. ఈటలకు తాను సన్నిహితం కాదని నిరూపించుకోవల్సిన ఆవశ్యకత హరీష్ రావుకు ఏర్పడిందంటున్నారు. హుజురాబాద్ లో ఏ మాత్రం తేడా వచ్చిన ట్రబుల్ షూటర్ కు ట్రబుల్స్ తప్పవు. ఈ రకంగా హరీష్ రావుకు కేసీఆర్ పరీక్ష పెట్టారనే అభిప్రాయం కూడా రాజకీయ వర్గాల్లో వ్యక్తమవుతోంది .

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.