ఈటల రాజేందర్ కు మరో షాక్! గులాబీ బాస్ స్కెచ్ మాములుగా లేదుగా..

Publish Date:Jun 1, 2021

Advertisement

సీనియర్ నేత ఈటల రాజేందర్ వ్యవహారంలో రోజుకో ట్విస్ట్ వెలుగు చూస్తోంది. కేసీఆర్ మంత్రివర్గం నుంచి రాజేందర్ ను బర్తరఫ్ చేసిన తర్వాత కీలక పరిణామాలు చోటు చేసుకున్నాయి. తన అనుచరులు, నియోజకవర్గ నేతలతో వరుస సమావేశాలు నిర్వహించారు ఈటల. సీఎం కేసీఆర్, టీఆర్ఎస్ టార్గెట్ గా ఘాటు వ్యాఖ్యలు చేశారు. దీంతో ఆయన ఎమ్మెల్యే పదవికి రాజీనామా చేసి ఉప ఎన్నికల్లో గులాబీ పార్టీతో తాడోపేడో తేల్చుకుంటారనే ప్రచారం జరిగింది. కాని రాజీనామాపై వెనక్కి తగ్గారు ఈటల. బీసీ సంఘాలు, ఉద్యమ నేతలను కలవడంతో కొత్త పార్టీ పెడతారని భావించారు. టీజేఎస్ అధినేత కోదండరామ్ తో కలిసి కేసీఆర్ కు వ్యతిరేకంగా ఐక్య వేదికగా ఏర్పాటు చేస్తారని భావించారు. కాని అది కూడా జరగలేదు. చివరికి అనూహ్యంగా కమలం గూటికి చేరారు ఈటల రాజేందర్. ఢిల్లీకి వెళ్లి కమలం బీజేపీ పెద్దలను కలిశారు.

ఈటల రాజేందర్ కదలికలపై నిఘా పెట్టిన టీఆర్ఎస్ అధిష్టానం ఎప్పటికప్పుడు కౌంటర్ వ్యూహాలు అమలు చేసింది. హుజురాబాద్ నియోజకవర్గంలోని గులాబీ లీడర్లంతా పార్టీలోనే కొనసాగేలా ప్రయత్నాలు చేసింది. మంత్రి గంగుల కమలాకర్ ను రంగంలోకి దింపింది. మంత్రి హరీష్ రావును కూడా పురమాయించింది. బోయినపల్లి వినోద్ కుమార్ కుడా సీన్ లోకి వచ్చారు. కేసీఆర్ ఎత్తులతో తన సొంత నియోజకవర్గంలోనే ఈటలకు ఇబ్బందికర పరిస్థితులు కల్పించారు. మొదట ఈటలకు మద్దతుగా నిలిచిన నేతలు కూడా ఒక్కొక్కరు తిరిగి టీఆర్ఎస్ సైడ్ కు వచ్చేశారు. దీంతో తన అనుచరులను బెదిరిస్తున్నారంటూ రాజేందర్ ఆరోపణలు చేశారు. తాజాగా ఢిల్లీలో రాజేందర్ కదలికలపైనా గులాబీ ఫోకస్ చేశారని తెలుస్తోంది. రాజేందర్ ఢిల్లీ నుంచి వచ్చి ప్రకటన చేసేలోగా ఆయనకు మరో షాకిచ్చేందుకు కేసీఆర్ సిద్ధమవుతున్నారని సమాచారం. 

ఢిల్లీలో బీజేపీ నేతలను కలిసిన రాజేందర్ ను టీఆర్ఎస్ పార్టీ నుంచి సస్పెండ్ చేయనున్నారని తెలుస్తోంది. అంతేకాదు రాజేందర్ ఎమ్మెల్యే పదవికి ఎర్త్ పట్టారని సమాచారం. పార్టీ వ్యతిరేక కార్యకలాపాలకు పాల్పడుతున్నందున ఎమ్మెల్యే పదవిపై అనర్హత వేటు వేయాలని అసెంబ్లీ స్పీకర్ కు టీఆర్ఎస్ ఫిర్యాదు చేయనున్నట్లు తెలుస్తోంది. ఇప్పటికే దీనికి సంబంధించిన గ్రౌండ్ వర్క్ పూర్తైందంటున్నారు. టీఆర్ఎస్ ఫిర్యాదు చేసిన వెంటనే ఈటలపై అనర్హత వేటు పడే అవకాశం ఉంది. తనంతట తానుగా ఎమ్మెల్యే పదవికి ఈటల రాజీనామా చేసేలోగానే అనర్హత వేటు పడేలా అధికార పార్టీ పావులు కదుపుతుందని తెలుస్తోంది. ఈటలకు మద్దతుగా ఉన్న నేతలను కూడా పార్టీ నుంచి సస్పెండ్ చేస్తారని సమాచారం. 

ఈటల రాజేందర్ ఎపిసోడ్ పై మాట్లాడిన ఎమ్మెల్సీ పల్లా రాజేశ్వర్ రెడ్డి కూడా అదే సంకేతమిచ్చారు. బీజేపీ నాయకులను ఈటల రాజేందర్ కలవడం పట్ల ఆయన ఆగ్రహం వ్యక్తం చేశారు. 20 ఏళ్లుగా కేసీఆర్ ఎందరో నాయకులను తయారు చేశారని చెప్పారు. ఇప్పుడు ఈటల రాజేందర్ కమ్యూనిజం ఎక్కడ పోయిందని ప్రశ్నించారు. బీజేపీ నాయకుల దగ్గర తాకట్టు పెట్టారా? అని పల్లా వ్యాఖ్యానించారు. అందరూ ఈటలను ఛీ కొడుతున్నారని వ్యాఖ్యానించారు. మంత్రిగా చట్ట విరుద్ధ పనులు ఎలా చేశారని రాజేశ్వర్ రెడ్డి ప్రశ్నించారు.

‘‘అసైన్డ్ భూములు ఎలా తీసుకున్నావు. నీ ఆత్మగౌరవం ఎక్కడ ఉంది. నిన్ను గౌరవించినట్లు సీఎం కేసీఆర్ ఇంకెవరినీ గౌరవించలేదు. ఎక్కువ పదవులు మీరే అనుభవించారు. పదవి లేకుండా ఎప్పుడు ఉన్నావు. సొంత ప్రభుత్వ పథకాలను అవహేళన చేశావు. పార్టీ మీద, నాయకుడి మీద నమ్మకం లేదని క్షమించరాని నేరం చేశావు. మీరు చేసిన దానికి పార్టీపరంగా తప్పక చర్యలు తీసుకుంటాం. సమయం చూసి అధినేత కేసీఆర్ నిర్ణయం తీసుకుంటారు. నీ సమాధి నువ్వే కట్టుకున్నావు ఈటల రాజేందర్.’’ అని పల్లా రాజేశ్వర్ రెడ్డి హెచ్చరించారు. 

By
en-us Political News

  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.