నెల్లూరు జిల్లాలోని హరినాథపురం సమీపంలోని ముత్తుకూరు రోడ్డు దగ్గర ఓ యువతి మద్యం సేవించి కారు నడిపి బీభత్సం సృష్టించింది. ఫుల్లుగా మందుకొట్టి కారు నడుపుతున్న యువతి మొదట రోడ్డు డివైడర్ని ఢీకొట్టింది. ఆ తర్వాత రెండు కార్లు, నాలుగు బైక్‌లని ఢీకొట్టింది. ఆ తర్వాత రోడ్డు పక్కన వున్న విద్యార్థుల మీదకి కారు దూసుకు వెళ్ళింది. ఈ ప్రమాదంలో మొత్తం 11 మంది గాయపడ్డారు. వీరిలో ముగ్గురు మరణించారు. తప్పతాగి కారు నడిపి ముగ్గురి ప్రాణాలు తీసిన సదరు యువతి గతంలో కూడా పల్సర్ బైక్ నడిపి అనేక ప్రమాదాలు చేసినట్టు తెలుస్తోంది. పోలీసులు ఆ యువతిని ఇంతవరకు అరెస్టు చేయకపోవడం అనుమానాస్పదంగా వుందని స్థానికులు ఆరోపిస్తున్నారు.