రఘురామకృష్ణంరాజు విషయంలో తప్పు చేశామని ఫీలవుతున్న వైసీపీ నేతలు!!

Publish Date:Jun 27, 2020

Advertisement

కొన్ని విషయాలలో ఆలస్యం చేయడం వల్ల భారీ నష్టం జరుగుతుందని.. ఏపీ అధికార పార్టీ వైసీపీకి బోధ పడింది. ఎంపీ రఘురామకృష్ణంరాజు విషయంలో చేసిన ఆలస్యం.. ఆయనను హీరోని చేసింది, పార్టీని ఇరుకున పెట్టింది. నిజానికి కొన్ని నెలల ముందు వరకు రఘురామకృష్ణంరాజు ఎవరో పెద్దగా తెలియదు. ఒకవేళ తెలిసినా.. వ్యాపారవేత్త గానో, కాంగ్రెస్‌ సీనియర్‌ నాయకుడు కేవీపీ రామచంద్రరరావుకు వియ్యంకుడిగానో పరిచయం. మొదట టీడీపీ లో చేరిన రఘురామకృష్ణంరాజు.. 2019 ఎన్నికల ముందు వైసీపీలో చేరి.. నర్సాపురం ఎంపీగా పోటీ చేసి గెలుపొందారు. అలా తొలిసారి చట్టసభల్లో అడుగుపెట్టారు. ఎంపీగా గెలిచినా తర్వాత నుండి అప్పుడప్పుడు ఆయన పేరు వినపడటం మొదలుపెట్టింది. జాతీయ స్థాయిలో దాదాపు 350 మంది ఎంపీల‌కు విందు ఇచ్చి దేశవ్యాప్తంగా చర్చనీయాంశమయ్యారు. ఆ తరువాత.. అలాంటి విందులైతే ఏమీ ఇవ్వలేదు కానీ.. ఏదోక విషయంలో సొంత పార్టీకి పంచ్ లు ఇస్తూ వస్తున్నారు. దాంతో ఆయన పేరు మారుమోగిపోతోంది. 

మొదట.. ఇంగ్లీషు మీడియం విషయంలో పార్లమెంట్‌ సాక్షిగా వైసీపీ వైఖరికి భిన్నంగా రఘురామకృష్ణంరాజు మాట్లాడారు. ఆ తరువాత.. టీటీడీ భూముల‌ అమ్మకాల‌పై, ఇసుక కొరతపై బహిరంగంగా విమర్శించారు. తన నియోజకవర్గ పరిధిలోని వైసీపీ ఎమ్మెల్యేలు అవినీతికి పాల్ప‌డుతున్నారని, వారిని కట్టడి చేయాల‌ని, సీఎం తనకు అపాయింట్‌మెంట్‌ ఇవ్వకపోవడంతోనే ఇలా బహిరంగంగా చెప్పాల్సి వస్తుంది అంటూ విమర్శలు గుప్పించారు. ఆయన వ్యాఖ్యల‌పై వైసీపీ ఎమ్మెల్యేలు, ఇతర నాయకులు స్పందించడంతో రచ్చ ముదిరింది. రఘురామకృష్ణంరాజు మాటల్లో మరింత వేడి పెరిగింది. తాను ఎంపీ గా జగన్‌ బొమ్మతో గెల‌వలేదని, ఆయన బొమ్మ లేకుండా గెలవగలను, దమ్ముంటే వైసీపీ ఎమ్మెల్యేలు  రాజీనామా చేసి గెలవాలని సవాల్ చేశారు. 151 మంది ఎమ్మెల్యేలు, 22 మంది ఎంపీల బల‌గంతో తిరుగులేని అధికారాన్ని చెలాయిస్తున్న జగన్‌ కు వ్యతిరేకంగా.. సొంత పార్టీకి చెందిన ఒక ఎంపీ మాట్లాడుతుండడంతో పార్టీ నేతలు తలలు పట్టుకున్నారు. ఇక, అప్పటికే జరగాల్సిన నష్టం జరిగిపోయాక.. పార్టీ ఆయనకు షోకాజ్‌ నోటీసు ఇచ్చింది.

షోకాజ్‌ నోటీసుతో రఘురామకృష్ణంరాజు ఇరుకున పడతారేమో అనుకుంటే.. రివర్స్ లో ఆయనే పార్టీని ఇరుకున పెట్టారు. అసలు మన పార్టీ పేరు 'యువజన శ్రామిక రైతు కాంగ్రెస్‌ పార్టీ' అయితే 'వైఎస్సార్ కాంగ్రెస్ పార్టీ' పేరుతో నోటిస్ ఇచ్చారేంటి? ఎన్నికల సంఘం నిబంధనల ప్రకారం మన పార్టీ 'వైఎస్సార్' అనే పేరు ఉపయోగించకూడదు కదా? అంటూ ప్రశ్నల వర్షం కురిపించారు. ఈ విషయాన్ని ఎన్నికల సంఘం దృష్టికి కూడా తీసుకెళ్లారు. దీంతో పార్టీ నెత్తిన పిడుగు పడినట్లయింది. ఇక మీదట పార్టీ పేరు 'వైఎస్సార్ కాంగ్రెస్' అని పిలవడం కుదరదా అని పార్టీ నేతలు తెగ బాధపడుతున్నారు. కొందరైతే మొదట్లోనే రఘురామకృష్ణంరాజు ని సస్పెండ్ చేసుంటే ఇప్పుడీ పరిస్థితి వచ్చేది కాదుగా అని ఫీలవుతున్నారు. ఇంగ్లీష్ మీడియం, టీటీడీ భూముల వేలం, ఇసుక కొరత, ఎమ్మెల్యేల అవినీతి.. ఇలా వరుసగా వ్యాఖ్యలు చేస్తుంటే చూస్తూ ఊరుకున్నారు. ఇప్పుడేమో ఆయన ఏకంగా పార్టీ పేరుకే ఎసరు పెడుతున్నారు. ఆయన చేస్తోన్న రగడ పార్టీకి తల‌వంపులు తీసుకొస్తోంది.. పార్టీని ఢిల్లీ స్థాయిలో చుల‌కన చేస్తోంది. అదేదో ఆయనను ముందే సస్పెండ్ చేసుంటే.. మన పార్టీకి ఇన్ని తిప్పలు వచ్చేవి కావు, ఆయనకు అంత క్రేజ్ వచ్చేది కాదని పార్టీ నేతలు తెగ ఫీలైపోతున్నారట.

By
en-us Political News

  
తెలంగాణలో కాంగ్రెస్ పార్టీ నాయకులు, కార్యకర్తలు కలిసికట్టుగా పనిచేయడం వల్లే గత అసెంబ్లీ ఎన్నికల్లో పార్టీ అధికారంలోకి రాగలిగిందని బి.ఎం. సందీప్ కుమార్ పేర్కొన్నారు.
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.