రాష్ట్ర విభజన సమస్యకు పరిష్కారం లేదా

Publish Date:Aug 24, 2013

Advertisement

 

సాధారణంగా కాంగ్రెస్ ప్రభుత్వాలు ఎన్నడూ కూడా గొప్ప నిర్ణయాలు తీసుకోవు. ఒకవేళ తప్పనిసరి పరిస్థితుల్లో తీసుకొంటే అది మన రాష్ట్రవిభజన నిర్వాకంలా ఉంటుంది. కొండా నాలుకకు మందేస్తే ఉన్న నాలుక ఊడినట్లు, ఒక సమస్యను పరిష్కరించబోతే అనేక సమస్యలు కాంగ్రెస్ తలకు చుట్టుకొన్నాయిప్పుడు.

 

రాష్ట్రాన్ని విభజిస్తున్నట్లు కేంద్రం ప్రకటన చేయగానే సీమాంధ్ర ప్రాంతంలో ఊహించనంత తీవ్రంగా ఉద్యమాలు మొదలయ్యాయి. వివిధ శాఖలకు చెందిన దాదాపు 4 లక్షల మంది ప్రభుత్వోద్యోగులు నిరవధిక సమ్మెకు దిగడంతో రాష్ట్రంలో పాలన స్తంభించిపోయింది.

 

తెలంగాణా ఉద్యమాలు తీవ్ర స్థాయిలో జరిగిన సమయంలో కూడా రాష్ట్రంలోఇటువంటి పరిస్థితి ఏర్పడలేదు. నేడు రాష్ట్రంలోగవర్నర్, ముఖ్యమంత్రి, మంత్రి మండలి, శాసన సభ్యులు అందరూ ఉన్నపటికీ రాష్ట్రంలో మాత్రం ప్రభుత్వం లేదనే అభిప్రాయం సర్వత్రా నెలకొని ఉంది. ఆంధ్రప్రదేశ్ రాష్ట్ర చరిత్రలో బహుశః ఇంతదయనీయ పరిస్థితి ఎన్నడు చూసిఉండము.

 

రాష్ట్రవిభజనపై చాలా లోతుగా, క్షుణ్ణంగా అధ్యయనం చేసిన తరువాతనే ఈ నిర్ణయం తీసుకొన్నామని చెప్పుకొస్తున్నకాంగ్రెస్ అధిష్టానం ఊహించనివిధంగా ఎదురయిన ఈ గడ్డు పరిస్థితులను నుండి ఏవిధంగా బయటపడాలోతెలియక విలవిలలాడుతోంది. ఇదంతా నిశితంగా గమనిస్తున్న,టీ-జేయేసీ, తెరాస నేతలు కేంద్రానికి గట్టిగా హెచ్చరికలు జారీ చేస్తున్నారు. ఇక రాష్ట్ర విభజన నిర్ణయం వెనక్కి తీసుకొనే వరకు ఉద్యమం, సమ్మె కొనసాగుతాయని సీమాంధ్ర నేతలు ఉద్యోగులు స్పష్టం చేయడంతో కాంగ్రెస్ అధిష్టానానికి ఏమిచేయాలో పాలుపోవడం లేదు.

 

అయినప్పటికీ, సోనియా గాంధీ, రాహుల్ గాంధీ ఇద్దరూ కూడా నేటికీ తెలంగాణా ఏర్పాటుకే మొగ్గుచూపుతుండటం విశేషమనే చెప్పాలి. అంటోనీ కమిటీ కూడా తనను కలవడానికి వస్తున్న సీమాంధ్ర నేతలకు సమైక్యవాదం గురించి తప్ప మరే సమస్య గురించయినా మాట్లాడవచ్చని చెపుతుండటం విశేషం. కాంగ్రెస్ అధిష్టానం రాష్ట్ర విభజనపై ఇంత ధృడంగా నిలబడటం చాల గొప్ప విషయమే. కాంగ్రెస్ అధిష్టానం అంత గట్టిగా నిర్ణయం తీసుకొన్న తరువాత ఇక అంటోనీ కమిటీ ఏర్పాటు కూడా అనవసరమేనని సీమాంధ్రకు చెందిన కాంగ్రెస్ మరియు ప్రతిపక్ష నేతలు అభిప్రాయపడుతున్నారు.

 

దేశాన్ని ఏలుతున్న కాంగ్రెస్ ప్రభుత్వం చేతిలో ఇటువంటి క్లిష్ట సమస్యలను పరిష్కరించగల మేధావులు, నిపుణులు, వారికి అవసరమయిన సకల సమాచారం అందించగల గూడచారి వ్యవస్థలు అన్నీ ఉన్నపటికీ, కేవలం రాజకీయ కోణం నుంచి మాత్రమే తెలంగాణా సమస్యను పరిష్కరించబోయి కాంగ్రెస్ అధిష్టానం భంగపడింది. తన రాజకీయ ప్రయోజనాలను కాపాడుకొనేందుకు సంక్లిష్టమయిన రాష్ట్ర విభజన ప్రక్రియను అశ్రద్ధగా, అనాలోచితంగా, నిర్లక్ష్యంగా చేసి ఇప్పుడు చేతులు కాలేక ఆకులు పట్టుకొంటోంది.

 

అయితే తిలా పాపం తలో పిడికెడు అన్నట్లు, నేటి ఈ పరిస్థితికి కాంగ్రెస్ అధిష్టానంతో బాటు రాష్ట్రంలో అన్ని రాజకీయ పార్టీలు కూడా బాధ్యత వహించక తప్పదు. రాష్ట్ర విభజనకు అనుకూలమని లేఖలు ఇచ్చిన అన్నిరాజకీయ పార్టీలు కేంద్రం నిర్ణయం ప్రకటించేవరకు మౌనంగా ఉండటంతో ఇక ప్రతిపక్షాల నుండి వ్యతిరేఖత ఉండబోదని కాంగ్రెస్ అధిష్టానం పొరబడింది. కానీ అవి మళ్ళీ షరా మామూలుగానే మాట మార్చి ఈ దుస్థితికి కారణమయ్యాయి.

 

తమ స్వార్ధ రాజకీయ ప్రయోజనాలకోసం రాష్ట్ర ప్రజల జీవితాలతో చెలగాటమాడుతూ కూడా ఇదంతా వారి శ్రేయస్సు కోసమేనని మభ్యపెడుతున్నాయి. ఈ సమస్యకు రాజకీయ పార్టీలు పరిష్కారం చూపలేకపోవచ్చును. బహుశః కాలమే దీనికి పరిష్కారం చూపగలదేమో!

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.