టేక్ డైవర్షన్ ప్లీజ్: కాంగ్రెస్ పార్టీ

Publish Date:Dec 19, 2013

Advertisement

 

తన ప్రతిష్ట మసకబారిన ప్రతీసారి కాంగ్రెస్ పార్టీ ప్రజల, ప్రతిపక్షాల, మీడియా దృష్టిని కూడా వెంటనే వేరే అంశం మీదకు మళ్ళించడం అలవాటు. ఇటీవల నాలుగు రాష్ట్రాలలో ఓటమి, ముఖ్యంగా డిల్లీలో ఆమాద్మీ చీపురు దెబ్బలతో పూర్తిగా పరువుపోగోట్టుకొన్న కాంగ్రెస్ పార్టీ, రెండేళ్ళ క్రితం తను అటకెక్కించేసిన లోక్ పాల్ బిల్లును క్రిందకు దింపి, దుమ్ము దులిపి హడావుడిగా పార్లమెంటు చేత ఆమోదింపజేసింది. ఇది రాహుల్ బాబు చొరవ వలనే జరిగిందని యువరాజావారికి ఆ క్రెడిట్ కట్టబెట్టే ప్రయత్నం కూడా చేసింది. కానీ సభలోనే ఉన్నపెద్ద ముత్తెదువ సుష్మా స్వరాజ్ వెంటనే అడ్డుపడి ఆ క్రెడిట్ అంతా ఈ బిల్లు కోసమే కడుపు మాడ్చుకొంటున్న అన్నాహజారేకే దక్కాలని గట్టిగా చెప్పడంతో కాంగ్రెస్ కంగుతింది.

 

ఇంకా మరో ఆరు బిల్లులు పార్లమెంటు ఆమోదం పొందవలసి ఉంది గనుక సమావేశాలను మరికొంత కాలం పొడిగించాలని యువరాజావారు ఆ(దే)శించినప్పటికీ, ‘అవిశ్వాసం..అవిశ్వాసం’ అంటూ సభలో చిందులు వేస్తున్నతమ పార్టీ యంపీల మాటవిని స్పీకర్ అవిశ్వాస తీర్మానం సభలో ప్రవేశపెడితే, లోక్ పాల్ తో పెంచుకొన్న రేటింగ్ కాస్త మళ్ళీ దారుణంగా పడిపోయే ప్రమాదం ఉంటుందని రాజమాత భయపడ్డారో మరేమో తెలియదు, కానీ ఆమె మనసులో ఆలోచనలని భూతద్దం వేసి చదివేసినట్లు, స్పీకర్ మీరా కుమార్ పార్లమెంటును నిరవదికంగా వాయిదా వేసేసి చేతులు దులుపుకొన్నారు.

 

ఇక పార్లమెంటులో ఏ కుంభకోణాల గురించి ఎవరికీ జవాబులు, సంజాయిషీలు చెప్పుకొనే ఆగత్యం లేదు గనుక, కాంగ్రెస్ పార్టీ అందివచ్చిన దేవయాని ఉదంతం అందిపుచ్చుకొని మళ్ళీ హడావుడి చేస్తూ ప్రజల దృష్టి అటువైపు మళ్ళించే ప్రయత్నాలు మొదలుపెట్టింది. అయితే డిల్లీలో అమెరికన్ ఎంబసీ ముందు ఉన్న ట్రాఫిక్ బ్యారికేడ్స్ తొలగించినంత మాత్రాన్నఈ సమస్య పరిష్కారం కాదని దేశముదురు కాంగ్రెస్ పార్టీకి తెలియకపోలేదు. కానీ తెలుగు సినిమాలు హిట్ట్ అవడానికి నాలుగు పంచ్ డైలాగులు ఒక ఐటెం సాంగ్ ఎలా అవసరమో, ఈ ఇమ్మోషనల్ ఇండో-అమెరికన్ డ్రామాతో ప్రజల దృష్టి ఆకట్టుకోవాలంటే ఇటువంటి హడావుడి కూడా అంతే అవసరమని గ్రహించిన కాంగ్రెస్ పార్టీ తనకు బాగా తెలిసిన, అలవాటయిన టక్కుటమార విద్యలన్నిటినీ ప్రదర్శిస్తూ అందరి దృష్టి మళ్ళించేందుకు తెగ కష్టపడుతోంది.

 

నిజానికి దేవయాని విషయంలో పరిష్కారం కోసం భారత విదేశంగా శాఖ, అమెరికా విదేశాంగ శాఖా మరియు అమెరికా ప్రభుత్వంతో నేరుగా సంప్రదింపులు జరుపవలసి ఉంది. బహుశః అవి కూడా సమాంతరంగా జరుపుతున్నపటికీ, అది సామాన్య ప్రజల కంటికి కనబడదు గాబట్టి ప్రజలందరికీ అర్ధమయ్యే విధంగా ఈ డ్రామాలు ప్రదర్శిస్తోంది.

 

కాంగ్రెస్ ఊహించినట్లుగానే ప్రజలు, ప్రతిపక్షాలు, మీడియా కూడా దేవయాని అంశంలోకి పూర్తిగా షిఫ్ట్ అయిపోయారు గనుక, వారిని అందులో బిజీ బిజీగా ఉంచుతూనే, మరో పక్క వచ్చేనెల 17నుండి జరగనున్న కాంగ్రెస్ మహాసభలలో రాహుల్ బాబు యువరాజ పట్టాభిషేకానికి, ఆంధ్రప్రదేశ్ రాష్ట్రం విడదీసిన తరువాత ముఖ్యమంత్రుల నియామానికి, పనిలోపనిగా మొన్ననే జైలునుండి బయటకు వచ్చిన లాలూ ప్రసాద్ ను మచ్చిక చేసుకోవడానికి ప్రయత్నాలు మొదలుపెట్టెసింది. నిజం చెప్పాలంటే కాంగ్రెస్ పార్టీ ప్రదర్శిస్తున్నఈ విద్యలపై విద్యార్ధులు పీ.హెచ్.డీ. కూడా చేయవచ్చును.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.