సీమాంధ్ర ప్రజలకు సీయం హ్యాండ్

Publish Date:Dec 19, 2013

Advertisement

 

“ప్రజాభిప్రాయాన్ని గౌరవించని ప్రభుత్వాలకు ప్రజలే శలవులు ప్రకటిస్తారు. ఆఖరు బంతి వరకు ఆట సాగుతుంది. దిగ్విజయ్ సింగ్ చెప్పిన మాటలు ఆయన వ్యక్తిగతమయినవి. నేను నేటికీ సమైఖ్యవాదానికే కట్టుబడి ఉన్నాను. నా అభిప్రాయంలో, ఆలోచనలలో వైఖరిలో ఎటువంటి మార్పు లేదు. ఎప్పటికీ సమైక్యవాదానికే కట్టుబడి ఉంటాను. నేను పైలిన్ తుఫానును ఆపలేకపోవచ్చునేమో కానీ, తప్పకుండా రాష్ట్ర విభజన ఆపగలను. నాచేతులతో పులిచింతల ప్రాజెక్టు ప్రారంభిచే అదృష్టం దక్కినందుకు గర్వ పడుతున్నాను. కానీ, నా హయాంలోనే రాష్ట్ర విభజన జరగడం నా దురదృష్టంగా భావిస్తున్నాను. ఇన్ని కోట్ల మంది ప్రజలు ఇన్ని నెలలుగా రోడ్లమీధకు వచ్చి నిరసనలు ఆందోళనలు చేస్తుంటే ప్రపంచమంతా గమనించింది. కానీ ఇది గమనించడానికి కేంద్రానికి కళ్ళు చెవులూ లేవా? ఇటువంటి పదునయిన మాటలతో ముఖ్యమంత్రి కిరణ్ కుమార్ రెడ్డి ఇంతకాలంగా అధిష్టానాన్ని గట్టిగా ఎదిరిస్తూ, సమైక్య చాంపియన్ గా మంచి పేరు సంపాదించుకొన్నారు. అయితే ఇప్పుడు అదంతా కంటశోషగా మిగిలిపోయినట్లు కనబడుతోంది.

 

టీ-బిల్లు శాసనసభకు రాగానే రాష్ట్రంలో ప్రళయం వచ్చేస్తుందనే అంతగా ఆయన అనుచరులు అందరూ కూడా చల్లబడిపోయారు. చివరికి ముఖ్యమంత్రి కనుసైగతో రంగంలో దూకేసే ఏపీఎన్జీవోల నాయకుడు అశోక్ బాబు మెరుపు సమ్మె చేయాడానికి సరయిన ముహూర్తం దొరక్కపోవడంతో మీనమేషాలు లెక్కబెడుతూ కూర్చోవలసి వచ్చింది పాపం.

 

ఇక, ముఖ్యమంత్రి కిరణ్ కుమార్ రెడ్డి శాసనసభలో తెలంగాణా బిల్లుపై వీర ప్రసంగం చేసేసిన తరువాత ఆయన అయన సహచరులు వీరతిలకం, వీర గంధం ఒళ్లంతా పూసేసుకొని రాజీనామాలు చేసేసి వీధుల్లోకి వచ్చేసి ఆందోళనలు చేసేస్తారని ప్రజలెవరూ కూడా ఇక ఆందోళన చెందనవసరం లేదు.

 

అయితే ఆరు నెలలుగా గారడి సాము చేస్తున్న ముఖ్యమంత్రి కిరణ్ కుమార్ రెడ్డి, కనీసం శాసనసభలో విభజనకు వ్యతిరేఖంగా నాలుగు మంచి మాటలయినా చెపితే విని పులకించిపోదామని టీవీలకు చెవులు కళ్ళు అప్పగించి కూర్చొన్న ప్రజల ఆశలను అడియాస చేస్తూ, ఈ రోజు ఆయన శాసనమండలిలో మొక్కుబడిగా మూడే మూడు నిమిషాలాలో ఆ తంతు కూడా ముగించేసారు.

 

బీహార్ రాష్ట్ర విభజన జరిగినప్పుడు అక్కడి శాసనసభ అనుసరించిన పద్దతులని తాను అధ్యయనం చేసానని, అందువల్ల సభలో సభ్యులందరూ కూడా అధ్యయనం చేస్తే మేలని ఒక ఉచిత సలహా ఇచ్చారు. సభ ముందుకు వచ్చిన సమస్య చాలా సున్నితమయినది కనుక, సభ్యులందరూ సంయమనం పాటించాలని కోరారు. చర్చల ద్వారా ఎటువంటి సమస్యనయినా పరిష్కరించు కోవచ్చు గనుక దీనిపై సభలో సభ్యులందరూ హుందాగా చర్చలో పాల్గొని పరిష్కారం కోసం కృషి చేయాలని కోరారు. అందుకోసం స్పీకర్ , చైర్మన్ ఇరువురూ సభకు తగిన మార్గదర్శకాలు జారీ చేయాలని కోరారు. అవసరమయితే మరోసారి బీఏసీ సమావేశం ఏర్పాటు చేసుకొనైనా ఉభయ సభలు సజావుగా సాగేలా చేయడం మన అందరి భాద్యత అని ఆయన హితబోధ చేసారు. ఆ తరువాత సభలో సమైక్యాంధ్ర నినాదాలు మొదలవడంతో సభ వాయిదా పడింది.

 

ఇక శాసనసభ సజావుగా జరిగే అవకాశం లేకపోవడంతో స్పీకర్ నాదెండ్ల మనోహర్ సభను నిరవదికంగా వాయిదా వేసారు. అందువల్ల ఇక సీమాంధ్ర ప్రజలు ఉభయ సభల నుండి ఏమీ ఆశించడం అత్యాస, అడియాసే అవుతుందనే సత్యం ఎంత త్వరగా గ్రహిస్తే అంతే మన శాంతి దక్కుతుంది.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.