రంగనాయకమ్మ ఎవరు? ఆమె ఫేస్‌బుక్‌ పోస్టులో ఏముంది?

Publish Date:May 20, 2020

Advertisement

విశాఖ గ్యాస్‌లీక్‌ ఘటనపై ప్రభుత్వానికి వ్యతిరేకంగా సోషల్ మీడియాలో పోస్టింగ్స్‌ పెట్టారంటూ.. గుంటూరుకి చెందిన పూంతోట రంగనాయకమ్మ(66)కు సీఐడీ అధికారులు‌ నోటీసులిచ్చి, కేసు నమోదు చేసిన సంగతి తెలిసిందే. రంగనాయకమ్మపై కేసు నమోదు చేయడం పట్ల ప్రతిపక్ష టీడీపీ అభ్యంతరం వ్యక్తం చేసింది. ముఖ్యంగా టీడీపీ నేత నారా లోకేష్.. "అమ్మ వయస్సు ఉన్న వారిని కూడా  కక్షగట్టి, వెంటాడి వేధిస్తున్నారు." అంటూ జగన్ సర్కార్ పై విరుచుకుపడ్డారు.

కాగా, అసలు ఈ  రంగనాయకమ్మ ఎవరు?.. కేసులు నమోదుచేసే అంతలా ఆమె పోస్ట్ లో ఏముంది?.. వంటి అంశాలు ప్రస్తుతం సోషల్ మీడియాలో చర్చనీయాంశంగా మారాయి.

గుంటూరు నగరంలో ప్రముఖ వ్యాపార కుటుంబానికి చెందిన రంగనాయకమ్మ ఫేస్‌బుక్‌లో యాక్టివ్‌గా ఉంటారు. నిత్యం తన అభిప్రాయాలను ఫేస్‌బుక్‌లో పోస్ట్ చేస్తుంటారు. గుంటూరులోని ప్రముఖ హోటల్‌ శంకర్ విలాస్‌కు ఆమె డైరక్టర్‌గా వ్యవహరిస్తున్నారు.

ఇటీవల విశాఖ ఎల్జీ పాలిమర్స్‌ గ్యాస్ లీక్ ఘటనలో 12 మంది ప్రాణాలు కోల్పోగా, వందల మంది ఆసుపత్రుల పాలైన సంగతి తెలిసిందే. ఈ ఘటనకు కంపెనీ నిర్లక్ష్యమే కారణమని, అలాంటి కంపెనీని ప్రభుత్వం వెనకేసుకొచ్చే ప్రయత్నం చేస్తోందని ఆరోపణలు వినిపించాయి. ఈ నేపథ్యంలో, 20 పాయింట్ల రూపంలో ప్రభుత్వ తీరుపై అనుమానాలను వ్యక్తం చేస్తూ మల్లాది రఘునాథ్ అనే వ్యక్తి రాసిన ఓ పోస్టును రంగనాయకమ్మ షేర్‌ చేశారు.

ఎల్జీ పాలిమర్స్ ప్రమాదానికి సంబంధించిన ఆధారాలు ధ్వంసం చేశారని, కంపెనీని సీజ్ చేయలేదని, లిక్విడ్ ఎస్సెట్‌గా ఉన్న స్టైరీన్‌ గ్యాస్‌ను తెలివిగా తరలించారని ఆ పోస్ట్ లో పేర్కొన్నారు. వేలిముద్రల కోసం వచ్చే క్లూస్‌టీమ్‌కి ఆధారాలు లేకుండా చేశారని.. పోలీస్ బాస్ పర్యటన పేరుతో లోపల ఉద్యోగుల హాజరును కూడా మార్చేశారని పోస్టులో ఆరోపించారు.

ఆధారాలు ధ్వంసం చేస్తే ఐక్యరాజ్యసమితిగానీ, సుప్రీంకోర్టుగానీ, హైకోర్టుగానీ నిజాలు నిగ్గు తేల్చగలవా? అని ప్రశ్నించారు. వ్యూహాత్మకంగా రాష్ట్ర ప్రభుత్వం ప్రజావ్యతిరేక నిర్ణయాలు తీసుకుంటుంటే రాజ్యాంగబద్ధ సంస్థలు, కోర్టులు ఏమీ చేయలేవని అన్నారు. ప్రమాద ఘటన తర్వాత పోలీస్ అధికారి అరెస్టులు మా పనికాదనడం దేనికి సంకేతమని ప్రశ్నించారు. ఇక ఆ ఐదు గ్రామాల ప్రజలు ఆశలు వదిలేసుకోవడమే మంచిదంటూ వ్యాఖ్యానించారు. పోస్ట్ చివరలో సేకరణ రఘునాథ్ మల్లాది అని రంగనాయకమ్మ పేర్కొన్నారు.

ఈ పోస్ట్‌ ఇప్పుడు రంగనాయకమ్మని చిక్కుల్లోకి నెట్టింది. సీఆర్పీసీ సెక్షన్ 41-ఎ కింద ఆమెకు సీఐడీ అధికారులు నోటీసులు అందించారు.

కాగా, ఈ ఘటనపై రంగనాయకమ్మ స్పందిస్తూ.. తానేమీ నేరం చేయలేదు అన్నారు. నేషనల్ మీడియాలో వచ్చిందాన్ని తన ఫేస్ బుక్ మిత్రుడు తెలుగులోకి అనువదించి పెట్టారని, ఇది అందరికీ అర్థమవుతుందని తాను షేర్ చేశానని తెలిపారు. మనకు ఆ మాత్రం స్వేచ్ఛ కూడా లేకపోతే మనగురించి ఆలోచించే అవకాశం కూడా ఉండదని ఆమె అభిప్రాయపడ్డారు. తాను రాజకీయపార్టీలకు వ్యతిరేకంగా పెట్టలేదని, అంతమంది చనిపోయారనే బాధతో, కేవలం ప్రజలకు సమాచారం అందించేందుకే పోస్టు చేశానన్నారు.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.