తన ప్రియుడు తనకు బూటకపు వాగ్దానాలు చేసి ఎంతో విలువైన తన కన్యాత్వాన్ని దోచుకున్నాడని ఒక చైనా యువతి కోర్టుకు ఎక్కింది. కన్యాత్వాన్ని దోచుకుంటే దోచుకున్నాడుగానీ, నష్టపరిహారంగా తనకు 81 వేల డాలర్లు ఇప్పించడంటూ న్యాయమూర్తిని వేడుకుంది. తన ప్రియుడు తనకు ఆల్రెడీ పెళ్ళి అయిన విషయాన్ని దాచిపెట్టి, తనను పెళ్ళి చేసుకుంటానని నమ్మించి కన్యాత్వాన్ని దోచుకున్నాడని, అందువల్ల తాను శారీరకంగా, మానసికంగా ఎంతో నష్టపోయానని ఆమె వాపోయింది. తన కన్యాత్వాన్ని దోచుకున్న వ్యక్తి దగ్గర్నుంచి ఆ నష్టపరిహారం ఇప్పిస్తే తాను శాంతిస్తానని విన్నవించుకుంది. అయితే కోర్టు మాత్రం 5 వేల డాలర్ల నష్టపరిహారంతో సరిపెట్టుకొమ్మని తీర్పు ఇచ్చింది.