విజయసాయితో సజ్జలకు చెక్ : కేబినెట్ ఎఫెక్ట్

Publish Date:Apr 19, 2022

Advertisement

మంత్రి వర్గ పునర్వ్యవస్థీకరణ అనంతరం పార్టీలో చెలరేగిన అసంతృప్తి సెగలు ఇంకా పూర్తిగా చల్లారనే లేదు...అప్పుడే మరో పదవుల పందేరానికి ఏపీ సీఎం జగన్ తెరలేపారు. ఈ సారి పెద్ద ఎత్తున నామినేటెడ్ పదవుల పందేరం చేయనున్నారు. మంత్రి పదవులు దక్కక అసంతృప్తితో ఉన్నవారిని నామినేటెడ్ పదవులతో సంతృప్తి పరచాలన్నది ఆయన ఉద్దేశం. అయితే ఆశావహుల సంఖ్య అసంఖ్యాకంగా ఉండటంతో నామినేటెడ్ పదవులు ఎవరికి ఇవ్వాలన్న కసరత్తు ఓ కొలిక్కి చేరలేదు. నేడో రేపో కసరత్తు పూర్తి చేసి తుది జాబితాను విడుదల చేసే అవకాశం ఉంది. మంత్రి వర్గ పునర్వ్యవస్థీకరణ విషయంలో జగన్ కు అంతా తానై సహకరించిన రాజకీయ సలహాదారు సజ్జల రామకృష్ణా రెడ్డిని మాత్రం ఈ సారి దరిదాపులకు రానీయకుండా జగన్ నామినేటెడ్ పోస్టుల జాబితా రూపొందించడం నుంచి ఎవరెవరికి పదవులు ఇవ్వాలన్న విషయంపై పూర్తిగా పార్టీ ఎంపీ విజయసాయిరెడ్డిపైనే ఆధారపడుతున్నట్లు సమాచారం. ఇప్పటి వరకూ ఉత్తరాంధ్రకే పరిమితమైన ఆయనను ఇప్పుడు పార్టీ కేంద్ర కార్యాలయానికి తీసుకువచ్చి మరిన్ని బాధ్యతలు అప్పగించే యోచనలో జగన్ ఉన్నారు. మంత్రి వర్గ పునర్వ్యవస్థీకరణ అనంతర పరిణామాలతో పార్టీ ప్రతిష్ట మసకబారిందని జగన్ భావిస్తున్నారు.  ఈ నేపథ్యంలోనే ఆయన పునర్వ్యవస్థీకరణ అనంతర పరిణామాలను అంచనా వేయడంలోనూ, అసమ్మతి రాగాలను అదుపు చేయడంలోనూ సజ్జల విఫలం కావడం వల్లే స్వయంగా తానే రంగంలోనికి దిగాల్సిన పరిస్థితి వచ్చిందని జగన్ భావిస్తున్నట్లు పార్టీ వర్గాల సమాచారం. అందుకే సజ్జలను పక్కన పెట్టి విజయసాయిరెడ్డిని మరింత క్రియాశీలంగా పార్టీ వ్యవహారాలలో నిమగ్నమయ్యేలా చేయాలన్నది జగన్ ఉద్దేశంగా కనిపిస్తున్నది. 
గతంలో జగన్ హస్తిన పర్యటన సందర్భంగా పీఎంతో అప్పాయింట్ మెంటు విషయంలో విజయసాయి రెడ్డి సఫలం కాలేకపోవడంతో ఆయన ప్రాధాన్యతను పార్టీలో తగ్గించినట్లు కథనాలు వచ్చాయి. వాటిలో నిజానిజాల సంగతి ఎలా ఉన్నా గత కొంత కాలంగా పార్టీలో విజయ సాయి రెడ్డికి పెద్దగా ప్రాధాన్యత అన్నది కనిపించలేదు. రాజకీయ సలహాదారు హోదాలో సజ్జలే అన్నీ చక్కబెడుతూ వస్తున్నారు. మంత్రులను మించి ఆయన వివిధ శాఖలకు సంబంధించి సమీక్షలు నిర్వహించడం, విలేకరుల సమావేశాలు ఏర్పాటు చేసి వివరాలు వెల్లడించడం వంటివన్నీ సజ్జలే చూసుకుంటూ వచ్చారు. మంత్రులను డమ్మీలుగా మార్చి సజ్జలే అన్నీ తానై వ్యవహరిస్తున్నారన్న విమర్శలు వెల్లువెత్తిన ముఖ్యమంత్రి జగన్ పట్టించుకోలేదు. సజ్జలను నియంత్రించడానికి ప్రయత్నించలేదు. 
 అయితే మంత్రి వర్గ పునర్వ్యవస్థీకరణ అనంతర పరిణామాలతో సజ్జల వన్ మేన్ షో వల్ల జరిగిన నష్టం ఏమిటన్నది తేటతెల్లమవ్వడంతో ఆయన ప్రాధాన్యత తగ్గించాలని జగన్ నిర్ణయించుకున్నట్లు విజయసాయి రెడ్డిని పార్టీ కేంద్ర కార్యాయానికి రప్పించి కీలక బాధ్యతలు అప్పగించాలని జగన్ నిర్ణయించుకోవడాన్ని బట్టి అర్థమౌతున్నది. మొత్తం మీద సీఎం జగన్ పార్టీలో, ప్రభుత్వంలో సజ్జల ప్రాధాన్యతకు చెక్ పెట్టేందుకు సిద్ధమైనట్లు పార్టీ వర్గాలు చెబుతున్నాయి. గతంలో విజయసాయిరెడ్డి జగనే తాను తానే జగన్ అన్న చందంగా వైసీపీలో చక్రం తిప్పిన సంగతి తెలిసిందే. అయితే ఆ తరువాత క్రమంగా ఆయన పాత్రను నామమాత్రం చేసిన జగన్...విజయసాయి స్థానంలో రాజకీయ సలహాదారుల ఉన్న సజ్జలకు పార్టీ బాధ్యతలు అప్పగించారు. ఇప్పుడు ఆయనను కాదని విజయసాయికి ప్రాధాన్యత పెంచాలని నిర్ణయించుకున్నారు.   నామినేటెడ్ పదవుల జాతరకు సజ్జలను దూరం పెట్టడంతోనే ఆయన ప్రభ ఇంక పార్టీలో మసకబారినట్లేనని పరిశీలకులు అంటున్నారు. ఇప్పుడు నామినేటెడ్ పదవుల పందేరం అనంతరం పార్టీలో మరోసారి అసంతృప్తి జ్వాలలు ఎగసిపడే అవకాశం ఉండొచ్చన్నది పరిశీలకుల అంచనా. గతంలోలా జగన్ మాటే శిరోధార్యం అన్న పరిస్థితి పార్టీలో కనిపించడం లేదనీ, పునర్వ్యవస్థీకరణ అనంతర పరిణామాలే అందుకు నిదర్శనమనీ చెబుతున్నారు. మరి పార్టీలో అసమ్మతిని, అసంతృప్తిని విజయసాయి రెడ్డి ఏ మేరకు నియంత్రించగలరన్నది రానున్న రోజుల్లో తేలుతుంది.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.