స్త్రీల భద్రతకు పెద్దపీట వేస్తామని ఆర్థిక శాఖ మంత్రి చిదంబరం తన బడ్జెట్ ప్రసంగంలో పేర్కొన్నారు. ఎన్నో రకాల కలలతో స్త్రీ సమాజంలోకి అడుగుపెడుతుందని, వారి భద్రతకు ప్రభుత్వం కట్టుబడి ఉందని చెబుతూ...ప్రభుత్వ రంగంలో మహిళలకు ప్రత్యేక బ్యాంకును ఏర్పాటు చేయనున్నట్టు ఆర్థిక శాఖ మంత్రి చిదంబరం ప్రకటించారు. ఇందుకు వీలుగా మొత్తం రూ. 1000 కోట్ల మూలధనంతో మహిళలకు ప్రత్యేక బ్యాంకును ఏర్పాటు చేస్తున్నట్టు ఆయన వెల్లడించారు. ఈ బ్యాంకు త్వరలోనే రూపుదిద్దుకుంటుందని ఆయన చెప్పారు. ఈ బ్యాంకు నిర్మాణం శంకుస్థాపనకు విచ్చేయవలసిందిగా పార్లమెంటు సభ్యులు అందరికీ ఇదే ఆహ్వానం అని ఆయన చెప్పారు.