తెలంగాణ బ్రాండ్ అంబాసిడర్‌గా సానియా మిర్జా ఎంపిక కావడం, అది పెద్ద ఇష్యూ కావడం గురించి తెలిసిందే. తెలంగాణ బ్రాండ్ అంబాసిడర్ అనే అంశం ఇష్యూ అయింది కాబట్టి, ఆంధ్రప్రదేశ్ బ్రాండ్ అంబాసిడర్ ఎవరనే పాయింట్ వెలుగులోకి వచ్చింది. కొంతమంది అత్యుత్సాహంతో మహేష్‌బాబు ఆంధ్రప్రదేశ్ బ్రాండ్ అంబాసిడర్ అనే విషయాన్ని ప్రచారం చేయడం మొదలుపెట్టారు. అయితే ఈ అంశానికి ఆంధ్రప్రదేశ్ ముఖ్యమంత్రి చంద్రబాబు నాయుడు ఫుల్ స్టాప్ పెట్టారు. ఆంధ్రప్రదేశ్ రాష్ట్రానికి బ్రాండ్ అంబాసిడర్ అవసరమే లేదని స్పష్టం చేశారు. బ్రాండ్ అంబాసిడర్లు లేకుండానే ఆంధ్రప్రదేశ్‌ రాష్ట్రానికి ప్రపంచ వ్యాప్త గుర్తింపు వస్తుందన్న ఆత్మవిశ్వాసాన్ని చంద్రబాబు వ్యక్తం చేశారు.