బ్లాక్ అండ్ వైట్ అటాక్‌.. ఫంగ‌స్‌తో ఫ‌స‌క్‌..

Publish Date:May 21, 2021

Advertisement

5,500 కేసులు. 126 మరణాలు. ఇవేమీ క‌రోనా సోకిన వారి వివ‌రాలు కావు. అవేమీ కొవిడ్‌తో సంభ‌వించిన చావులేమీ కావు. ఇన్నాళ్లూ.. ప్ర‌తీరోజూ కొత్త‌గా ఇంత మందికి క‌రోనా సోకింది.. వైర‌స్ వ‌ల్ల అంత మంది చ‌నిపోయారంటూ అప్‌డేట్స్ తెలుసుకున్నాం. ఇక‌పై క‌రోనాకు తోడుగా బ్లాక్ ఫంగ‌స్ డిటైల్స్ సైతం తెలుసుకోవాల్సిన దుస్థితి. ఎందుకంటే, క‌రోనా మాదిరే.. బ్లాక్ ఫంగ‌స్ కేసులు సైతం దేశంలో విప‌రీతంగా పెరుగుతున్నాయి. మ‌ర‌ణాలూ అదే జోరుతో న‌మోద‌వుతున్నాయి. కొవిడ్‌తో పోలిస్తే.. బ్లాక్ ఫంగ‌స్ మ‌రింత డేంజ‌ర‌స్ అనే వార్త‌లు మ‌రింత క‌ల‌వ‌ర‌పెడుతున్నాయి. 

ఓ వైపు దేశమంతా కరోనా మహమ్మారితో అల్లాడుతున్న వేళ ఫంగస్‌ వ్యాధి భయపెడుతోంది. రోజురోజుకీ బ్లాక్‌ ఫంగస్ (మ్యుకర్‌ మైకోసిస్‌) కేసులు పెరుగుతున్నాయి. ఇప్పటివరకు దేశవ్యాప్తంగా దాదాపు 5,500 బ్లాక్‌ ఫంగస్‌ కేసులు నమోదుకాగా.. 126 మంది చనిపోయినట్లు జాతీయ మీడియా కథనాలు చెబుతున్నాయి. ఇక కరోనా ఉద్ధృతి ఎక్కువగా ఉన్న మహారాష్ట్రలోనే ఈ ఫంగస్‌ కేసులు కూడా అత్యధికంగా ఉన్నట్లు తెలుస్తోంది. ఆ రాష్ట్రంలో ఇప్పటి వరకు 90 మరణాలు సంభవించాయి.   

ఆ తర్వాత హరియాణాలో 14 మంది, ఉత్తరప్రదేశ్‌లో 8 మంది, ఝార్ఖండ్‌లో నలుగురు, ఛత్తీస్‌గఢ్‌, మధ్యప్రదేశ్‌లో ఇద్దరు చొప్పున బ్లాక్‌ ఫంగస్‌తో మరణించారు. కొన్ని రాష్ట్రాలు ఈ ఫంగస్‌ కేసులు, మరణాలను నమోదు చేయకపోవడంతో ఇంకా పూర్తి సంఖ్య స్పష్టంగా తెలియడం లేదంటున్నారు. 

తెలుగురాష్ట్రాల్లోనూ బ్లాక్ ఫంగ‌స్ వేగంగా విస్త‌రిస్తోంది. ఏపీలో ఇప్ప‌టికే ప‌దుల సంఖ్య‌లో ప్రాణాలు కోల్పోయారు. ఏపీలో బ్లాక్ ఫంగ‌స్ చికిత్స‌కు స‌రైన స‌దుపాయాలు లేక‌పోవ‌డంతో.. బాధితులంగా హైద‌రాబాద్‌కు క్యూ క‌డుతున్నారు. క‌రోనా విష‌యంలోనే అట్ట‌ర్‌ఫ్లాప్ అయిన జ‌గ‌ర్‌రెడ్డి స‌ర్కారు.. ఇక బ్లాక్ ఫంగ‌స్‌ను అరిక‌ట్ట‌డంలో చేతులెత్తేసింది. ఏపీ స‌ర్కారు బ్లాక్ ఫంగ‌స్ చికిత్స‌ను ఆరోగ్య‌శ్రీలో చేర్చి చేతులు దులిపేసుకుంది.  

అటు, తెలంగాణ‌లో బ్లాక్‌ ఫంగస్‌ (మ్యుకర్‌ మైకోసిస్‌) రోగుల బాధలు వర్ణనాతీతంగా ఉంటున్నాయి. చికిత్స కోసం ఇతర రాష్ట్రాల నుంచీ హైదరాబాద్‌లోని కోఠి ఈఎన్‌టీ ఆసుపత్రికి వస్తున్నా పడకలు దొరకడం లేదు. తమ వంతు కోసం ఆసుపత్రి ఆవరణలో పడిగాపులు కాయాల్సివస్తోంది. రాష్ట్ర ప్రభుత్వం ఈ ఆసుపత్రిని బ్లాక్‌ ఫంగస్‌కు నోడల్‌ కేంద్రంగా ప్రకటించింది. ప్రస్తుతం 90 పడకల వరకు నిండడంతో మరో 50 పెంచేందుకు ఏర్పాటు చేస్తున్నారు. ఇతర ప్రాంతాలవారనే వివక్ష లేకుండా అందర్నీ చేర్చుకోవాలని రోగుల బంధువులు విజ్ఞప్తి చేస్తుండగా, పడకలు లేకపోవడం వల్లే కొందరికి కేటాయించలేకపోతున్నామని వైద్యులు చెబుతున్నారు. 

ఈఎన్‌టీ వైద్యశాలలో మౌలిక వసతుల కొరత వేధిస్తోంది. ప్రస్తుతం సీటీస్కాన్‌ పనిచేయడం లేదు. ఫంగస్‌ ముఖ భాగంలో ఎక్కడెక్కడ వ్యాపించిందనేది గుర్తించడం కష్టమే. ఫంగస్‌ మెదడులోకి విస్తరించిందో లేదో తెలుసుకోవాలంటే బ్రెయిన్‌ ఎం.ఆర్‌.ఐ., మరికొన్ని ఇతర పరీక్షలు అవసరమవుతాయి. ఇవేమీ ఈఎన్‌టీ ఆసుపత్రిలో అందుబాటులో లేకపోవడంతో రోగులను ఉస్మానియా ఆసుపత్రికి పంపుతున్నారు. అక్కడ తీవ్ర జాప్యం చోటుచేసుకుంటోంది.   

గాంధీ ఆసుపత్రిలో బ్లాక్‌ ఫంగస్‌ బాధితులకు ప్రత్యేక వార్డు కేటాయించారు. కేవలం కరోనా పాజిటివ్‌తో పాటు బ్లాక్‌ఫంగస్‌ ఉంటేనే చేర్చుకుంటున్నామని వైద్యులు తెలిపారు. ఇక్కడ చికిత్స పొందుతున్న బ్లాక్‌ ఫంగస్‌ రోగుల సంఖ్య గురువారానికి 23కు చేరింది. ఆసుపత్రి ప్రధాన భవనంలోని నాలుగో అంతస్తులో 30 పడకలతో ప్రత్యేకంగా ఓ వార్డు ఏర్పాటు చేశారు. 

నగరంలోని ప్రభుత్వ, ప్రైవేటు ఆసుపత్రులకు బ్లాక్‌ఫంగస్‌ బాధితుల తాకిడి పెరుగుతోంది. కోఠి ఈఎన్‌టీ ఆసుపత్రిలో గురువారం ఒక్కరోజే 39 మంది చేరారు. ఇప్పటికే ఇక్కడ 90 మంది వరకు చేరారు. ఏడుగురికి శస్త్ర చికిత్స చేసినట్లు వైద్యులు తెలిపారు. గాంధీలో ఇదే వ్యాధితో 23 మంది చికిత్స పొందుతున్నారు. బాధితుల సంఖ్య పెరుగుతుండటంతో కోఠి ఈఎన్‌టీలో పడకలకు కొరత ఏర్పడుతోంది.   

మరోవైపు బ్లాక్‌ఫంగస్‌ ఉద్దృతమవుతున్న నేపథ్యంలో ఆయా రాష్ట్రాలు దీన్ని అంటువ్యాధిగా ప్రకటించాలని, రోగులకు అత్యవసర చికిత్స అందించాలని కేంద్రం ఆదేశించింది. అటు కేసులు పెరుగుతుండటంతో ఈ వ్యాధిని అదుపు చేసేందుకు ఉపయోగించే లిపోసోమల్‌ యాంపొటెరిసిన్‌ బి ఇంజెక్షన్‌ ఔషధం కొరత ఏర్పడుతోంది. ప్రస్తుతం ఈ మందుల కొరతను అధిగమించేందుకు మరో 5 కంపెనీలకు అనుమతులిచ్చింది కేంద్ర ప్ర‌భుత్వం. 

కొవిడ్ వైరస్, బ్లాక్ ఫంగస్ భయం ఉండగానే తాజాగా వైట్ ఫంగస్ వెలుగులోకి వచ్చింది. బీహార్ లోని పాట్నాలో నలుగురికి వైట్ ఫంగస్ వ్యాధి నిర్ధారణ అయింది. వీరికి కరోనా టెస్టుల్లో నెగెటివ్ రిపోర్టులు వచ్చినప్పటికీ... వీరికి వైట్ ఫంగస్ సోకినట్టు స్పష్టమైంది. అయితే వీరికి  యాంటీ ఫంగల్ ఔషధాలను ఇవ్వడంతో ఆ వ్యాధి నుంచి కోలుకున్నారు.

వైద్యులు చెపుతున్న దాని ప్రకారం బ్లాక్ ఫంగస్ కంటే వైట్ ఫంగస్ మ‌రింత డేంజ‌ర‌స్‌. వైట్ ఫంగస్ సోకినవారిలో వారి ఊపిరితిత్తులు, చర్మం, గోళ్లు, కడుపు, మూత్రపిండాలు, మెదడు, మర్మావయవాలు, నోరు ప్రభావితమవుతాయి. వైట్ ఫంగస్ ఊపిరితిత్తులపై తీవ్ర ప్రభావం చూపుతుంది. హెచ్ఆర్సీటీ ద్వారా ఈ ఫంగస్ ను గుర్తించవచ్చు. కరోనా వైరస్ ఇన్ఫెక్షన్ వంటి లక్షణాలు హెచ్ఆర్‌సీటీలో కనిపిస్తే, వైట్ ఫంగస్‌ను కనుగొనడానికి మ్యూకస్ (శ్లేష్మం) కల్చర్‌ను ఎగ్జామిన్ చేయాలి. ఎక్కువ కాలం స్టెరాయిడ్లు తీసుకునేవారికి, రోగనిరోధకశక్తి తక్కువగా ఉన్నవారికి, డయాబెటిస్ బాధితులకు.. వైట్ ఫంగస్ సోకే ప్ర‌మాదం ఎక్కువ‌. 

ఇలా క‌రోనాకు పోటీగా బ్లాక్ అండ్ వైట్ ఫంగ‌స్ కేసులు పెరుగుతుండ‌టం తీవ్ర ఆందోళ‌న‌క‌రం. క‌రోనానే అంటే ఈ ఫంగ‌స్ ఇన్‌ఫెక్ష‌న్లు మ‌రింత డేంజ‌రస్ అని చెబుతుండ‌టంతో ప్ర‌జ‌లు మ‌రింత బెదిరిపోతున్నారు. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.