ఇండియా..ఆస్ట్రేలియా మధ్య రెండో టెస్ట్ మ్యాచ్ ఉప్పల్ స్టేడియంలో ఈ రోజు ప్రారంభమైంది. టాస్ గెలిచిన ఆసీస్ మొదట బ్యాటింగ్ చేయడానికి నిర్ణయించుకుంది. కొద్ది రోజుల క్రితం హైదరాబాద్ లో పేలుళ్లు జరిగిన నేపధ్యంలో ఈ మ్యాచ్ కు పోలీసులు భారీ భద్రతను ఏర్పాటు చేశారు. తొలి ఇన్నింగ్స్ లో మొదట బ్యాటింగ్ కు దిగిన ఆస్ట్రేలియా ఆదిలోనే రెండు వికెట్లు కోల్పోయింది. వార్నర్ 6 పరుగుల వద్ద భువనేశ్వర్ కుమార్ క్లీన్ బౌల్డ్ చేశాడు. ఆతరువాత కోవాన్ కూడా నాలుగు పరుగులు చేసి భువనేశ్వర్ బౌలింగ్ లో ఎల్బీగా వెనుదిరిగాడు. ప్రస్తుతం ఆస్ట్రేలియా ఆరు ఓవర్లు ముగిసే సరికి 19 పరుగులతో ఆడుతోంది.