‘పొత్తు పొడుపు’.. చంద్ర‌బాబుపై బండి సంజ‌య్ పొగ‌డ్త‌లు అందుకేనా?

Publish Date:Mar 18, 2022

Advertisement

ఓ వంక ఆంధ్ర ప్రదేశ్’లో ఎన్నికల పొత్తులపై చర్చ మొదలైంది. జనసేన అధినేత పవన్’ కళ్యాణ్, వైసీపీ వ్యతిరేక ఓటు చీలకుండా చూస్తానని, పార్టీ ఆవిర్భావ సభ వేదిక నుంచి చేసిన ప్రకటనపై రాజకీయ, మీడియా వర్గాల్లో బహుముఖ చర్చ జరుగుతోంది. మళ్ళీ మరోసారి మూడు పార్టీలు ( టీడీపీ, జనసేన, బీజేపీ) ఒకటవుతాయని, బీజేపీ కలిసి వచ్చినా రాకున్నా, టీడీపీ, జనసేనల పొత్తు వరకు అయితే ఖరారైనట్లేనని, పవన్ కళ్యాణ్ ఈ మేరకు క్లారిటీ ఇచ్చారని, విశ్లేషకులు అంటున్నారు. 

అదలా ఉంటే, తెలంగాణ  బీజేపీ అధ్యక్షుడు బండి సంజయ్, టీడీపీ అధినేత చంద్రబాబు నాయుడు పరిపాలన దక్షతపై చేసిన వ్యాఖ్యలు, ఏపీ ఎన్నికల పొత్తులపై కొత్త ఆలోచనలకు ఆస్కారం కలిపించేలా ఉన్నాయని, పరిశీలకులు అంటున్నారు. నిజానికి ఏపీలో బీజేపీ, అధికార వైసీపీ’తో చీకటి ఒప్పందం చేసుకుందని, తెలుగు దేశం పార్టీ ఎప్పటి నుంచో అనుమానిస్తోంది. అందుకే, జగన్ రెడ్డి ప్రభుత్వం సాగిస్తున్న అరాచక పాలనను కేంద్రం చూసీచూడనట్లు ఉపెక్షిస్తోందనే ఆరోపణలు ఉన్నాయి.అందుకే, పవన్ కళ్యాణ్ చేసిన, ‘ఓట్ల  చీలిక ఉండదు’ ప్రకటన సంచలనంగా మారింది. 

ఆదలా ఉంటే, ప్రజాస్వామ్య పరిరక్షణ ఆందోళన వేదిక నుంచి, తెలంగాణ సీఎం కేసీఆర్ అనుసరిస్తున్న మత సంతుష్టీకరణ విధానాలపై విమర్శలు గుప్పించిన బీజేపీ చీఫ్ బండి సంజయ్, పనిలో పనిగా టీడీపీ అధ్యక్షుడు చంద్రబాబునాయుడు ప్రస్తావన తీసుకువచ్చారు. ఆయన్ని ప్రశంశలతో ముంచెత్తారు. చంద్రబాబు ఉమ్మడి రాష్ట్ర ముఖ్యమంత్రిగా ఉన్నరోజుల్లో, మత ఘర్షణలనే మాట వినపడకుండా, శాంతి భద్రతలను గట్టిగా కంట్రోల్ చేశారని గుర్తు చేశారు. అలాగే, కాంగ్రెస్ హయాంలో అధికార పార్టీ అండ చూసుకుని రెచ్చి పోయిన, ఎంఐఎం నాయకులను చంద్రబాబు నాయుడు తమ పాలనలో  అదుపులో పెట్టారని అన్నారు.
 
మాములుగా అయితే, బండి సంజయ్ చేసిన వ్యాఖ్యలకు అంతగా ప్రాధాన్యత ఉండదు కానీ, ఆంధ్ర ప్రదేశ్’లో పొత్తుల చర్చ జరుగుతున్న సమయంలో మాజీ మిత్ర పక్షం టీడీపీ అద్యక్షుడు,చంద్రాబాబును బీజేపీ రాష్ట్ర అధ్యక్షుడు పొగడ్తలతో ముంచెత్తడం, దేనికి సంకేతమనే చర్చకు ఆస్కారం ఇస్తోందని అంటున్నారు. నిజానికి, తెలుగు దేశం, బీజేపీల మధ్య సుదీర్ఘ బంధం ఉందని పార్టీ నాయకులు గుర్తు చేస్తున్నారు. ఎన్టీఆర్’ను 1985లో  నాదెండ్ల భాస్కర రావు అప్రజాస్వామికంగా గద్దె దింపినప్పటినుంచే రెండు పార్టీల మధ్య బంధం ఏర్పడింది. మధ్య మధ్యలో విడిపోయినా మళ్ళీ కలుస్తూనే ఉన్నాయని,ఇప్పుడు మళ్ళీ మరో మారు రెండు పార్టీలు ఒకటైనా ఆశ్చర్య పోనవసరం లేదని, అంటున్నారు.  మరో వంక ఉభయ పార్టీల్లోనూ, టీడీపీ, జనసేన, బీజేపీ కూటమి పోటీ చేయడం ఉభయ తారకంగా ఉంటుందనే అభిప్రాయమే బలంగా వినిపిస్తోంది. అయితే, పొత్తుల విషయంలో ఇప్పుడే తొందరపడి నిర్ణయం తీసుకోవలసిన అవసరం లేదని, బీజేపీ సీనియర్ నాయకుడు ఒకరు చెప్పారు.ప్రస్తుతానికి, బీజేపీ, జనసేన కూటమి కలిసి పనిచేస్తాయని, ఉద్యమాలలో కలిసివచ్చే పార్టీలను కలుపుకు పోవడానికి తమకు అభ్యంతరం లేదని, ఆయన అన్నారు. అలాగే, తెలుగు దేశం పార్టీ నాయకులు కూడా పొత్తుల గురించి చర్చించేందుకు ఇంకా సమయం ఉందని అంటున్నారు. దీని బట్టి చూస్తే ఇరు పార్టీలలో ‘పొత్తుపొడుపు’ కు సుముఖత వ్యక్త మవుతున్నట్లు ఉందని పరిశీలకులు అంటున్నారు.
 

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.