బ్రిటన్, సింగపూర్ లో బాలకృష్ణ జన్మదిన వేడుకలు.. అంబరాన్నంటిన సంబరాలు

Publish Date:Jun 11, 2026

Advertisement

హిందూపురం ఎమ్మెల్యే, ప్రముఖ నటుడు నందమూరి బాలకృష్ణ క్రేజ్   తెలుగురాష్ట్రాలు, ఇండియా ఎల్లలు దాటి పోయింది.  ఆయనకు ఉన్న   గ్లోబల్ రేంజ్  అని మరోసారి రుజువైంది.  నందమూరి బాలకృష్ణ 66వ జన్మదిన వేడుకలు తెలుగు రాష్ట్రాలలోనే  కాకుండా..  ప్రపంచవ్యాప్తంగా  ఉన్న తెలుగువారు ఘనంగా జరుపుకున్నారు.   యునైటెడ్ కింగ్‌డమ్,  సింగపూర్‌ దేశాల్లో బాలకృష్ణ అభిమానులు బాలయ్య జన్మదిన వేడుకలను అత్యంత వైభవంగా నిర్వహించారు.  బాలకృష్ణ జన్మదినం సందర్భంగా బ్రిటన్, సింగపూర్ లో జరిగిన భారీ ఈవెంట్లకు సంబంధించిన ఫొటోలు, వీడియోలు సామాజిక మాద్యమంలో హల్ చల్ చేస్తున్నాయి. తెగ వైరల్ అవుతున్నాయి.  

బ్రిటన్ లోని లెస్టర్ నగరంలో బాలకృష్ణ జన్మదిన వేడుకలు కేక్ కటింగ్‌తో ప్రారంభమైభారీ కార్ ర్యాలీతో జరిగాయి.  బాలకృష్ణ చిత్రపటాలు, ప్రత్యేక జెండాలతో అలంకరించిన లగ్జరీ కార్లతో లెస్టర్ వీధుల్లో బాలయ్య అభిమానులు నిర్వహించిన ఈ ర్యాలీ అందరినీ విశేషంగా ఆకర్షించింది. ర్యాలీ అనంతరం ఏర్పాటు చేసిన కల్చరల్ కార్యక్రమాలు అలరించాయి.  సాంస్కృతిక కార్యక్రమాలు వేడుకకు ప్రత్యేక శోభను తెచ్చాయి.  అఖండ తాండవం  నృత్య ప్రదర్శన హైలైట్ గా నిలిచింది.  అలాగే సాంప్రదాయ శాస్త్రీయ నృత్య ప్రదర్శనలు కూడా  అలరించాయి. ఇదే వేదికపై నందమూరి బాలకృష్ణకు అంకితమిస్తూ అభిమానులు స్వయంగా రూపొందించిన ఒక ప్రత్యేక గీతాన్ని విడుదలచేశారు.  

మరోవైపు సింగపూర్‌లో సైతం బాలకృష్ణ జన్మదిన వేడుకలు ఘనంగా జరిగాయి.  టీమ్ జై బాలయ్య సింగపూర్  ఆధ్వర్యంలో  ఈ వేడుకలు జరిగాయి.   బాలకృష్ణ నటించిన 100కు పైగా సినిమాల సినీ ప్రస్థానాన్ని, వైవిధ్యాన్ని గుర్తుచేసేలా ప్రత్యేక ఆడియో విజువల్స్,  ప్రదర్శనలను   చేశారు. ఈ కార్యక్రమానికి ప్రత్యేక అతిథిగా హాజరైన శ్రీమతి తేజస్వి పొడపాటి మాట్లాడుతూ.. బాలకృష్ణ కేవలం వెండితెరపైనే కాకుండా, బసవతారకం ఇండో-అమెరికన్ క్యాన్సర్ ఆసుపత్రి ద్వారా వేలాది మంది పేద రోగులకు ఉచిత, నాణ్యమైన వైద్య సేవలు అందిస్తూ నిజమైన జన హృదయ నేతగా ఎదిగారని కొనియాడారు. విదేశీ గడ్డపై ఉంటూ కూడా మాతృభూమిని, తమ అభిమాన హీరో సామాజిక సేవలను గుర్తుంచుకుని ఇంత ఘనంగా వేడుకలు నిర్వహించడం అభినందనీయమని ఆమె ప్రశంసించారు.  

By
en-us Political News

  
ఇరాన్ మాజీ అత్యున్నత నాయకుడు (సుప్రీం లీడర్) అయతొల్లా అలీ ఖమేనీ అంత్యక్రియల క్రతువుకు సంబంధించి అంతర్జాతీయంగా కీలక పరిణామాలు చోటుచేసుకుంటున్నాయి.
సోషల్ మీడియా దిగ్గజం మెటా యాజమాన్యంలోని ప్రముఖ ప్లాట్‌ఫారమ్ ఇన్‌స్టాగ్రామ్‌పై భారత ప్రభుత్వం అత్యంత తీవ్రమైన చర్యకు ఉపక్రమించింది.
రాష్ట్ర పోలీసు శాఖ పని తీరును మరింత ప్రజలకు చేరువ చేసే దిశగా డీజీపీ ఆనంద్ కీలక ఆదేశాలు జారీ చేశారు.
ఆంధ్రప్రదేశ్ రాజకీయాల్లో రాజధాని అంశం మరోసారి తీవ్ర చర్చనీయాంశంగా మారింది.
పారిశ్రామికాభివృద్ధి, ఉపాధి కల్పన, స్థానిక ఆర్థిక వ్యవస్థ బలోపేతం లక్ష్యంగా కుప్పం నియోజకవర్గంలో ఏర్పాటు చేసిన పలు అభివృద్ధి కార్యక్రమాల
ఆంధ్రప్రదేశ్ పునర్వ్యవస్థీకరణ జరిగి దశాబ్ద కాలం దాటినా, రాష్ట్రానికి ఒక శాశ్వతమైన, తిరుగులేని రాజధానిని నిర్మించుకోలేకపోవడం తెలుగు జాతి దురదృష్టం.
ఆంధ్రప్రదేశ్‌లోని మామిడి సాగుదారులకు కేంద్ర ప్రభుత్వం ఒక తీపి కబురు అందించింది.
కలియుగ ప్రత్యక్ష దైవమైన శ్రీ వేంకటేశ్వర స్వామి దర్శనానంతరం భక్తులు అత్యంత భక్తి శ్రద్ధలతో స్వీకరించే శ్రీవారి లడ్డూ ప్రసాదం విక్రయాలు ఈ ఏడాది జూన్ నెలలో రికార్డు స్థాయికి చేరుకున్నాయి.
ఖైరతాబాద్ నియోజకవర్గంలో ఓటర్ల జాబితా సవరణ ప్రక్రియ రాజకీయ దుమారం రేపుతోంది.
శ్రీ వకుళామాత సన్నిధిలో శాస్త్రోక్తంగా ప్రారంభమైన ‘అక్షర గోవిందం – అన్నప్రాశనం’..
దేశవ్యాప్తంగా సంచలనం సృష్టించిన ఫాల్కన్ పోంజీ స్కామ్ కేసులో ఎన్‌ఫోర్స్‌ మెంట్ డైరెక్టరేట్ (ఈడీ) మరో కీలక ముందడుగు వేసింది.
దేశవ్యాప్తంగా పెను సంచలనం సృష్టించిన మేఘాలయ హనీమూన్ హత్య కేసులో ప్రధాన నిందితురాలు సోనమ్ రఘువంశీకి దేశ అత్యున్నత న్యాయస్థానం సుప్రీంకోర్టులో భారీ ఊరట లభించింది.
లింగంపల్లి పసికందు కిడ్నాప్ కేసును చందానగర్ పోలీసులు ఛేదించారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.