తెలంగాణా బిల్లుపై చర్చజరుగుతుందా

Publish Date:Dec 13, 2013

Advertisement

 

పార్లమెంటు, శాసనసభలలో ప్రజాప్రతినిధులు వ్యవహరిస్తున్నతీరు చూస్తే ప్రజలకు వారిపట్ల ఏహ్యభావం పెరుగుతోంది. అయినప్పటికీ వారు నిర్లజ్జగా తమ ధోరణిలోనే వ్యవహరిస్తున్నారు. తమ తమ పార్టీల వ్యూహాలకు అనుగుణంగా వారు చట్టసభలలో ఏదోఒక అంశం లేవనెత్తి దానిపై వెంటనే చర్చజరగాలని బిగ్గరగా అరుపులు కేకలు వేస్తూ అసలు ఏ చర్చజరగకుండా సభను స్థంభింపజేస్తూ విలువయిన ప్రజాధనాన్ని అంతకంటే విలువయిన కాలాన్నికావాలనే వృదా చేస్తున్నారు. ఈ ప్రక్రియనే చట్టసభల సమావేశాలుగా భావించవలసిన దుస్థితి ఏర్పడింది.

 

ఇక, రాష్ట్ర విభజన బిల్లుని శాసనసభలో వెంటనే ప్రవేశపెట్టాలని కొందరు, వద్దని మరి కొందరు, సమైక్యాంధ్ర తీర్మానం చేయాలని మరికొందరూ అరుపులు కేకలు పెట్టుకొన్న తరువాత సభ సోమవారానికి వాయిదా పడింది. అయితే సోమవారంనాడు సభ మళ్ళీ సమావేశమయినపుడు కూడా పరిస్థితి ఇంతకంటే గొప్పగా ఉంటుందని భావించలేము. దానివల్ల కీలకమయిన రాష్ట్ర విభజన బిల్లుపై సభలో ఎటువంటి చర్చజరగకుండానే రాష్ట్రపతి ఇచ్చిన పుణ్యకాలం కూడ పూర్తయిపోయినా ఆశ్చర్యం లేదు.

 

రాష్ట్రంలో అన్ని రాజకీయపార్టీలు ఈ రాష్ట్ర విభజన అంశం ద్వారా లబ్దిపొందాలనో లేకపోతే నష్టపోకూడదనో లేకపోతే చర్చ జరగకుంటేనే తమకు మేలని భావించడం వలననో మొత్తం మీద సభలో రాద్దాంతం చేస్తూ రోజులు దొర్లించే ప్రయత్నం చేస్తున్నట్లున్నాయి. అందువల్ల రాష్ట్ర విభజన బిల్లుపై సభలో పూర్తి స్థాయిలో చర్చ జరుగుతుందో లేదో చెప్పలేని పరిస్థితి.

 

కోట్లాది ప్రజల మనోభావాలతో ముడిపడి ఉన్న ఇటువంటి ఒక కీలకమయిన అంశం పట్ల కూడా ప్రజాప్రతినిధులు ఇంత నిర్లక్ష్య వైఖరి అవలంభించడం చాలా విచారకరం. వారు ఎంతసేపు సభలో తమ పార్టీ వ్యూహాలకు అనుగుణంగా వ్యవహరిస్తున్నారు తప్ప తమను ఎన్నుకొన్న ప్రజల మనోభావాలకు, అభిప్రాయాలకు అనుగుణంగా మాట్లాడాలని, వ్యవహరించాలని భావించకపోవడం (అటువంటి భాధ్యాతారహితులయిన నేతలను ఎన్నుకొన్న) ప్రజల దురదృష్టం.

 

సభల్లో కీచులాడుకొనే ఇటువంటి నేతల భద్రత కోసం కోట్లాది రూపాయల ప్రజాధనం వెచ్చించి వేలాదిమంది పోలీసులను వినియోగించవలసి వస్తోంది. నగరంలో మహిళలకు, ప్రజలకు భద్రత కల్పించడంలో పోలీసు వ్యవస్థ విఫలమవచ్చునేమో గానీ, ప్రజలనుండి ప్రజాప్రతినిధులకి ఎటువంటి ఇబ్బందీ కలగకుండా చూసుకోవడంలో మాత్రం ఆది ఎన్నడూ విఫలమవ్వదని చెప్పేందుకు నేడు శాసనసభ చుట్టూ మోహరించిన వేలాది పోలీసు బలగాలే ప్రత్యక్ష సాక్ష్యం. ఇదంతా చూస్తుంటే ఇటువంటి నేతలను, రాజకీయ వ్యవస్థను ఏర్పాటు చేసుకొన్నందుకు ప్రజలు ఈమాత్రం శిక్ష, మూల్యం చెల్లించుకోక తప్పదన్నట్లుంది.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.