ప్రముఖ హాలీవుడ్ నటుడు ఆర్నాల్డ్ స్కావనెగ్గర్ శంకర్, విక్రమ్ కాంబినేషన్‌లో రూపొందుతున్న ‘ఐ’ సినిమా ఆడియో వేడుకలలో పాల్గొనడానికి చెన్నైకి చేరుకున్నారు. ఈ సినిమా ఆడియో ఆవిష్కరణ వేడుక ఈరోజు సాయంత్రం జరుగనుంది. ఆర్నాల్డ్ రాక సందర్భంగా చెన్నై ఎయిర్‌పోర్ట్‌లో భారీ భద్రతా ఏర్పాట్లు చేశారు. చెన్నైలోని జవహర్‌లాల్ నెహ్రూ ఇండోర్ స్టేడియంలో జరిగే ‘ఐ’ ఆడియో వేడుకలో ‘టెర్మినేటర్’ ఆర్నాల్డ్‌తోపాటు ‘రోబో’ రజనీకాంత్ కూడా పాల్గొంటారు. ఆర్నాల్డ్ తమిళనాడు ముఖ్యమంత్రి జయలలితను సోమవారం నాడే కలవనున్నారు. ‘ఐ’ చిత్రానికి సంగీతాన్ని అందించిన ఎ.ఆర్.రెహమాన్ ‘ఐ’ సినిమా ఆడియో వేడుకలో కూడా సంగీత విభావరిని నిర్వహించనున్నట్టు తెలుస్తోంది.