ఆర్డినెన్స్ సాయంతో నిమ్మగడ్డ రమేష్ పై వేటు.. గవర్నర్ ఆమోదంతో జీవో జారీ..

Publish Date:Apr 10, 2020

Advertisement

ఓవైపు ఏపీలో కరోనా వైరస్ కల్లోలం ఆగనే లేదు అంతలోనే ఏపీలో రాజకీయ నిర్ణయాలకు జగన్ ప్రభుత్వం తెరలేపేసింది. స్ధానిక ఎన్నికల వాయిదా నిర్ణయం తీసుకున్న ఎన్నికల కమిషనర్ నిమ్మగడ్డ రమేష్ కుమార్ ను తప్పిస్తూ ప్రభుత్వం ఇవాళ ఓ ఆర్డినెన్స్ తీసుకొచ్చింది. దీనికి గవర్నర్ ఆమోద ముద్ర కూడా పడటంతో వెంటనే న్యాయశాఖ జీవో కూడా జారీ చేసేసింది. దీంతో కరోనా వైరస్ లాక్ డౌన్ లోనే నిమ్మగడ్డ రమేష్‌ పదవి కోల్పోయినట్లయింది. 

ఏపీలో స్ధానిక సంస్ధల ఎన్నికలు ఏ క్షణాన వాయిదా పడ్డాయో కానీ అప్పటి నుంచి జగన్ సర్కార్ టార్గెట్ లోకి ఎన్నికల కమిషనర్ నిమ్మగడ్డ రమేష్ కుమార్ చేరిపోయారు. అప్పటి వరకూ నిమ్మగడ్డ విధుల్లో కానీ, ఎన్నికల కమిషన్ గురించి కానీ పెద్దగా పట్టించుకోని జగన్ ప్రభుత్వం.. ఆ తర్వాత మాత్రం ఒక్కసారిగా ఆయనపై విరుచుకు పడటం మొదలుపెట్టింది. అదీ ఏకంగా కులం పేరుతో ఆయన్ను దూషించే వరకూ ముఖ్యమంత్రే వెళ్లిపోయారంటే పరిస్ధితి అర్ధం చేసుకోవచ్చు. అయితే ఎన్నికల వాయిదా విషయంలో నిమ్మగడ్డ నుంచి ఇలాంటి నిర్ణయాన్ని ఊహించని ప్రభుత్వం సుప్రీంకోర్టుకు వెళ్లినా స్టే లభించకపోవడంతో ప్రత్యామ్నాయ మార్గాలపై దృష్టిపెట్టింది.

కరోనా వైరస్ కారణంగా ఎన్నికల వాయిదా నిర్ణయాన్ని ఏమీ చేయలేమనే నిర్ణయానికి వచ్చేసిన తర్వాత ప్రభుత్వం ఇక దీనికి కారణమైన ఎన్నికల కమిషనర్  నిమ్మగడ్డ రమేష్ కుమార్ ను తొలగించే మార్గాలపై దృష్టిపెట్టింది. 

రాజ్యాంగ పదవిలో ఉన్న నిమ్మగడ్డ రమేష్ కుమార్ తొలగింపు అంత సులువు కాదని తేలిపోవడంతో ప్రత్యామ్నాయ మార్గాలపై జగన్ సర్కారు ఇన్నాళ్లుగా కసరత్తు చేస్తోంది. అయితే చివరికి సాధ్యాసాధ్యాలతో సంబంధం లేకుండానే నిమ్మగడ్డ
రమేష్ కుమార్ ను తొలగిస్తూ ఆర్డినెన్స్ తీసుకురావడంతో పాటు దానికి గవర్నర్ ఆమోదం పొంది జీవో కూడా ఇచ్చేసినట్లయింది. 
వాస్తవానికి ఎస్ఈసీ తొలగింపుకు పార్లమెంటు అభిశంసనతో పాటు రాష్ట్రపతి ఆమోదం తప్పనిసరి. కానీ అది సాధ్యం కాదని తేలిపోవడంతో కమిషన్ లో సభ్యుల సంఖ్య పెంపు సహా పలు మార్గాలపై ప్రభుత్వం కసరత్తు చేసింది. 

మరోవైపు ఎన్నికల కమిషనర్ నిమ్మగడ్డ రమేష్ కుమార్ తొలగింపు నేపథ్యంలో ఆయన స్ధానంలో హైకోర్టు న్యాయమూర్తి స్ధాయి వ్యక్తిని నియమించాలని, అదీ మూడేళ్ల పదవీకాలంతోనే అనే నిబంధనలను తీసుకొచ్చేలా రాష్ట్రపతిని కోరాలని ప్రభుత్వం భావిస్తోంది. ఈ మేరకు రాష్ట్రపతిని కోరుతూ ఓ లేఖ రాయాలని ప్రభుత్వం నిర్ణయించింది.

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.