అంబులెన్సుల్లోనే పోతున్న ప్రాణాలు.. ఏపీకి దిక్కెవరు! 

Publish Date:May 14, 2021

Advertisement

కరోనా మహమ్మారి కల్లోలంలో ఆంధ్రప్రదేశ్  అల్లాడిపోతోంది. వైరస్ విజృంభణతో రోజూ 22 వేలకు పైగా కేసులు నమోదవుతున్నాయి. మరణాలు రికార్డ్ స్థాయిలో పెరిగిపోతున్నాయి. హాస్పిటల్స్ లో బెడ్లు లేవు.. బెడ్లు ఉన్నా ఆక్సిజన్ లేదు. ఆక్సిజన్ ఉన్నా హాస్పిటల్స్ లో పర్యవేక్షణ లేకసరఫరా సరిగా జరగడం లేదు. దీంతో కొవిడ్ రోగులు కళ్లముందే గిలాగిలా కొట్టుకుంటూ చనిపోతున్నారు. వెంటిలేటర్లపై ఉన్న రోగుల ప్రాణాలకు దిక్కు లేకుండా పోయింది. ఇంత జరుగుతున్నా ఏపీ సర్కార్ పట్టించుకోవడం లేదనే ఆరోపణలు వస్తున్నాయి. 

కరోనాతో కొట్టుమిట్టాడుతూ... కనీస వైద్యం అందక జనం అల్లాడిపోతుంటే... నించున్న చోటే నిలువునా కూలి ప్రాణాలు పోతుంటే...కుల కషాయం నూరి చేతగాని తనాన్ని దులిపేసుకునే పనిలో ఉన్నారు పాలకులు. వ్యాప్తిని అడ్డుకునే వ్యూహం లేదు. ఆల్రెడీ కరోనా వచ్చిన వాళ్లకి వైద్యం చేసే దిక్కు లేదు. చచ్చీచెడీ బెడ్ దొరకబుచ్చుకున్నా రూయాలో ఆగినట్టు... ఆక్సిజన్ అందక పోతున్న ప్రాణాలు వందలు. అంత వరకూ రాక ముందే ఆగుతున్న గుండెలు అయితే వేలే. 30 ఏళ్ల నాడే ఆత్యాధునిక వైద్య సదుపాయాలకు నిలయంగా నిలచిన బెజవాడ ఇప్పుడు కుల రాజకీయంతో కూలిపోతోంది. దిగువన అనంత మొదలు... పైనున్న ఉత్తరాంధ్ర వరకూ ఇప్పుడు ప్రాణాల కోసం పోరాడాలంటే కనబడుతున్న ఒకే ఒక్క ఆశ హైద్రాబాద్. 

జగన్ రెడ్డి సర్కార్ నిర్లక్ష్యంతో తమ ప్రాణాలు కాపాడుకునేందుకు హైదరాబాద్ బాట పడుతున్నారు ఏపీ కోవిడ్ రోగులు. అయితే ఇప్పుడు ఆ అవకాశం కూడా లేకుండా పోతోంది. ఏపీ నుంచి వచ్చే కోవిడ్ రోగులను సరిహద్దులోనే అడ్డుకుంటోంది తెలంగాణ సర్కార్. కరోనా కల్లోల సమయంలో  ఆంధ్రప్రదేశ్ నుంచి వచ్చే అంబులెన్సులను ఆపేయడం అంటే బెడ్ మీదున్నప్పుడు అందుతున్న ఆక్సిజన్ ను ఆపడమే. రోజుకి 22 వేల పైచికులకి కేసులున్న ఏపీనే తెలంగాణ వాహనాలను ఆపి ఆడిట్ చేసి... బుర్రతక్కువ మెహర్బానీ చూపిస్తున్నప్పుడు హైద్రాబాద్ లాంటి నగరం ఉన్న మనం ఎందుకు ఆపకూడదన్న ఆలోచనో, మరి ఇంకేమో తెలియదు కానీ తెలంగాణ ఆపింది ఏపీ అంబులెన్సుల్ని. దీంతో తెలంగాణ సరిహద్దుల్లో పదుల సంఖ్యలో అంబులెన్సులు నిచిలిపోయాయి. ప్రజల ప్రాణాలు పోతున్నా ఎవరూ పట్టించుకోవడం లేదు. కాళ్లు మొక్కి ప్రాధేయపడుతున్నా తెలంగాణ పోలీసులు కనికరించడం లేదు. అంబులెన్సులను తెలంగాణలోకి అనుమతించకపోవడంతో.. అక్కడే ప్రాణాలు కోల్పోతున్నారు కొవిడ్ రోగులు. 

ఇంతటి సంక్షోభ సమయంలో స్పందించిన పాపాన పోవడం లేదు ఏపీ సర్కార్. ప్రశ్నించిన పాలకుడు లేడు. ప్రయత్నించిన వాడూ కానరాలేదు. లక్షలు ఖర్చుపెట్టి అంబులెన్సులు సిద్ధం చేసుకొని బోర్డర్ వరకూ వచ్చినా... అక్కడే ఆపేసే సరికి ఏం చేయాలో తెలియక బోరుమన్న వందల మంది కుటుంబ సభ్యుల ఆర్తనాదాలు ఆంధ్రుల చెవుల్లో మార్మోగుతూనే ఉన్నాయ్. ప్రజల ప్రాణాలు పోతున్నా జగన్ రెడ్డి సర్కార్ చోద్యం చూస్తోంది.  తెలంగాణ ప్రభుత్వంతో మాట్లాడి సమస్యను పరిష్కరించే ప్రయత్నం చేయడం లేదు. తెలంగాణ సీఎం కేసీఆర్ తనకు సన్నిహితుడు అని చెప్పుకునే జగన్... ఈ సమస్య పరిష్కారం కోసం ఎందుకు మాట్లాడటం లేదని ఏపీ జనాలు ప్రశ్నిస్తున్నారు. ప్రజల ప్రాణాల పట్ల మానవత్వం చూపాల్సిన సమయంలో.. ఏమాత్రం కరుణ లేకుండా వ్యవహరిస్తున్నా ఎందుకు స్పందించడం లేదని నిలదీస్తున్నారు. ఇప్పుడు ఏపీకి దిక్కెవరు అంటూ రోధిస్తున్నారు. తమకే భగవుంతుడే దారి చూపాలంటూ వేడుకుంటున్నారు ఏపీ రోగులు. 

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.