గత వారం రోజులుగా అనేక మలుపులు తిరుగుతున్న హీరో రాజ్ తరుణ్ , లావణ్యల వివాదం గత రాత్రి మరో మలుపు తిరిగింది. రాజ్ తరుణ్ నన్ను మోసం చేశాడని, మాల్వీ మల్హోత్రా మాయలో పడి రాజ్ తరుణ్ తనను కాదని ఎంజాయ్ చేస్తున్నాడని112 పోలీసులకు ఫోన్ చేసి చెప్పింది. ఈ లోకం విడిచి వెళ్లిపోతున్నానని, రాజ్ లేని జీవితాన్నితాను ఊహించలేకపోతున్నానని, సుసైడ్ చేసుకుంటానని లావణ్య పోలీసులకు చెప్పింది. సిస్టం తనకు అండగా నిలిచిందని, కానీ నేను ఫైయిల్ అయ్యానని లావణ్య పేర్కొంది.తన తినడానికి తిండి  కూడా లేదని  కన్నీళ్లు పెట్టుకున్నా రాజ్ కనికరించడం లేదని లావణ్య ఆరోపించింది.  తన చావుకు మాల్వీ మల్హోత్రా పూర్తి బాధ్యత వహించాలన్నారు. ఈ ఫోన్ కాల్ రాకతో నార్సింగ్ పోలీసులు  అలర్ట్ అయ్యారు. హుటా హటిన లావణ్య నివాసానికి వెళ్లి ఆమెను బయటకు రప్పించి మాట్లాడారు. బలవంతంగా సుసైడ్ చేసుకోవద్దని, న్యాయం చేస్తామని పోలీసులు నచ్చజెప్పారు.