అనిత ఓ అనితా!.. టీడీపీలో ఫైర్ బ్రాండ్‌...

Publish Date:Mar 24, 2022

Advertisement

అధికార వైయస్ఆర్ కాంగ్రెస్ పార్టీలో ఫైర్ బ్రాండ్‌ లేడీలు ఎవరంటే.. అబ్బో  ఆర్కే రోజా, విడదల రజినీ, వాసిరెడ్డి పద్మ.. ఇలా చాలా మంది పేర్లు వరస పెట్టి మరీ చెబుతారు ఎవరైనా. కానీ అదే తెలుగుదేశం పార్టీలో ఫైర్ బ్రాండ్ లేడీలు ఎవరంటే మాత్రం.. వేళ్ల మీద లెక్కపెట్టాల్సిందే. అందులో ముందు వరసలో ఉండేది మాత్రం వంగలపూడి అనిత.

ఈ అనిత వందకు వంద శాతం శివకాశీ ఫైర్ బ్రాండ్ సరకు అంటారంతా. అందులో ఏ మాత్రం సందేహం లేదు. అనిత ప్రెస్‌ మీట్ పెట్టిందంటే.. అధికార పార్టీలోని ఏ మంత్రికో.. ఏ కంత్రీకో కుంకుడు కాయ రసంతో తలంటూ స్నానమే అనే టాక్ అయితే తెలుగుదేశం పార్టీలో సైకిల్ బెల్‌లా ట్రింగ్ ట్రింగ్ మంటు మోత మోగిపోతోంటొంది. అందుకు ఇటీవల పార్టీ అధినేత చంద్రబాబు భార్య భువనేశ్వరిపై అధికార పార్టీ నేతలు.. అసెంబ్లీ సాక్షిగా అబాండాలు వేస్త.. వారిని సైకో నా కొడకల్లారా అనడమే కాదు.. ఇకపై మహిళల గురించి ఈ విధంగా మాట్లాడితే.. ఆమె కాలు చెప్పులు తీసి మరీ.. వాటిని చూపిస్తూ.. చెప్పుదెబ్బలు పడతాయంటూ ప్రెస్ మీట్ పెట్టీ మరీ వార్నింగ్ ఇచ్చిన వీర మహిళ ఈ వంగలపూడి అనిత. ఇది సెంట్ పర్సెంట్ కరెక్ట్ అంటోంది సైకిల్ పార్టీలోని లీడర్ నుంచీ కేడర వరకు. 

ఇదే ప్రెస్ మీట్లో సాక్షాత్తూ ముఖ్యమంత్రి వైయస్ జగన్ మోహన్ రెడ్డినీ నీచుడు అంటూ సంబోధించిందీ అనితా. అదీ ఓ రాష్ట్ర ముఖ్యమంత్రిని ప్రెస్ మీట్ సాక్షిగా అంత మాట అనాలంటే ఎన్నో.. కాదు ఎంతో గట్స్ ఉండాలనే టాక్ అయితే పుసుపు పార్టీలో గట్టిగా ఉంది. అంతేకాదు సీఎం జగన్ మోహన్ రెడ్డిని అలా వదిలేయకండి.. ఆయన్ని ఎవరికైనా చూపించండంటూ వైయస్ విజయమ్మ ఫ్యామిలీ సూచించగల మానవతా వాదీ అనిత. ఇక తెలుగు దేశం పార్టీని పునాదిగా చేసుకుని రాజకీయాల్లోకి ఎదిగిన రోజాను అయితే జబర్దస్త్ హీరోయిన్ అంటు సెటైరికల్‌ కామెంట్స్‌తో కడుపుబ్బా నవ్వించే హాస్య చతురత ఈ అనిత సొంతం. 

సోషల్ మీడియా సాక్షిగా కూడా అధికార వైసీపీ పరువును గంగలో కలిపేగల కమాండింగ్ ఉన్న మహిళ వంగలపూడి అనిత. అనిత ఓ మాటల ప్రవాహం. అందుకే ఆ పార్టీ అధినేత చంద్రబాబు నాయుడు.. ఆంధ్రప్రదేశ్ రాష్ట్ర తెలుగు మహిళా అధ్యక్షురాలి పదవిని అనితకు కట్టబెట్టారు. 
 
1984, మార్చి 24న విశాఖపట్నం జిల్లా ఎస్ రాయవరం మండలం లింగరాజుపాలెంలో వంగలపూడి జన్మించారు. ఆమె ఆంధ్రా యూనివర్సిటీ నుంచి పోస్ట్ గ్రాడ్యుయేషన్ పట్టా అందుకుంది. 2014 ఎన్నికల్లో విశాఖ జిల్లా పాయకరావు పేట ఎమ్మెల్యేగా అనిత.. వైయస్ఆర్ సీపీ అభ్యర్థి, సమరసింహరెడ్డి సినిమా నిర్మాత చెంగల వెంకట్రావ్‌పై 2,828 ఓట్ల మెజార్టీతో గెలుపొంది.. తొలి సారి అసెంబ్లీలో అడుగు పెట్టారు. 2018లో టీటీడీ బోర్డ్ సభ్యురాలిగా నాటి టీడీపీ ప్రభుత్వం నియమిస్తే.. ఆమెపై పలు ఆరోపణలు గుప్పించిన నాటి ప్రతిపక్ష వైయస్ఆర్సీపీ.. ఆమెను ఆ పదవిలో నుంచి తొలగించే వరకు నిద్రపోలేదు. 

ఇక 2019 ఎన్నికల్లో పశ్చిమగోదావరి జిల్లా కోవ్వూరు అసెంబ్లీ నుంచి బరిలో దిగి.. తన సమీప ప్రత్యర్థి వైసీపీ నాయకురాలు తానేటి వనిత చేతిలో ఓటమి పాలయ్యారు. ఓటమి పాలైన.. అధైర్య పడకుండా.. తనకు రాజకీయంగా జన్మనిచ్చిన తెలుగుదేశం పార్టీ బావుంటే.. తామంతా బాగుంటామనే ఓ చిన్న లాజిక్‌తో ఆ పార్టీలో దూసుకువెళ్తోంది.  ఆ క్రమంలో పసుపు పార్టీపై ఈగ కూడా వాలనీయకుండా తెలుగు దేశం పార్టీని ప్రాణానికి ప్రాణంగా చూసుకొంటోందీ వంగలపూడి అనిత. తెలుగుదేశం పార్టీకి బలం కేడరే కాదు.. వంగలపూడి అనితా లాంటి నేతలు కూడా అనే చర్చ ఆ పార్టీలో జోరుగా సాగుతోంది.
 

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.