ఆంధ్రప్రదేశ్ ముఖ్యమంత్రి నారా చంద్రబాబు నాయుడు ప్రభుత్వం 100 రోజుల పాలన పూర్తి చేసుకుంది. ఈ సందర్భంగా వైసీపీ నాయకుడు అంబటి రాంబాబు ఏపీ ప్రభుత్వం మీద తీవ్రస్థాయిలో ధ్వజమెత్తారు. బాబు వంద రోజుల పాలనను ప్లాప్ అయిన సినిమాగా అభివర్ణించారు. బాబు వంద రోజుల సినిమా ప్లాపయినా హిట్ అయిందని సంబరాలు జరుపుకుంటున్నారని అంబటి ఎద్దేవా చేశారు. పోలవరం ప్రాజెక్టు ఘనతను చంద్రబాబు తన ఖాతాలో వేసుకునే ప్రయత్నం చేస్తున్నారని విమర్శించారు. విజయవాడ రాజధానిగా అందరికీ సమ్మతమేనని అయితే, చర్చ లేకుండా ప్రకటన చేయడమే సరికాదన్నారు. చంద్రబాబు తాను ఇచ్చిన హామీల్లో ఒక్కటి కూడా అమలు చేయలేదన్నారు. వంద రోజులైనా రుణమాఫీపై సంతకం పెట్టలేదన్నారు.