నీచుడు, నికృష్టుడు, దరిద్రుడు, శవాల మీద పేలాలు ఏరుకునే రకమైన అంబటి రాంబాబుకు ఓటు వేయొద్దని ఆయన అల్లుడు డాక్టర్ గౌతమ్ సత్తెనపల్లి ఓటర్లకు విజ్ఞప్తి చేశారు. డాక్టర్ గౌతమ్ అంబటి రాంబాబు కుమార్తె డాక్టర్ వెంకట మనోజ్ఞకు భర్త. ఈ మేరకు ఆయన ఆదివారం నాడు ఒక షాకింగ్ వీడియో విడుదల చేశారు. ఆ వీడియోలో ఆయన... ‘‘నాపేరు డాక్టర్ గౌత్. నేను సిట్టింగ్ ఎమ్మెల్యే, మినిస్టర్ అయిన అంబటి రాంబాబు అల్లుడిని. అది నా దురదృష్టం. ఎవరూ ఏమీ చేయలేరు. బట్, ఈ వీడియో చేయాలా లేదా అని నేను చాలాసార్లు ఆలోచించి, ఈ వీడియో చేయడం నా బాధ్యత అనుకునే ఈ వీడియో చేస్తున్నాను. అంబటి రాంబాబు అంత నీచుడు, నికృష్టుడు, దరిద్రుడు, శవాల మీద పేలాలు ఏరుకునే రకాన్ని నేను నా జీవితంలో చూడలేదు. రోజూ ప్రొద్దున్నే దణ్ణం పెట్టుకునేటప్పుడు ఇంతటి నీచుణ్ణి ఇంకోసారి నా లైఫ్‌లో ఇంట్రడ్యూస్ చేయొద్దు స్వామీ ఎప్పుడూ కోరుకుంటూ దణ్ణం పెట్టుకుంటూ వుంటాను. అంత భయంకరమైన వ్యక్తి. ఎందుకు ఇప్పుడు చెప్తున్నానంటే, తాను పోటీ చేయబోయే పోస్టు అలాంటిది. ఏ పోస్టుకైతే మంచితనం, మానవతా విలువలు, కనీస బాధ్యత ఉండాలో అవి ఈయనలో లేవు.  వీటిల్లో అందరికీ హండ్రెడ్ పర్సెంట్ వుండక్కర్లేదు. 0.00001 పర్సెంట్ కూడా ఈ లక్షణాలు లేని వ్యక్తం అంబటి రాంబాబు. ఇలాంటి వ్యక్తికి ఓటు వేసేటప్పుడు మనకి తెలియకుండానే కొన్నిటిని మనం ప్రోత్సహిస్తున్నట్టు. ఎలాంటివాటిని అంటే, ఎవరైతే నిస్సిగ్గుగా, ఎంత పెద్ద గొంతు వేసుకుని అయినా, ఎంత పెద్ద అబద్ధాన్నయినా నిజం చేయొచ్చు అనే కాన్ఫిడెన్స్.గా సమాజంలో బతుకుతారో అలాంటి వారికి మనం ఓటు వేసినట్టు. ఎంత లేకి పని అయినా చేసి, చాలా హుందాగా బతకొచ్చు సమాజంలో అని అనుకునేవాళ్ళకి ఓటు వేస్తున్నట్టు. ఏదయినా చేసి, సిగ్గు లేకుండా సిగ్గు లేని తనాన్ని ప్రోత్సహించొచ్చు అనుకునేవాళ్ళకి ఓటు వేస్తున్నట్టు. ఇలాంటి వాళ్ళకి ఓటు వేస్తే, ఇదే సమాజానికి తలరాతలాగా మారి, రేపు సమాజం కూడా ఇలాగే తయారవుతుంది. దీన్ని ప్రజలు గమనించి, సరైన బాధ్యతతో ఓటు వేసి సరైన నాయకుడిని ఎన్నుకుంటారని ఆశిస్తుస్తూ... నమస్తే’’ అన్నారు.