తెలంగాణ రాష్ట్ర బ్రాండ్ అంబాసిడర్ గా సానియామీర్జాను నియమించాలని ముఖ్యమంత్రి కేసిఆర్ నిర్ణయించినట్లు తెలుస్తోంది. తెలంగాణ అబివృద్దికి సంబందించి ప్రపంచ స్థాయిలో గుర్తింపు పొందిన వారి సేవలను వాడుకోవాలని ఆయన ఆలోచిస్తున్నారు. దాని కోసం సానియామీర్జాను అంబాసిడర్ గా నిర్ణయిస్తూ అధికారిక ఉత్తర్వులు కూడా త్వరలో విడుదల చేయనున్నట్లు సమాచారం. సచివాలయంలో సోమవారం కేసీఆర్‌ను కలిసిన సానియా రాష్ట్రంలో క్రీడలకు పెద్ద పీట వేయాలని కోరింది. వచ్చే నెల 25న ప్రారంభం కానున్న యూఎస్ ఓపెన్‌లో టైటిల్ లక్ష్యంగా సన్నద్ధం కావడానికి ఆమెకు కోటి రూపాయలు మంజూరు చేశారు. అలాగే మరికొంత మంది జాతీయ, అంతర్జాతీయ ఆటగాళ్లకు కూడా ప్రోత్సాహకాలు ఇవ్వాలని నిర్ణయించారు.