ముందస్తుపై కేసీఆర్ డైలమా.. కమలం భయమే కారణమా?

Publish Date:Apr 18, 2022

Advertisement

తెలంగాణలో ముందస్తు  అన్నదే రాష్ట్రంలో  ఇది హాట్ టాపిక్. ముందస్తు ఎన్నికల కోసమే  అసెంబ్లీ వేదికగా కేసీఆర్ ఉద్యోగాల భర్తీ ప్రకటన చేశారు. ముందస్తుకు వెళ్లి లబ్ధి పొందేందుకే...ఒక అడుగు వెనక్కు వేసి మరీ యాసంగి వడ్లు  ముందుకు వచ్చారని పరిశీలకులు అంచనా వేస్తున్నారు. అయితే కేసీఆర్  ముందస్తుకు వెళ్లడం ఖాయమే అయినే ఇప్పటికిప్పుడు ఆయనా ధైర్యం చేయలేని పరిస్థితిలో ఉన్నారన్నది పరిశీలకుల విశ్లేషణ్.  2023 మే లేదా 2022 డిసెంబర్ కేసీఆర్ ముందస్తుకు  వెళ్ళే అవకాశాలే అధికం.  రాజకీ ఎందుకంటే బిజెపిని నిలువరించడం  కోసమే కేసీఆర్ ఈ ఆలోచనలో ఉన్నారు. తెలంగాణ రాష్ట్రంలో మాత్రమే ఎన్నికలు జరుగుతుంటే...మోత్తం బీజేపీ అగ్రనాయకత్వం అంతా మోహరించి పార్టీ విజయావకాశాలను దెబ్బతీస్తుందన్న జంకు కేసీఆర్ లో ఉంది. ఆలేరు ఉప ఎన్నిక తీసుకున్నా, హుజూరా బాద్ ఉప ఎన్నిక తీసుకున్నా...అంతకన్నా ముందు జరిగిన జీహెచ్ఎంసీ ఎన్నికలను చూసినా...అప్పట్లో దేశంలో మరెక్కడా ఎటువంటి ఎన్నికలూ జరగడంలేదు. దీంతో బీజేపీ కోర్ నేతలంతా తెలంగాణపై ఫోకస్ పెట్టారు. దీంతో ఫలితం టీఆర్ఎస్ కు ప్రతికూలంగా వచ్చింది. ఎన్నిక ఏదైనా, ఎప్పుడైనా విజయం మాదే అన్న టీఆర్ఎస్ విశ్వాసాన్ని కమలం వ్యూహాత్మకంగా దెబ్బతీసిన సందర్భాలవి. అందుకే కేసీఆర్ ముందస్తు ప్రణాళిక అత్యంత జాగ్రత్తగా  రచిస్తున్నారు. బీజేపీ కోర్ నాయకత్వం తెలంగాణపై కాన్ సంట్రేట్ చేయడానికి అవకాశం లేని సమయంలో ముందస్తు ఎన్నికలకు అడుగు వేసి లబ్ధి పొందాలన్నదే కేసీఆర్ యత్నంగా భావించాలి. అందుకే  కోసం 2022 చివరిలో, లేదా 2023 ప్రథమార్థంలో కేసీఆర్ ముందస్తుకు ముందుకు వస్తారని తెరాస శ్రేణులే అంతర్గత సంభాషణల్లో చెబుతున్నారు.  . 2022 డిసెంబర్ లో గుజరాత్ అసెంబ్లీకి ఎన్నికలు జరుగనున్నాయి. అలాగే కర్ణాటక అసెంబ్లీ ఎన్నికలు 2023 ప్రథమార్థంలో జరుగుతాయి. ఆ రెండు రాష్ట్రాలలోనూ బీజేపీ అధికారంలో ఉంది.   వీటితో పాటే తెలంగాణ అసెంబ్లీకి ఎన్నికలు జరిగితే....బీజేపీ రాష్ట్రంపై ప్రత్యేక శ్రద్ధ, దృష్టి పెట్టే అవకాశం ఉండదన్నది కేసీఆర్ భావనగా కనిపిస్తున్నది. అందుకే ఆ సమయంలో  ముందస్తుకు వెళితే రాజకీయంగా ఎదురుండదని కేసీఆర్ భావిస్తున్నట్లు రాజకీయ పండితులు చెబుతున్నారు.    2018లో తెరాస ఎందుకు ముందస్తుకు వెళ్లిందో...ఇప్పుడు కూడా దాదాపు అదే కారణంతో కేసీఆర్ పావులు కదుపుతున్నారు. అప్పట్లో  2019లో పార్లమెంట్ ఎన్నికలు ఉన్నాయి. పార్లమెంట్ ఎన్నికలతో పాటు అసెంబ్లీ ఎన్నికలకు వెళ్ళితే.. జాతీయ స్థాయి అంశాలు ప్రభావం చూపుతాయి. తద్వారా అధికార పార్టీకి   నష్టం జరిగే అవకాశాలు మెండు అని కేసీఆర్ భావించారు. అప్పుడు ఆ వ్యూహం కేసీఆర్ కు కలిసి వచ్చింది. మంచి మెజారిటీతో అధికారంలోనికి వచ్చింది. నాటి ఎన్నికలలో బీజేపీ కేవలం ఒక్క స్థానానికే పరిమితమైంది. 2019 లోక్ సభ ఎన్నికలలో బీజేపీ   అదనంగా 4 ఎంపి సీట్లను కైవసం చేసుకుంది బిజెపి. అప్పుడు ముందస్తు ఎన్నికల వ్యూహం ఫలించింది.  మరి ఇప్పుడు కేసీఆర్ ఏ వ్యూహంతో ముందస్తుకు వెళుతున్నారు? టీఆర్ఎస్ పూర్తిగా ఐదేళ్లు అధికారంలో కొనసాగి ఎన్నికలకు వెళ్లాల్స వచ్చినా 2023 ద్వితీయార్ధం వరకూ సమయం ఉంది. 2023లో పార్లమెంట్ ఎన్నికలు లేవు. అయినా కేసీఆర్ ముందస్తు వ్యూహం ఎందుకంటే 2023లో పార్లమెంట్ ఎన్నికలు లేకున్నా...  ఆ సమయంలో దేశంలో మరే రాష్ట్రంలో ఎన్నికలు జరిగే అవకాశం లేదు. కేవలం తెలంగాణ అసెంబ్లీకి మాత్రమే ఎన్నికలు జరగడం అంటూ జరిగితే..అప్పుడు బిజెపి ప్రచార దూకుడును ఎదురోకవడం అంత తేలిక కాదన్నది కేసీఆర్ భావనగా పార్టీ వర్గాలు చెబుతున్నాయి.   దుబ్బాక, జిహెచ్ఎంసి ఎన్నికల సమయంలో బీజేపీ ప్రచార దాడే నిదర్శనమని ఉదహరిస్తున్నాయి.  దుబ్బాక ఉపఎన్నిక, జిహెచ్ఎంసి ఎన్నికల్లో బిజెపి   రాష్ట్ర నాయకత్వం అంతా మోహరించి ప్రచార భేరి మోగించింది.   జిహెచ్ఎంసి ఎన్నికల విషయానికి   బిజెపి జాతీయ స్థాయి నాయకులు, కేంద్ర మంత్రులు కూడా రంగంలోకి దిగారు.  అమిత్ షా, స్మృతి ఇరానీ, జెపి నడ్డా, యోగి ఆదిత్యానాథ్, హేమంత్ బిస్వాస్ తో పాటు పలువురు నూతలూ ప్రచారంలో భాగం పంచుకున్నారు. వారి ప్రచార వేడి పార్టీ నేతల్లో, కార్యకర్తల్లో ఉత్సాహాన్ని నింపింది.  ప్రజల దృష్టిని బీజేపీ వైపు మరల్చింది. పలితం అందుకు అనుగుణంగానే వచ్చింది. ఇక ఇప్పుడు తెలంగాణలో ఎన్నికలు అంటే బిజెపి జాతీయ నాయకులతో పాటు ఇతర రాష్ట్రాల ముఖ్యమంత్రులు, కేంద్ర మంత్రులే ప్రధాని మోడీ కూడా విస్తృతంగా ప్రచారం చేసేందుకు వచ్చే అకాశాలు ఉన్నాయి.  పశ్చిమ బెంగాల్ అసెంబ్లీ ఎన్నికలలో మోడీ తన ఆహార్యాన్ని కూడా మార్చుకుని మరీ అక్కడ పలు మార్లు పర్యటించి ర్యాలీలలో పాల్గొన్నారు. తెలంగాణలో ఆ పరిస్థితే కనుక తలెత్తితో మూడో సారి అధికారంలోకి రావాలన్న తన ఆకాంక్ష నెరవేరడం అంత సులభం కాదన్నదని గులాబీ బాస్ అంచనాగా కనిపిస్తున్నది.   దేశంలో మరెక్కడా  ఎన్నికలు  లేకుండా ఒక్క తెలంగాణలోనే ఉంటే. బీజేపీ జాతీయ నాయకత్వం మొత్తం తెలంగాణలోనే ఉంటుందని  భావిస్తున్న కేసీఆర్  ఈ మారు గుజరాత్ లేదా కర్ణాటక ఎన్నికలతో పాటే తెలంగాణలో కూడా ఎన్నికలు జరిగేలా ప్రణాళికా రచన చేస్తున్నారు.  ఎందుకంటే అప్పుడైతే  బిజెపి నాయకత్వం తెలంగాణపైన మాత్రమే ఫోకస్ పెట్టే అవకాశాలు ఉండవు.   కర్ణాటక, గుజరాత్ లలో ఎన్నికలు ఉంటే  ఆ రాష్ట్రాలపైనే ఎక్కవ కాన్ సన్ ట్రేట్ చేస్తుంది. ఎందుకంటే అధికారంలో ఉన్న రాష్ట్రాలలో విజయం పార్టీకి ప్రతిష్టాత్మకం అవుతుంది. అందుకే ఆ రెండు రాష్ట్రాలలో అసెంబ్లీ ఎన్నికలు జరిగే సమయంలోనే మరీ  ముఖ్యంగా గుజరాత్ ఎన్నికల వేళ తెలంగాణ అసెంబ్లీ  ఎన్నికలు కూడా జరిగితే  బీజేపీ అగ్రనాయకత్వం తెలంగాణపై ఫోకస్ పెట్టే అవకాశాలుండవు.  అందుకే  తెలంగాణలో ముందస్తు ఎన్నికలు తథ్యం. ఈ విషయాన్ని ఇప్పటికే కేసీఆర్ పార్టీ కేడర్ కు విస్పష్టంగా చెప్పేశారు. అయితే  ఆ ముందస్తు టైమ్ విషయంలోనే కేసీఆర్ వ్యూహాత్మకంగా స్పష్టత ఇవ్వడం లేదు.  కర్ణాటక లేదా గుజరాత్ ఎన్నికలతో పాటే రాష్ట్రంలోనూ ముందస్తు ఎన్నికలు జరిగే అవకాశాలే మెండు  అని పరిశీలకులు చెబుతున్నారు. దాదాపుగా కేసీఆర్ ఆ విధంగానే పావులు కదుపుతున్నారా? అన్నది రానున్న రోజులలోనే తేలుతుంది.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.