ఫిల్మ్‌చాంబర్‌లో ఉన్న ప్రముఖ హాస్యనటుడు ఏవీఎస్ భౌతికకాయాన్ని శనివారం ఉదయం పలువురు సినీ రాజకీయ, ప్రముఖులు సందర్శించి నివాళులర్పించారు. టీడీపీ అధినేత చంద్రబాబునాయుడు ఏవీఎస్ భౌతికకాయాన్ని సందర్శించి నివాళులర్పించారు. ఏవీఎస్ కుటుంబసభ్యులకు తమ ప్రగాఢ సానుభూతిని తెలిజేశారు. ఈ సందర్భంగా ఏవీఎస్‌తో తమకున్న అనుంబంధాన్ని గుర్తు చేశారు. ఎంపీ నామానాగేశ్వరరావు, నన్నపనేని రాజకుమారి, బీజేపీ సీనియర్ నేత వెంకయ్యనాయుడు, సినీ ప్రముఖులు దాసరి,అల్లు అరవింద్, వెంకటేష్, మురళీ మోహన్, జమున, జయసుధ, బ్రహ్మానందం,గుండు హన్మంతరావు, ఆర్.నారాయణమూర్తి, బుల్లితెర నటీనటులు తదితరులు ఏవీఎస్ పార్థివదేహాన్ని సందర్శించి నివాళులర్పించారు.