చిరంజీవి 150వ సినిమాతో తెరపై ఎప్పుడు కనిపిస్తారా అని ఆయన అభిమానులు ఎప్పటినుంచో ఎదుచూస్తున్నారు. చాలా సందర్భాలలో 150వ సినిమాలో నటిస్తానంటూ చిరు కూడా చెప్పారు. తాజాగా బెంగుళూరు శివారులోని కేంబ్రిడ్జ్ ఇనిస్టిట్యూట్ ఆఫ్ టెక్నాలజీలో నిర్వహించిన ‘చిగురు 2013′ సాంస్కృతిక ఉత్సవాలలో చిరంజీవి ముఖ్య అతిధిగా పాల్గొన్నారు. ఈ సంధర్భంగా ఆయన మాట్లాడుతూ “చక్కని సామాజిక సందేశం ఉన్న కథ దొరికితే వెంటనే సినిమా చేసేందుకు నేను రెడీగా ఉన్నాను. కాకపోతే దానిలో నటించేందుకు సోనియాగాంధీ అనుమతి తీసుకుంటాను” అని అన్నారు. బెంగుళూరు నేను ఎన్నో సార్లు వచ్చాను. అయితే కేంద్ర మంత్రిగా ఇక్కడికి రావడం కొత్త అనుభూతిని ఇస్తుందని అన్నారు.