భారత్ లో న్యాయం జరగదనే రాజీనామా.. మాల్యా

బ్యాంకులకు కోట్ల రూపాయలు ఎగనామం పెట్టి ఎంచక్కా లండన్ చెక్కేసిన లిక్కర్ కింగ్ విజయ్ మాల్యా తన రాజ్యసభ సభ్యత్వానికి రాజీనామా చేసిన సంగతి తెలిసిందే. అయితే ఈ సందర్బంగా మాల్యా కొన్ని ఆసక్తికర వ్యాఖ్యలు చేశారు. తన పేరు ప్రతిష్టలకు మరింత బురద అంటించడం ఇష్టం లేకనే ఈ చర్య తీసుకున్నట్లు.. ఈ మధ్య చోటుచేసుకున్న వరుస సంఘటనలు, పరిణామాలను బట్టి చూస్తే భారత్‌లో తనకు న్యాయం లభిస్తుందన్న నమ్మకం లేదని రాజీనామా లేఖలో మాల్యా పేర్కొన్నాడు. అందుకే తన పార్లమెంట్ సభ్యత్వానికి తక్షణమే అమలులోకి వచ్చేలా రాజీనామా చేస్తున్నట్లు వెల్లడించాడు.