ఎన్టీఆర్ పేరు.. కేసీఆర్ అభ్యంతరం

శంషాబాద్ అంతర్జాతీయ విమానాశ్రయంలో డొమెస్టిక్ విమానాశ్రయానికి ఎన్టీఆర్ పేరు పెట్టడం తెలంగాణ ప్రజలను కించపరచడమేనని తెలంగాణ రాష్ట్ర ముఖ్యమంత్రి కేసీఆర్ అన్నారు. ఎన్టీఆర్ పేరు పెట్టడం మీద తమకు అభ్యంతరం లేదని, పక్క రాష్ట్రం వ్యక్తి పేరు పెట్టడమే అభ్యంతరమని కొత్తరకం మెలికతో మాట్లాడారు. తెలంగాణలో అనేకమంది వీరులు, యోధులు, రాజకీయ దురంధరులు వున్నారని, వారి పేరు పెట్టొచ్చుకదా అని ఆయన అన్నారు. ఈ అంశం మీద శుక్రవారం నాడు తెలంగాణ అసెంబ్లీలో చర్చ జరిగింది. ఎన్టీఆర్ పేరు పెట్టడాన్ని వ్యతిరేకిస్తూ అసెంబ్లీ ఒక తీర్మానాన్ని ఆమోదించింది. అయితే బీజేపీ, తెలుగుదేశం పార్టీలు మాత్రం ఈ తీర్మానాన్ని వ్యతిరేకించాయి.