తలసానిపై త్వరలో నిర్ణయం

తెలంగాణ మంత్రి తలసానికి పదవీ గండం పొంచి ఉందనే ఊహాగానాలు వినిపిస్తున్నాయి. టీడీపీ ఎమ్మెల్యేగా గెలిచి టీఆర్ఎస్ ప్రభుత్వంలో మంత్రి పదవి చేపట్టిన తలసాని విషయంలో అనేక విమర్శలు ఎదుర్కొంటున్న ముఖ్యమంత్రి కేసీఆర్ ఏదోఒక నిర్ణయం తీసుకోవాలని డిసైడైనట్లు చెబుతున్నారు, తలసాని ఎమ్మెల్యే పదవికి రాజీనామా చేసినా ఇంతవరకూ ఆమోదించకపోవడం, పైగా మంత్రి పదవి చేపట్టి ఆర్నెళ్లు దాటిపోవడంతో కేసీఆర్ సర్కార్ కూడా ఇరకాటంలో పడిందని, మరోవైపు గవర్నర్ నుంచి ఒత్తిళ్లు వస్తున్న నేపథ్యంలో మంత్రి పదవి నుంచి తప్పిస్తారని టాక్ వినిపిస్తోంది, తలసానిని కేబినెట్ నుంచి తప్పించడం మినహా మరో గత్యంతరం లేని పరిస్థితి ఏర్పడిందని, దీనిపై సీఎం కేసీఆర్ త్వరలోనే నిర్ణయం తీసుకుంటారని చెబుతున్నారు, తలసాని రాజీనామా ఆమోదింపజేసి, ఉపఎన్నికల్లో గెలిస్తే మళ్లీ కేబినెట్ లోకి తీసుకోవాలని కేసీఆర్ ఆలోచిస్తున్నారని వార్తలు వస్తున్నాయి