96 ఏళ్ల వయసులో డిగ్రీ పట్టా.. గిన్నీస్ రికార్డ్

96 ఏళ్ల వయసులో డిగ్రీ పట్టా పొంది గిన్నీస్ రికార్డ్ సాధించాడు ఓ తాతయ్య. ఆశ్చర్యంగా ఉంది కదా.. జ‌పాన్‌కు చెందిన షిగేమి హిరాటా అనే తాత‌య్య 85 ఏళ్ల వ‌య‌సులో డిగ్రీ కోర్సును ప్రారంభించి 11 ఏళ్ల త‌రువాత‌ తాజాగా ఆ డిగ్రీని పూర్తి చేసి ప‌ట్టా అందుకున్నారు. క్యోటో యూనివర్సిటీ ఆఫ్‌ ఆర్ట్‌ అండ్‌ డిజైన్‌ నుంచి ఇటీవ‌ల డిగ్రీ ప‌ట్టాను అందుకున్న ఈ తాత‌య్య గిన్నీస్ బుక్‌లోకి ఎక్కేశారు. 96 ఏళ్ల వ‌య‌సులో డిగ్రీని పూర్తి చేసిన వ్య‌క్తి ప్ర‌పంచంలో మ‌రెవ‌రూ లేరంటూ ఆయ‌నకు గిన్నిస్ బుక్ ప‌ర్య‌వేక్షకులు స‌ర్టిఫికెట్ ఇచ్చేశారు. ఈ తాత‌య్య యువ‌కుడిగా ఉన్న‌ప్పుడు రెండో ప్రపంచ యుద్ధ సమయంలో జపాన్‌ నేవీలో ప‌నిచేశారు.