లగడపాటికి సమైక్య సెగ..ఉద్రిక్తత

ఎంపీ లగడపాటి రాజగోపాల్‌కు సమైక్య సెగ తగిలింది. ఆటోనగర్‌లో సమైక్యాంధ్రకు మద్దతుగా లారీ ఓనర్ల దీక్షకు సంఘీభావం తెలిపేందుకు దీక్షాశిబిరానికి వచ్చిన ఎంపీ లగడపాటి రాజగోపాల్‌ను సమైక్యవాదులు అడ్డుకున్నారు. సమైక్యాంధ్రకు మద్దతుగా రాజీనామా చేసి రావాలని సమైక్యవాదులు డిమాండ్ చేశారు. అయితే తాను ఎందుకు విజయవాడ వచ్చింది?రాజీనామాల గురించి తమ వైఖరి ఏమిటో వివరించడానికే వచ్చానని లగడపాటి వివరించడానికి ప్రయత్నించినా ప్రయోజనం లేకపోయింది. ఈ నేపథ్యంలో లగడపాటి అనుచరులు, సమైక్యవాదులకు మధ్య తోపులాట జరిగింది. ఆందోళనకారులపై పోలీసులు లాఠీచార్జి జరపడంతో పరిస్థితి ఉద్రిక్తంగా మారింది.