తుపాకీ మిస్‌ఫైర్.. ఎస్ఐ మృతి

ప్రకాశం జిల్లా జె. పంగులూరు సబ్ ఇన్‌స్పెక్టర్ కె.విష్ణుగోపాల్ తన దగ్గర వున్న తుపాకీ మిస్‌ఫైర్ కావడంతో శుక్రవారం రాత్రి మరణించారు. తుపాకీ మిస్‌ఫైర్ కావడం వల్ల ఆయన్ని ఒంగోలులోని ఆస్పత్రికి తరలించగా ఆయన అక్కడ చికిత్స పొందుతూ మరణించారు. జె.పంగులూరు పోలీస్టేషన్ ఆవరణలోనే తుపాకీ పేలింది. 2012 బ్యాచ్‌కి చెందిన విష్ణుగోపాల్ స్వస్థలం నెల్లూరు జిల్లా బిట్రగుంట. విష్ణుగోపాల్ అవివాహితుడు. ఆయన మరణవార్త తెలుసుకున్న తల్లిదండ్రులు కన్నీరుమున్నీరు అవుతున్నారు. ఈ సంఘటన మీద విచారణ జరపనున్నట్టు పోలీసుల ఉన్నతాధికారులు ప్రకటించారు.