రాజకీయ నేతలు తమ చెప్పులనో, బూట్లనో తమ పక్కన ఉన్న అనుచరులతో మోయించి విమర్శలపాలైన దాఖలాలు చాలానే చూశాం. ఇప్పుడు ఆ లిస్ట్ లో కాంగ్రెస్ పార్టీ ఉపాధ్యక్షుడు రాహుల్ గాంధీ కూడా చేరిపోయారు. రాహుల్ గాంధీ నిన్న చెన్నైలోని వరదబాధితులను పరామర్శించడానికి వెళ్లిన సంగతి తెలిసిందే. ఈ సందర్భంగా ఆయన చెప్పులను కాంగ్రెస్ పార్టీ నేత పట్టుకున్నట్టు వార్తలు వస్తున్నాయి. అయితే పట్టుకుంది ఏ చిన్ననేతనో కూడా కాదు మాజీ కేంద్ర మంత్రి, కాంగ్రెస్ ఎంపీ వీ నారాయణస్వామి. అంతే ఇక రాహుల్ పై విమర్శల వర్షం కురిపించారు అందరూ. అయితే ఈ వార్తలకు స్పందించిన నారాయణ స్వామి మాత్రం.. ఆ వార్తల్లో ఎలాంటి నిజం లేదని ఖండించారు. అసలు ఆయన చెప్పులు వేసుకురాలేదు.. షూ వేసుకొచ్చారు.. వరద నీటికి నడవలేని కారణంగా నా చెప్పులను తీసి ఆయనకు ఇచ్చాను.. ఎలాంటి మొహమాటం లేకుండా ఆయన వాటిని తీసుకొని వేసుకున్నారు అని తెలిపారు. అంతేకాదు.. ఆయన షూని కూడా కనీసం సెక్యూరిటీ గార్డుకు ఇవ్వలేదని.. తన చేత్తోనే పట్టుకున్నారని అన్నారు. మరి ఏ జరిగిందో రాహుల్ కు, నారాయణస్వామికే తెలియాని..
.webp)
