పవన్‌పై హ్యాకర్ల పంజా..బ్లాక్ అయిన ట్విట్టర్ ఖాతా

ఇప్పుడు దేశంలో హాట్ టాపిక్ హ్యాకింగ్..చిన్నా, పెద్దా అందరూ దీని గురించే చర్చ.. దీని ఫలితంగా దేశవ్యాప్తంగా బ్యాంకింగ్ కార్యకలాపాలపై పెను ప్రభావం చూపింది. ఏ క్షణం ఎవరిపై హ్యాకర్లు విరుచుకుపడతారోనని ఆందోళన నెలకొంది. ఈ నేపథ్యంలో సినీ నటుడు, జనసేన పార్టీ అధినేత పవన్ కళ్యాణ్‌పై హ్యాకర్లు ఫోకస్ పెట్టారు. ఆయన ట్విట్టర్ అకౌంట్‌ను హ్యాకర్లు హ్యాక్ చేశారు. దీంతో ఆయన పెట్టిన పోస్టులేవీ అభిమానులకు చేరడం లేదు. దీనిని గుర్తించిన పవన్ కార్యాలయ సిబ్బంది నిపుణులతో సంప్రదిస్తున్నారు. వీలైనంత త్వరలో ఆయన ట్విట్టర్ అకౌంట్‌ను తిరిగి పునురుద్దరిస్తామని జనసేన వర్గాలు వెల్లడించాయి.