పనామా పేపర్స్.. మొసాక్ ఫోన్సెకా పై పోలీసుల దాడి

'పనామా' ఈ పేరు వింటేనే బడాబాబులకు చెమటలు పట్టిపోతున్నాయి. దఫాల వారీగా బయటపెట్టిన లిస్టుల్లో ఎంతో మంది నల్లధనం దాచుకున్న వారిపేర్లను బయటపెట్టింది పనామా పేపర్స్. అయితే ఇప్పుడు పనామా కేంద్రంగా నల్లధనాన్ని దాచుకునేందుకు సహకరించిన మొసాక్ ఫోన్సెకా సంస్థపై పోలీసులు భారీ ఎత్తున దాడులు చేస్తున్నారు. సంస్థ పత్రాలన్నింటినీ స్వాధీనం చేసుకునేందుకే దాడి చేసినట్టు పనామా అటార్నీ జనరల్ కార్యాలయం వెల్లడించింది. దాడులకు వచ్చిన అధికారులకు సహకరిస్తున్నట్టు సంస్థ తన ట్విట్టర్ ఖాతాద్వారా తెలిపింది. అయితే, తమ సంస్థ పత్రాలు హ్యాక్ అయ్యాయని, తాము కూడా బాధితులమేనని మొసాక్ ఫోన్సెకా వాదిస్తోంది.