తెలంగాణ సెక్రటేరియట్‌లో కల్తీ వుండకూడదు: కేసీఆర్

తెరాస అధ్యక్షుడు కేసీఆర్ మళ్ళీ రెచ్చగొట్టే ప్రకటన చేశారు. గురువారం ఉద్యోగసంఘాల భేటీలో మాట్లాడిన ఆయన ఉద్యోగుల సమస్యల మీద తీవ్ర వ్యాఖ్యలు చేశారు. తెలంగాణ సచివాలయంలో కల్తీ ఉండటానికి వీలే లేదు. రెచ్చగొట్టడానికి ప్రయత్నించేవాళ్లు అధికారులైనా, నాయకులైనా, ఉద్యోగసంఘాల నాయకులైనా.. అందరికీ విజ్ఞప్తి చేస్తున్నా. లక్షల ఉద్యోగాలు పోతున్నా ఊరుకున్నారు. సహనంతో ఉన్నారు. ఇప్పుడు రాష్ట్రాలు విడిపోయిన తర్వాత కూడా మా స్వేచ్ఛ మాకు ఉండనీయమంటే ఎవ్వరూ సహించరు, భరించరు. రాష్ట్రాలు వేరైనా దేశం ఒకటే, మీరూ బాగుండండి, మేమూ బాగుంటాం. ఎవరి సెక్రటేరియట్లో వాళ్లే ఉందాం. అనవసరంగా కొట్లాడుకుంటామంటే ఇద్దరికీ టైం వేస్టు. అందులో రాజీపడేది లేదు అని కేసీఆర్ అంటున్నారు. ‘‘కచ్చితంగా తెలంగాణ ఉద్యోగులు తెలంగాణలో, ఆంధ్ర వాళ్లు ఆంధ్రాలోనే ఉండాలి. మేం మా పరిపాలనలో ఉంటాం.. మీరు మీ పరిపాలనలో ఉండాలి’’ అని స్పష్టంగా చెప్పారు.