భార్య ముక్కు, చెవులు కోసిన మగ మృగం

ఎప్పుడో త్రేతాయుగంలో రామాయణంలో శూర్పణఖ ముక్కుచెవులు కోశారని చదువుకున్నాం. ఈ కలియుగంలో కూడా అలాంటి సంఘటన జరిగింది. అయితే అలా ముక్కుచెవులు కోయించుకుంది శూర్పణఖ కాదు.. కోసింది రామలక్ష్మణులు కాదు.. కట్టుకున్న భార్య ముక్కుచెవులు ముదనష్టపు భర్తగారు కోసేశారు. వరంగల్ జిల్లా భూపాలపల్లి మండలంలోని గొల్లబుద్ధారం గ్రామానికి చెందిన రజిత అనే మహిళ ముక్కు, కుడి చెవిని ఆమె భర్త శ్రీనివాస్ సోమవారం రాత్రి కోసేశాడు. ఆ తర్వాత ముక్కును, చెవిని తీసుకుని వెళ్ళి పోలీసులకు లొంగిపోయాడు. పోలీసులు శ్రీనివాస్‌ని అరెస్టు చేశారు. తీవ్రంగా గాయపడిన రజితని ఆస్పత్రికి తరలించారు.