హైకోర్టు పేరు మార్పు

జూన్ రెండవ తేదీ నుండి ఆంధ్రప్రదేశ్, తెలంగాణా ప్రత్యేక రాష్ట్రాలుగా ఏర్పడుతున్నందున, ఆంధ్రప్రదేశ్ రాష్ట్రంలో మరో హైకోర్టు ఏర్పాటు అయ్యేవరకు, రెండు రాష్ట్రాలకు ప్రస్తుత హైకోర్టే ఉమ్మడి హైకోర్టుగా కొనసాగుతుంది. అయితే ఈ మార్పుకు అనుగుణంగా ‘ఆంధ్రప్రదేశ్ హైకోర్టు’ అనే పేరును మార్చి హైకోర్టు ఆఫ్ జూడికేచర్ ఎట్ హైదరాబాద్ ఫర్ ద స్టేట్ ఆఫ్ తెలంగాణా అండ్ ద స్టేట్ ఆఫ్ ఆంద్రప్రదేశ్’ గా మారుస్తూ హైకోర్టు రిజిస్త్రార్ జనరల్ నిన్న సాయంత్రం ఆదేశాలు జారీ చేసారు. ఇకపై హైకోర్టు పేరు క్లుప్తంగా ‘హైకోర్టు ఆఫ్ హైదరాబాద్’ అని చెప్పుకోవచ్చును. కేంద్ర పట్టణాభివృద్ధి శాఖ మంత్రి యం. వెంకయ్య నాయుడు ఇటీవల మీడియాతో మాట్లాడుతూ త్వరలోనే వైజాగ్ లో ప్రత్యేక హైకోర్టు ఏర్పాటు చేస్తామని తెలిపారు. బహుశః దానినే ఆ తరువాత ఆంధ్రప్రదేశ్ రాష్ట్ర శాశ్విత హైకోర్టుగా మార్చే అవకాశం ఉంది. అంటే రాజధాని గుంటూరు విజయవాడ మధ్య ఏర్పడితే, హైకోర్టు వైజాగ్ లో ఏర్పడబోతోందన్నమాట.