నందమూరి కుటుంబంలో విభేదాలు లేవు: బాలకృష్ణ

నందమూరి కుటుంబంలో ఎలాంటి విభేదాలు లేవని బాలకృష్ణ చెప్పారు. విభేదాల పేరుతో అభిమానులను చీల్చవద్దని, ఎవరి అభిమానులు వారికి ఉంటారని ఆయన అన్నారు.జూనియర్ ఎన్టీఆర్ అయినా, లోకేశ్ అయినా పార్టీకి ఎంత సమయం కేటాయించగలమన్నది వారే నిర్ణయించుకోవాలి. పార్టీ కోసం కష్టపడాలనుకొన్నవారు ఎవరైనా రావచ్చు. సినిమాలతో జూనియర్ ఎన్టీఆర్ బిజీగా ఉన్నారని చెప్పారు. గుడివాడలతో పోటీపై తాను ఇంకా ఏమీ అనుకోలేదన్నారు. పార్టీ మారాలని గుడివాడ ఎమ్మెల్యే కొడాలి నాని తీసుకొన్న నిర్ణయం స్వార్థపూరితమని వ్యాఖ్యానించారు. 'ఇతరులతో కుమ్మక్కై పార్టీని ఇబ్బంది పెట్టాలని ప్రయత్నిస్తున్నారు. నాయకుడిపై ఇష్టం వచ్చినట్లు మాట్లాడుతున్నారు. ఇదే నాయకుడి కింద పనిచేయడానికి ఇష్టపడి పార్టీలోకి వచ్చిన విషయం మర్చిపోతున్నారు. ఇలాంటివారికి కార్యకర్తలు గుణపాఠం చెప్పాలి. ప్రజలు కూడా ఎన్నికల్లో వారిని తిరస్కరించాలని అన్నారు.