రాహుల్‌కు తీవ్ర జ్వరం..ఎలా ఉందన్న మోడీ..!

ఏఐసీసీ ఉపాధ్యక్షుడు రాహుల్ గాంధీ తీవ్రమైన జ్వరంతో బాధపడుతున్నారు. జ్వరం కారణంగా గత వారం కేరళ, తమిళనాడు, పుదుచ్చేరిలలో నిర్వహించాల్సిన ఎన్నికల ప్రచారాన్ని కూడా ఆయన వాయిదా  వేసుకున్నారు. రాహుల్ అస్వస్థత విషయాన్ని తెలుసుకున్న ప్రధాని నరేంద్రమోడీ ఆయన ఆరోగ్య పరిస్థితిపై ఆరా తీశారు. ఆయన వైరల్ ఫీవర్‌తో బాధపడుతున్నట్లు తెలియడంతో రాహుల్ త్వరగా కోలుకోవాలని ఆకాంక్షించినట్టు కేంద్ర ఆరోగ్యశాఖ మంత్రి జేపీ నడ్డా తన ట్విట్టర్ ద్వారా పేర్కొన్నారు. ఇప్పటికీ రాహుల్ హైవైరల్ ఫీవర్‌తో బాధపడుతున్నారని, పూర్తిగా విశ్రాంతి తీసుకోవాలని ఆయనకు వైద్యులు సూచించారని కాంగ్రెస్ పార్టీ వర్గాలు తెలిపాయి.