ప్రభుత్వంపై భారం లేకుండా మెట్రో రైల్

ఏపీ ప్రభుత్వం పై భారం పడకుండా మెట్రో ప్రాజెక్టు చేపడుతామని మెట్రో నిపుణుడు శ్రీధరన్ తెలిపారు. మంగళవారం శ్రీధరన్ విశాఖలో పర్యటించారు. ఈ సందర్భంగా ఆయన మీడియాతో మాట్లాడుతూ... విశాఖలో 30 కి.మీ., విజయవాడలో 27 కి.మీ.లో మెట్రో రైలు నిర్మాణం చేపడతామన్నారు. ఆరు నెలల్లో డీసీఆర్ ప్రాజెక్టు సిద్ధం చేస్తామని చెప్పారు. విపత్తులను తట్టుకునేలా ప్రాజెక్టు నిర్మాణం చేపడతామన్నారు. విజయవాడ , విశాఖలలో ఒకేసారి మెట్రో ప్రారంభం కావచ్చని ఆయన అన్నారు. ముందుగా సర్వే జరుగుతుందని,మూడు నెలల్లో సర్వే పూర్తి అయ్యాక,నిర్మాణం ఆరంభం అవుతుందని అన్నారు. మెట్రో నిజంగానే ప్రభుత్వానికి భారం లేకుండా చేయగలిగితే ఉపయుకక్తంగా ఉంటుందని చెప్పాలి.