Publish Date:Jun 12, 2014
Publish Date:Jun 7, 2014
Publish Date:Jun 6, 2014
Publish Date:May 31, 2014
Publish Date:May 27, 2014
Publish Date:May 14, 2014
Publish Date:May 13, 2014
Publish Date:May 6, 2014
Publish Date:May 2, 2014
Publish Date:Apr 29, 2014
Publish Date:Apr 26, 2014

EDITORIAL SPECIAL
  ఏపీ తెలుగుదేశంలో ముసలం ఏర్పడింది. చంద్రబాబు విదేశీ టూర్‌లో ఉండగా ఆ పార్టీకి భారీ షాక్ తగిలింది. పార్ల‌మెంట‌రీ పార్టీ చీలిపోయింది.చంద్ర‌బాబుకు అత్యంత స‌న్నిహితులుగా పేరున్న సుజ‌నా చౌద‌రి, సీఎం ర‌మేష్‌తో పాటుగా గ‌రిక‌పాటి మోహ‌న‌రావు, టీజీ వెంకటేష్ టీడీపీ వీడుతున్న‌ట్లు ప్ర‌క‌టించారు. వారు త‌మ నలుగురిని ప్రత్యేక గ్రూపుగా భావించి రాజ్యసభలో బీజేపీ అనుబంధ సభ్యులుగా గుర్తించాలని రాజ్య‌స‌భ ఛైర్మ‌న్‌ వెంకయ్యనాయుడికి లేఖ అందజేశారు. ఈ నలుగురు ఎంపీలను బీజేపీలో చేర్చుకునే బాధ్యతను పార్టీ కార్యనిర్వాహక అధ్యక్షుడు జేపీ నడ్డాకు అమిత్ షా అప్పగించినట్లు తెలుస్తోంది. ఇదంతా బీజేపీ అధినాయ‌క‌త్వం సూచ‌న‌ల మేర‌కే జరుగుతున్నట్లు స‌మాచారం. మ‌రో ఇద్ద‌రు స‌భ్యులు క‌న‌క‌మేడ‌ల ర‌వీంద్ర‌బాబు, సీతారామ‌ల‌క్ష్మి మాత్ర‌మే టీడీపీలో కొన‌సాగే అవ‌కాశం క‌నిపిస్తోంది. అయితే వీరిద్దరిని కూడా బీజేపీలో చేర్చుకునేందుకు అమిత్ షా తీవ్రంగా ప్రయత్నిస్తున్నారని సమాచారం. సీతారామలక్ష్మీ బీజేపీ వైపు ఆకర్షితులవుతున్నట్టు సమాచారం. కనకమేడల మాత్రం టీడీపీని వీడే ఆలోచనలో లేనట్టు తెలిసింది. తెలుగు దేశం అధినేత చంద్ర‌బాబు ప్ర‌స్తుతం విదేశీ ప‌ర్య‌ట‌న‌లో ఉన్నారు. స‌రిగ్గా పార్టీ మార‌టానికి ఈ నేత‌లు ఇదే స‌రైన స‌మ‌యంగా ఎంచుకున్నారు. పార్టీ కార్యాల‌యం నుండి స‌మాచారం అందుకున్న చంద్ర‌బాబు ఈ నేతలను ఫోన్ ద్వారా సంప్ర‌దించ‌టానికి ప్ర‌య‌త్నాలు చేస్తున్నా వీరు మాత్రం ఆయ‌న‌తో మాట్లాడ‌టానికి ఇష్ట‌ప‌డలేదు. అయితే క‌నీసం లోక్‌సభ స‌భ్యులైనా వెళ్ల‌కుండా అపేందుకు టీడీపీ అధినేత చంద్ర‌బాబు ప్ర‌య‌త్నాలు చేస్తున్నారు. దీంతో చంద్ర‌బాబు ఇప్పుడు విదేశీ ప‌ర్య‌ట‌న ర‌ద్దు చేసుకొని తిరిగి ఏపీకి వ‌చ్చే అవ‌శాలు ఉన్న‌ట్లు స‌మాచారం.
  ఏపీకి ప్రత్యేక హోదా ఇవ్వాలని కోరుతూ ఈరోజు అసెంబ్లీలో ఏపీ సీఎం జగన్ తీర్మానాన్ని ప్రవేశపెట్టారు. ఈ సందర్భంగా జగన్ మాట్లాడుతూ.. "గత ఐదేళ్లలో రాష్ట్రానికి జరిగిన అన్యాయాన్ని గత ప్రభుత్వం సరిదిద్దలేదు. నీతిఆయోగ్‌లో ప్రధాని, కేంద్రమంత్రిమండలి సమక్షంలో ఇదే కాపీ చదివినిపించా. విభజనతో రాష్ట్రం అన్నిరంగాల్లో నష్టపోయింది. విభజన నష్టాలను ప్రత్యేక హోదా ద్వారానే పూడ్చుకోవచ్చు.రాష్ట్రాన్ని అభివృద్ధి పథంలో నిలిపేందుకు ప్రత్యేక హోదా తప్పనిసరి. హోదా వస్తేనే రాయితీలు వస్తాయి. ఏపీకి ప్రత్యేక హోదా జీవనాడి అయినందున జాప్యంలేకుండా వెంటనే ఇవ్వాలని ఐదు కోట్లమంది ప్రజల తరపున హోదా కావాలని తీర్మానం ప్రవేశపెడుతున్నా’’ అని జగన్‌ తెలిపారు. ఈ విషయమై మాజీ సీఎం చంద్రబాబు ప్రసంగించారు. రాష్ట్రానికి ప్రత్యేక హోదా కోసం  తాము అన్ని రకాల సహకరిస్తామని స్పష్టం చేశారు. 2014 మార్చిలో నాటి ప్రధాని మన్మోహన్ సింగ్ ప్రత్యేక హోదా ఇస్తామని ప్రకటించారని.. హోదా ఇవ్వాలని  తాము ఎన్డీఏ ప్రభుత్వంపై ఒత్తడి తెచ్చినట్టుగా ఆయన గుర్తు చేశారు. హోదాను  ఏ రాష్ట్రానికి ఇవ్వడం లేదని.. హోదాకు సమానమైన ప్యాకేజీని ఇస్తామని కేంద్రం స్పష్టం చేసిందన్నారు. పేరు మార్చాం కానీ.. హోదాతో వచ్చే లాభాలతో ప్యాకేజీ ఇస్తున్నామని అప్పటి కేంద్ర ఆర్థిక మంత్రి అరుణ్‌ జైట్లీ అన్నారని చంద్రబాబు గుర్తు చేశారు.  దీంతో ప్రత్యేక ప్యాకేజీకి ఒప్పుకొన్నట్టుగా చంద్రబాబు తెలిపారు. ఫైనాన్స్ కమిషన్ మాత్రం ప్రత్యేక హోదా పేరుకు ఒప్పుకోలేదన్నారు. ఫైనాన్స్ కమిషన్ సూచన మేరకు హోదాకు బదులుగా ప్యాకేజీ పేరు పెట్టారని చంద్రబాబు అభిప్రాయపడ్డారు. ప్రత్యేకహోదా ఇవ్వాలంటూ 29సార్లు ఢిల్లీకి వెళ్లానని.. రాజకీయంగా నష్టపోయినా రాష్ట్రం కోసం పోరాటం చేశామని ఆయన చెప్పారు.  ప్రత్యేక హోదా కోసం తాను సిన్సియర్‌గా పోరాటం చేసినట్టుగా  చంద్రబాబు చెప్పారు. ప్లానింగ్ కమిషన్‌కు వెళ్లి  ప్రత్యేక హోదా కోసం ఎలాంటి ప్రయత్నాలు చేయలేదని చెప్పడం సరైంది కాదన్నారు. మీకు 22 మంది ఎంపీలు, 151 మంది ఎమ్మెల్యేలు ఉన్నారు.. ప్రత్యేక హోదా సాధించాలని జగన్ ను చంద్రబాబు కోరారు.  తనపై బురద చల్లితే ఏపీకి ప్రత్యేక హోదా రాదని  ఆయన అభిప్రాయపడ్డారు.  చంద్రబాబు ప్రసంగానికి జగన్ కౌంటరిచ్చారు. చంద్రబాబు ప్లానింగ్ కమిషన్ కు ఒక్క లేఖ కూడ రాయలేదన్నారు.  చంద్రబాబు వల్లే ఏపీకి ప్రత్యేక హోదా దక్కకుండా పోయిందని జగన్ వ్యాఖ్యానించారు. ప్లానింగ్ కమిషన్ స్థానంలో నీతి ఆయోగ్ వచ్చే వరకు ప్రత్యేక హోదాపై తీర్మానం చేయని విషయాన్ని జగన్ గుర్తు చేశారు.
  ఏపీ అసెంబ్లీలో గవర్నర్ ప్రసంగానికి ధన్యవాదాలు తెలిపే తీర్మానంపై చర్చ ప్రారంభమయింది. తీర్మానాన్ని వైసీపీ ఎమ్మెల్యే పీడిక రాజన్నదొర ప్రవేశ పెట్టారు. విప్ బూడి ముత్యాలనాయుడు బలపరిచారు. ఇద్దరూ తమ ప్రసంగంలో.. టీడీపీ పాలనపై అనేక విమర్శలు చేశారు. ఆ తర్వాత టీడీపీ తరపున అచ్చెన్నాయుడు మాట్లాడారు. ఆ సమయంలో పోలవరం ప్రాజెక్ట్‌పై అచ్చెన్నాయుడు వర్సెస్ వైసీపీ ఎమ్మెల్యేలన్నట్లుగా సాగింది.  పోలవరం ప్రాజెక్ట్ విషయంలో అంచనాలు పెంచి.. టీడీపీ సర్కార్ దోపిడీకి పాల్పడిందని కాంట్రాక్టర్లకు మేలు చేశారని వైసీపీ ఎమ్మెల్యేలు ఆరోపించారు. ఈ విమర్శలపై అచ్చెన్నాయుడు సూటిగా స్పందించారు. అంచనాలు తగ్గించి.. ప్రాజెక్టును పూర్తి చేయాలని సవాల్ చేశారు. అంచనాలు తగ్గించి పోలవరం ప్రాజెక్టును పూర్తి చేస్తే సన్మానం చేస్తామని వ్యాఖ్యానించారు. పోలవరం ప్రాజెక్ట్ నిర్మాణ బాధ్యతలు తీసుకుని చంద్రబాబు తప్పు చేశారన్న వైసీపీ నేతలకూ అచ్చెన్నాయుడు కౌంటర్ ఇచ్చారు. అడిగారో, ఇచ్చారో ప్రభుత్వం దగ్గర రికార్డులుంటాయన్నారు. పట్టిసీమపైనా వైసీపీ సభ్యులు ఆరోపణలు చేశారు. అవినీతి జరిగిందన్నారు. ఆ ప్రాజెక్ట్ పై పెట్టినంత దృష్టి పోలవరంపై పెడితే.. ఈ పాటికే ప్రారంభమయ్యేదని వైసీపీ నేతలు విమర్శలు చేశారు. దీనిపై అచ్చెన్నాయుడు స్పందిస్తూ.. పట్టిసీమ వల్ల ఉపయోగం లేదనుకుంటే అ ప్రాజెక్ట్ ను ఉపయోగించడం మానేయాలని సవాల్ చేశారు. పోలవరం ప్రాజెక్ట్ ను సీఎం.. కేంద్రానికి వదిలేయాలని నిర్ణయించుకుని.. ఏపీకి తిరిగి వచ్చిన తర్వాత మనసు మార్చుకున్నారని గుర్తు చేశారు.
ALSO ON TELUGUONE N E W S
 `ఫిదా` వంటి బ్లాక్ బ‌స్ట‌ర్ సినిమా త‌ర్వాత శేఖ‌ర్ క‌మ్ముల ద‌ర్శ‌క‌త్వంలో ఏషియ‌న్ పిక్చ‌ర్స్ ప‌తాకంపై సునీల్  నారంగ్ నిర్మాత‌గా ఓ చిత్రం రూపొందుతోన్న సంగ‌తి తెలిసిందే. అయితే ఈ సినిమాలో హీరో హీరోయిన్స్ ఎవ‌ర‌న్న‌ది ఇన్ని స‌స్సెన్స్ గా ఉంది. అయితే ఈ రోజు ఆ స‌స్పెన్స్ వీడింది. ఇందులో  నాగ చైత‌న్య హీరోగా, సాయి ప‌ల్ల‌వి హీరోయిన్ గా న‌టిస్తోంది. ఈ విష‌యాన్ని ఈ రోజు చిత్ర నిర్మాత‌లు అధికారికంగా ప్ర‌క‌టించారు. ఓ విభిన్న‌మైన కాన్సెప్ట్ తో శేఖ‌ర్ క‌మ్ముల ఈ క‌థ‌ను రెడీ చేసిన‌ట్లు తెలుస్తోంది. రెగ్యుల‌ర్ షూటింగ్ సెప్టెంబ‌ర్ ఫ‌స్ట్ వీక్ లో ప్రారంభించ‌నున్నారు. ఈ ఇయ‌ర్ ఎండింగ్ లో సినిమాను రిలీజ్  చేయ‌డానికి ప్లాన్ చేస్తున్నారు. శేఖ‌ర్ క‌మ్ముల ద‌ర్శ‌క‌త్వంలో నాగ చైత‌న్య తొలిసారి న‌టిస్తుండ‌గా, సాయి ప‌ల్ల‌వి ఫిదా త‌ర్వాత న‌టిస్తోన్న రెండో సినిమా.
చేసింది నాలుగు సినిమాలైనా న‌ల‌భై సినిమాలంత పేరు తెచ్చుకున్నారు డైర‌క్ట‌ర్ సంప‌త్ నంది.  స్టోరి, టైటిల్ , హీరో లుక్, సాంగ్స్ , ఫైట్స్ , టేకింగ్ ఇలా ప్ర‌తి విష‌యంలో ఎంతో కేర్ తీసుకుంటారు. డిఫ‌రెంట్ గా ఉండేలా చూసుకుంటారు. అందుకే  టాలీవుడ్ లో ఆయ‌న‌కంటూ ఒక మార్క్ ఏర్ప‌డింది. రైట‌ర్ గా కెరీర్ ప్రారంభించి డైర‌క్ట‌ర్ గా మారారు సంప‌త్ నంది. `ఏమైంది ఈవేళ‌` అనే చిన్న సినిమాతో ద‌ర్శ‌కుడుగా ప‌రిచ‌మ‌యై తొలి సినిమాతోనే స‌క్సెస్ ఫుల్ డైర‌క్ట‌ర్ గా పేరు తెచ్చుకుని రెండో సినిమానే మెగాస్టార్ త‌న‌యుడు రామ్ చ‌ర‌ణ్ తో  `ర‌చ్చ` చేసాడీ యంగ్ డైర‌క్ట‌ర్.  ర‌చ్చ సినిమా పెద్ద హిట్ కావ‌డంతో క‌మ‌ర్షియ‌ల్ అండ్ మాసివ్ డైర‌క్ట‌ర్ గా పేరు తెచ్చుకుని పెద్ద హీరోల దృష్టిలో ప‌డ్డారు.  ప‌వ‌న్ క‌ళ్యాణ్ లాంటి హీరో సైతం ఆయ‌న‌తో సినిమా చేయాల‌నుకున్నారంటే ద‌ర్శ‌కుడుగా సంప‌త్ నంది స్టామినా ఏంటో అర్థం చేసుకోవ‌చ్చు. ఇక మూడో సినిమాను మాస్ మ‌హారాజా ర‌వితేజ‌తో `బెంగాల్ టైగ‌ర్` చేసారు.   సంత‌ప్ నంది రైటింగ్, టేకింగ్ కి ర‌వితేజ ఎన‌ర్జీ తోడ‌వ‌డంతో బెంగాల్ టైగ‌ర్  బాక్సాఫీస్ వ‌ద్ద హ‌ల్ చ‌ల్ చేసింది.  చూడ‌టానికి క్లాస్ గా క‌నిపించినా,  సంప‌త్ నంది  మాంచి  మాస్ ఎలిమెంట్స్, హీరోయిజం, కామెడీ, సెంటిమెంట్ ఇలా ఆల్ క‌మ‌ర్షియ‌ల్ అంశాల‌ను పండించ‌డంలో దిట్ట‌గా పేరు తెచ్చుకున్నారు. త‌న సినిమాలో హీరో  మెంట‌ల్ గా, ఫిజిక‌ల్ గా స్ట్రాంగ్ గా ఉంటూ విప‌రీతంగా ఎంట‌ర్ టైన్ చేస్తాడు. ఏదైనా సాధించే స‌త్తాగ‌ల‌వాడే ఉంటాడు. అందుకే ఆయ‌న సినిమాలు ఆడియ‌న్స్ కు అంత‌గా క‌నెక్ట్ అవుతుంటాయి.  సంప‌త్ నంది ద‌ర్శ‌క‌త్వంలో వ‌చ్చిన నాలుగో సినిమా `గౌత‌మ్ నంద‌`. గోపిచంద్ డ్యూయ‌ల్ రోల్ చేసిన సినిమా.   అప్ప‌టి వ‌ర‌కు ఉన్న గోపిచంద్ ని కాకుండా కొత్త గోపిచంద్ ని ఈ సినిమాలో చూపించారు. గోపిచంద్ ఇలా కూడా ఉంటాడా? అనిపించేంత‌లా చాలా స్టైలిష్ గా చూపించాడు ద‌ర్శ‌కుడు సంప‌త్. కొన్ని కార‌ణాల వ‌ల్ల సినిమా  ఆశించినంత గా ఆడ‌క‌పోయినా, ద‌ర్శ‌కుడుగా మాత్రం సంప‌త్ నందికి మంచి పేరు తెచ్చిందీ సినిమా. ప్ర‌జంట్ ఓ యంగ్ హీరోతో సినిమా చేయ‌డానికి ప్లాన్ చేస్తున్నాడీ యంగ్ అండ్ ఎన‌ర్జిటిక్ డైర‌క్ట‌ర్. ఇక ద‌ర్శ‌కుడుగా ఓ వైపు సినిమాలు చేస్తూనే మ‌రోవైపు సంప‌త్ నంది టీమ్ వ‌ర్క్స్ పేరుతో బేన‌ర్ స్థాపించి కొత్త‌వారిని ఎంక‌రేజ్ చేస్తూ `గాలిప‌టం`, పేప‌ర్ బాయ్ చిత్రాలు నిర్మించారు.   కొత్త సంగీత ద‌ర్శ‌కులు, లిరిసిస్ట్ లు, డైర‌క్ట‌ర్స్ , ఆర్టిస్ట్స్ ని త‌న బేన‌ర్ ద్వారా ప‌రిచ‌యం చేసారు. ఇలా ఎంతో మంది కొత్త వారికి లైఫ్ ఇస్తూ త‌న డైర‌క్ష‌న్ లో మంచి సినిమాలు చేయాల‌ని కోరుకుంటూ  ఈ రోజు (జూన్ 20) న పుట్టిన రోజు సంద‌ర్భంగా ఆయ‌న‌కు బ‌ర్త్ డే శుభాకాంక్ష‌లు తెలుపుతోంది తెలుగు వ‌న్ డాట్ కామ్.
'నా లైఫ్ లో నీలాంటి అమ్మాయిని ఎక్కడ చూడలేదు' - ఓ బేబీ ట్రైలర్ లో సమంతతో నాగశౌర్య చెప్పే డైలాగ్! అందుకు బదులుగా 'చూసి ఉండవులె నీది చిన్న వయసే కదా! ఎంతమందిని చూసి ఉంటావ్' అంటుంది సమంత. ట్రైలర్ చూశాక... తెలుగులో ఇలాంటి కాన్సెప్ట్ ఇప్పటివరకు చూడలేదని ప్రేక్షకులు అనుకోవాల్సిందే. 70 ఏళ్ల బామ్మ పాతికేళ్ల పడుచు అమ్మాయిలా మారితే ఎలా ఉంటుంది అనే కాన్సెప్ట్ తో ఈ సినిమా తెరకెక్కింది. అవ్వడానికి కొరియన్ సినిమా రీమేక్ అయినా.... ట్రైలర్ తో కనెక్ట్ కావడానికి కారణం మాత్రం కాన్సెప్ట్ కాదు, సమంతే. రెండున్నర నిమిషాలు కూడా లేని ట్రైలర్ లో మంచి కామెడీ టైమింగ్ కల యాక్టింగ్ తో నవ్వించింది. కొన్ని క్షణాలు ఏడిపించింది. డాన్సులతో అలరించింది. మొత్తానికి నటిగా విజృంభించింది. నాగ శౌర్య, రాజేంద్ర ప్రసాద్, రావు రమేష్ కూడా చక్కటి అభినయంతో అలరించారు. అందరి టైమింగ్ భలే కుదిరింది. దర్శకురాలు నందిని రెడ్డి చక్కగా తీశారు. సినిమాపై ఈ ట్రైలర్ అంచనాలు పెంచుతోంది అనడంలో ఎటువంటి సందేహం లేదు.
ఓంకార్ ద‌ర్శ‌క‌త్వంలో రూపొందిన హార‌ర్ కామెడీ చిత్రం `రాజుగారిగ‌ది` ఎంత‌టి విజ‌యాన్ని సాధించిందో అంద‌రికీ తెలిసిందే.   ఆ సినిమాకు ఫ్రాంచైజీగా `రాజుగారి గ‌ది 3` గురువారం లాంఛ‌నంగా ప్రారంభ‌మైంది. ఓక్ ఎంట‌ర్‌టైన్‌మెంట్స్ బ్యాన‌ర్‌పై సినిమా నిర్మిత‌మ‌వుతుంది.  ఈ ప్రారంభోత్స‌వ కార్య‌క్ర‌మానికి దిల్‌రాజు ముఖ్య అతిథిగా హాజ‌రై ముహూర్త‌పు స‌న్నివేశానికి క్లాప్ కొట్టారు. స్టార్ మా బిజినెస్ హెడ్ అలోక్ జైన్ కెమెరా స్విచ్ఛాన్ చేశారు. `రాజుగారిగ‌ది 3`లో మిల్కీ బ్యూటీ త‌మ‌న్నా భాటియా ప్ర‌ధాన పాత్ర‌లో న‌టిస్తుండ‌గా అశ్విన్ ముఖ్య పాత్ర‌లో న‌టిస్తున్నారు.  ఊర్వ‌శి, అలీ, బ్ర‌హ్మాజీ, ప్ర‌భాస్ శ్రీను, హ‌రితేజ‌, అజ‌య్‌ఘోష్ ఇత‌ర పాత్ర‌ల్లో  న‌టిస్తున్నారు. శుక్ర‌వారం నుండి సినిమా రెగ్యుల‌ర్ షూటింగ్ హైద‌రాబాద్‌లో ప్రారంభం అవుతుంది. ఛోటా కె.నాయుడు సినిమాటోగ్ర‌ఫీ అందిస్తున్నారు. సాయిమాధ‌వ్ బుర్రా డైలాగ్స్‌, గౌతంరాజు ఎడిటింగ్‌, సాహి సురేశ్ ప్రొడ‌క్ష‌న్ డిజైనర్‌గా, వెంక‌ట్ ఫైట్ మాస్ట‌ర్‌గా వ‌ర్క్ చేస్తున్నారు. `రాజు గారి గ‌ది` త‌ర్వాత రాజుగారి గ‌ది 2` సినిమా  నాగార్జున‌, స‌మంత తో చేసాడు ఓంకార్ . కానీ, ఆ సినిమా పెద్ద‌గా వ‌ర్క‌వ‌ట్ కాలేదు. మ‌రి ` రాజుగారి గ‌ది 3` ఎంత వ‌ర‌కు వ‌ర్క‌వుట్ అవుతుందో చూడాలి అంటున్నారు సినీ జ‌నాలు.   ఇక ఈ సినిమాలో త‌మ‌న్నా క్యార‌క్ట‌ర్ ఎలా ఉండ‌బోతుంది? ఈ సినిమా ఆమె ఒప్పుకోవ‌డానికి అంత‌గా మెప్పించిన అంశం ఏంట‌న్న చ‌ర్చ ఇప్పుడు అంద‌రిలో మొద‌లైంది. ఈ సినిమాను  ఈ ఏడాది లోనే రిలీజ్ చేయ‌డానికి స‌న్నాహాలు చేస్తున్నారు.
స‌మ్మ‌ర్ లో రిలీజైన `చిత్ర‌ల‌హ‌రి` సినిమాతో స‌క్సెస్ ట్రాక్ లోకి వ‌చ్చాడు మెగా హీరో సాయితేజ్. ప్ర‌జంట్ మారుతి ద‌ర్శ‌క‌త్వంలో ప్ర‌తీరోజు పండ‌గే` అనే ఓ సినిమా చేయ‌డానికి ఇప్ప‌టికే గ్రీన్ సిగ్న‌ల్ ఇచ్చిన‌ట్లు త్వ‌ర‌లో సెట్స్ మీద‌కు వెళ్ల‌నున్న‌ట్లు తెలుస్తోంది. ఇదిలా ఉంటే సాయితేజ్ మ‌రో సినిమాకు ఓకే చెప్పిన‌ట్లు స‌మాచారం అందుతోంది.  ఆ వివ‌రాల్లోకి వెళితే గ‌తంలో ప్ర‌స్తానం వంటి పొలిటిక‌ల్ థ్రిల్ల‌ర్ ని డైరెక్ట్ చేసిన ద‌ర్శ‌కుడు దేవాక‌ట్టా మ‌రోసారి అటువంటి డిఫ‌రెంట్ అండ్ సీరియ‌స్ స‌బ్జెక్ట్ ను రెడీ చేస్తాడ‌ట‌. ఈ నేప‌థ్యంలో తేజుని సంప్ర‌దించి స్క్రిప్ట్ ను కూడా వినిపించాడ‌ట దేవా. తేజుకి కూడా  క‌థ నచ్చ‌డంతో వెంట‌నే ఓకే చెప్పాడ‌ని టాలీవుడ్ టాక్. త్వ‌ర‌లో ఈ సినిమాకు సంబంధించి మ‌రిన్ని విష‌యాలు వెలువ‌డే అవ‌కాశం ఉంది. వ‌రురుస ప‌రాజ‌యాల త‌ర్వాత `చిత్రాల‌హ‌రి` తో మ‌ళ్ళీ స‌క్సెస్ ట్రాక్ ఎక్కిన తేజు. ఇప్పుడు వ‌రుస‌గా కంటెంట్ ఉన్న డైరెక్ట‌ర్స్ తో డిఫ‌రెంట్ మూవీస్ చేయ‌డం అత‌నికి క‌లిసొచ్చే అంశ‌మే.
  కేంద్రంలో అఖండ మెజార్టీతో రెండోసారి గద్దెనెక్కిన బీజేపీ ఇప్పుడు తమ శత్రువైన చంద్రబాబుని టార్గెట్ చేసింది. కేంద్రంలో బీజేపీ అధికారంలోకి రాకుండా ప్రాంతీయ పార్టీల కూటమి కట్టి కాంగ్రెస్ కు సపోర్టుగా రాజకీయం చేసిన చంద్రబాబుకు తమ దెబ్బ రుచి చూపిస్తున్నారు. అటు కేంద్రంలో మోదీ, ఇటు ఏపీలో వైపీపీ అధికారంలోకి రావ‌టంతో త‌మ‌కు క‌ష్టాలు త‌ప్ప‌వ‌ని టీడీపీ నేత‌లు ముందుగానే ఊహించారు. అయితే ఇంత త్వ‌ర‌గా బీజేపీ ఆప‌రేష‌న్ మొద‌లు పెడుతుంద‌ని, చంద్ర‌బాబును ఇంత త్వ‌ర‌గా కోలుకోలేని దెబ్బ తీస్తుందని ఎవ‌రూ ఊహించ‌లేదు. త‌న‌ను అవ‌మానించిన చంద్రబాబును అదే స్థాయిలో మోదీ ఇప్పుడు దెబ్బ కొడుతున్నారు. 2014 ఎన్నిక‌ల్లో మోదీ, చంద్రబాబు మిత్రులు. ప్ర‌త్యేక హోదా పేరుతో కేంద్ర ప్ర‌భుత్వం నుండి టీడీపీ బ‌యటకు వచ్చి ఎన్డీఏకు గుడ్ బై చెప్పింది. ఏపీకి మోదీ, అమిత్ షా వ‌చ్చిన స‌మ‌యంలో టీడీపీ నేత‌ల నిర‌స‌న‌లు శృతి మించాయి. ఏపీకి మోదీని శ‌త్రువుగా క్రియేట్ చేయ‌టంలో చంద్ర‌బాబు స‌క్సెస్ అయ్యారు. అదే మోదీకి ఆగ్ర‌హం తెప్పించింది. ఏపీలో తాను తిరిగి అధికారంలోకి రావ‌టం కోసం నాడు చంద్ర‌బాబు మోదీని ప్ర‌ధాన ముద్దాయిగా చూపించి, మోదీని తాను మాత్ర‌మే ఎద‌ర్కోగ‌ల‌న‌ని ఎన్నిక‌ల ప్ర‌చారంలో చెప్పుకొన్నారు. మోదీ ఏపీకి ఏమీ చేయ‌లేద‌ని, మోదీని ఏపీలో విల‌న్ గా చూపించే ప్ర‌య‌త్నం చేసారు. ఇక‌, మోదీని ప‌దేప‌దే త‌న‌కంటే జూనియ‌ర్ అనీ, గోద్రా అల్లర్లలో మోదీ రాక్ష‌సంగా వేలాది మంది మైనారిటీలను చంపించార‌ని చంద్ర‌బాబు తీవ్ర వ్యాఖ్య‌లు చేసారు. గోద్రా కేసులో మోదీని అరెస్ట్ చేయాల‌ని తొలుత డిమాండ్ చేసింది తానే అంటూ చంద్ర‌బాబు ప‌లు మార్లు చెప్పుకొచ్చారు. మోదీ ఎన్నిక‌ల్లో ఈవీఎంల‌ను మేనేజ్ చేస్తున్నార‌ని చంద్ర‌బాబు ఆరోపించారు. చంద్ర‌బాబుని మోదీ ఈ స్థాయిలో టార్గెట్ చేయటానికి కార‌ణం ఆయన మోదీపైన చేసిన వ్య‌క్తిగ‌త ఆరోపణలే కారణం అని సమాచారం. ఏపీలో టీడీపీ లేకుండా చేట‌య‌మే ల‌క్ష్యంగా ఇప్పుడు మోదీ, అమిత్ షా ప‌ని చేస్తున్నారు. దీనిలో భాగంగానే టీడీపీ అధినేత చంద్రబాబుకు ఆర్థికంగా వెన్నుదన్నుగా నిలబడ్డ సన్నిహిత పారిశ్రామికవేత్తలు - టీడీపీ రాజ్యసభ సభ్యులు సుజనాచౌదరి, సీఎం రమేష్ లతోపాటు మరో ఇద్దరు ఎంపీలు గరికపాటి రామ్మోహన్, టీజీ వెంకటేశ్ లు ఇప్పుడు బీజేపీలో చేరేందుకు రంగం సిద్ధం చేశారు. వీరు త‌మ నలుగురిని ప్రత్యేక గ్రూపుగా భావించి రాజ్యసభలో బీజేపీ అనుబంధ సభ్యులుగా గుర్తించాలని రాజ్య‌స‌భ ఛైర్మ‌న్‌ వెంకయ్యనాయుడి కి లేఖ ఇవ్వాల‌ని నిర్ణ‌యించారు. ఈ నలుగురు ఎంపీలను బీజేపీలో చేర్చుకునే బాధ్యతను పార్టీ కార్యనిర్వాహక అధ్యక్షుడు జేపీ నడ్డాకు అమిత్ షా అప్పగించినట్లు తెలుస్తోంది. ఇదంతా బీజేపీ అధినాయ‌క‌త్వం సూచ‌న‌ల మేర‌కే జరుగుతున్నట్లు స‌మాచారం. మ‌రో ఇద్ద‌రు స‌భ్యులు క‌న‌క‌మేడ‌ల ర‌వీంద్ర‌బాబు, సీతారామ‌ల‌క్ష్మి మాత్ర‌మే టీడీపీలో కొన‌సాగే అవ‌కాశం క‌నిపిస్తోంది. అయితే వీరిద్దరిని కూడా బీజేపీలో చేర్చుకునేందుకు అమిత్ షా తీవ్రంగా ప్రయత్నిస్తున్నారని సమాచారం. రాజ్యసభ ఎంపీలతో పాటు లోక్‌సభ ఎంపీలను కూడా లాక్కునేందుకు బీజేపీ ప్రణాళికలు రచిస్తోంది. ఇప్పటికే విజయవాడ ఎంపీ కేశినేని నాని ఆ పార్టీతో టచ్‌లోకి వచ్చినట్లు సమాచారం. ఇటీవల కేంద్రమంత్రి నితిన్ గడ్కరిని ఆయన కలిసొచ్చిన సంగతి తెలిసిందే. త్వరలోనే నాని కమలం గూటికి చేరడం ఖాయమని రాజకీయ వర్గాల్లో ప్రచారం జరుగుతోంది. బుధవారమే కుటుంబ సభ్యులతో కలిసి చంద్రబాబు విదేశీ పర్యటనకు వెళ్లారు. మరి ఈ సంక్షోభ స‌మ‌మంలో చంద్ర‌బాబుకు మ‌ద్ద‌తుగా నిలిచేదెవరో వేచి చూడాలి!!
  అగ్రిగోల్డ్ విషయంలో చంద్రబాబు& కో వేసిన తప్పటడుగు కొన్ని లక్షల ఓట్లు టీడీపీకి వ్యతిరేకంగా పడేలా చేశాయని చెప్పవచ్చు. అగ్రిగోల్డ్ సంస్థలో కొన్ని లక్షల కుటుంబాలు డిపాజిట్ చేసి మోస పోయాయి. అయితే అప్పుడు బాబు సర్కార్ అమలు కానీ హామీని ఇచ్చి సమస్యని నెత్తి మీదకు తెచ్చుకుంది. డిపాజిటర్ల డబ్బులన్నీ ప్రభుత్వమే తిరిగిస్తుందని చెప్పింది. దీంతో విపక్షాలు ఈ విషయంలో బాబుని టార్గెట్ చేశాయి. బాబు సర్కార్ డబ్బులు చెల్లించలేకపోవడం, విపక్షాలు పదే పదే విమర్శలు చేస్తుండడంతో.. డబ్బులు వస్తాయన్న ఆశతో ఉన్న డిపాజిటర్లకు బాబు సర్కార్ మీద వ్యతిరేకత మొదలైంది. అసలు డిపాజిటర్లకు డబ్బులు ప్రభుత్వం తిరిగి ఇవ్వాలన్న సలహా బాబుకి ఎవరు చెప్పారో కానీ.. ఎంతో అనుభవం ఉన్న బాబు ఏ మాత్రం ఆలోచించకుండా ఆ సలహాను పాటించడం ఆయన చేసిన పెద్ద తప్పు. అసలు ఓ ప్రైవేట్ సంస్థ మోసం చేస్తే ప్రభుత్వం ఎందుకు చెల్లించాలి?. అంటే ప్రైవేట్ సంస్థలు మోసం చేసుకుంటూ పోతుంటే.. ప్రభుత్వం అవి చెల్లించుకుంటూ ఖజానా ఖాళీ చేసుకుంటూ రావాలా?. అసలే లోటు బడ్జెట్.. దానికి తోడు ఇలాంటి హామీలు ఇచ్చి కొత్త తలనొప్పులు తెచ్చుకున్నారు. అగ్రిగోల్డ్ విషయంలో నిజంగా బాధితులకు న్యాయం చేయాలనుకుంటే.. అది ఆ సంస్థ ముక్కు పిండి వసూలు చేసి ఆదుకోవాలి. చట్టం ద్వారా ఆ సంస్థ ఆస్తులు, అప్పులు అంచనా వేసి.. ఆస్తులను వేలం వేసి బాధితులకు డబ్బు చెల్లించాలి. కానీ ముందుకి ముందే పోయేదేముంది మాటేగా అనుకొని డబ్బులు ప్రభుత్వం చెల్లిస్తుంది అన్నారు. తీరా అది సాధ్యపడక.. విపక్షాల నుంచి విమర్శలు, ప్రజల నుంచి వ్యతిరేకత ఎదుర్కొన్నారు. అంతేకాదు అగ్రిగోల్డ్ ఆస్తులపై అప్పటి టీడీపీ మంత్రులు, ఎమ్మెల్యేల కన్ను పడిందని కూడా ఆరోపణలు వచ్చాయి. వీటిని తిప్పికొట్టడంలో టీడీపీ పూర్తిగా విఫలమైంది. మొత్తానికి అగ్రిగోల్డ్ వ్యవహారం పుణ్యమా అని టీడీపీ.. ప్రజల్లో తీవ్ర వ్యతిరేకత మూటగట్టుకొని ఎన్నో లక్షల ఓట్లను దూరం చేసుకుంది. అధికారానికి దూరమైంది.  
  వైఎస్ జగన్ మోహన్ రెడ్డి ఆంధ్రప్రదేశ్ ముఖ్యమంత్రిగా పగ్గాలు చేపట్టిన తర్వాత దూకుడుగా వెళ్తున్నారు. ఎన్నికల ముందు ప్రజలకు ఇచ్చిన మాటకు కట్టుబడి, అధికారం లోకి వచ్చిన వెంటనే ఆయా వర్గాల వారికి మేలు చేసేవిధంగా జగన్మోహన్ రెడ్డి తీసుకుంటున్న పలు నిర్ణయాలు తెలంగాణ సీఎం కేసీఆర్ కు తలనొప్పిగా మారుతున్నాయి. జగన్మోహన్ రెడ్డి తీసుకున్న నిర్ణయాల వల్ల తెలంగాణ లో ప్రభుత్వ, ఆర్టీసీ ఉద్యోగులు రోడ్డెక్కే పరిస్థితి నెలకొనడం కేసీఆర్ ను తీవ్ర ఆందోళనకు గురి చేస్తోంది. జగన్మోహన్ రెడ్డి ఎన్నికల ముందు ఆర్టీసీ ఉద్యోగులకు ఇచ్చిన హామీ మేరకు ఆర్టీసీ ని ప్రభుత్వం లో విలీనం చేసేందుకు సుముఖతను వ్యక్తం చేశారు. తెలంగాణలో కూడా ఆర్టీసీని ప్రభుత్వంలో విలీనం చేయాలనే డిమాండ్ తెరపైకి వచ్చే అవకాశం ఉంది. ఆంధ్ర ప్రదేశ్ నూతన మంత్రి వర్గ సమావేశం లో ప్రభుత్వ ఉద్యోగులకు ఐ ఆర్ ప్రకటించిన జగన్ , సీపీస్ రద్దుకు కమిటీని ఏర్పాటు చేసిన విషయం తెల్సిందే. ఇప్పుడు తెలంగాణ ఉద్యోగ సంఘాల నేతలు తక్షణమే తమకు ఐ ఆర్ ప్రకటించాలని ప్రభుత్వాన్ని డిమాండ్ చేస్తున్నారు. సీపీస్ పెన్షన్ స్కీమ్ రద్దుకు సిఫార్స్ చేయాలని కోరుతున్నారు. ఉద్యోగ సంఘాల నేతలు, తమ డిమాండ్ల ను వెంటనే పరిష్కరించాలని ప్రభుత్వానికి అల్టిమేటం జారీ చేశారు. నిన్న జరిగిన మంత్రి వర్గ సమావేశంలో ఉద్యోగుల న్యాయమైన డిమాండ్ల పై తెలంగాణ ప్రభుత్వం సానుకూలంగా స్పందిస్తుందని ఆశించిన ఉద్యోగ సంఘాలకు నిరాశే ఎదురయింది. మంత్రి వర్గ సమావేశ అనంతరం మీడియా తో మాట్లాడిన ముఖ్యమంత్రి కేసీఆర్ అసలు ఉద్యోగుల సమస్యల అంశాన్ని ప్రస్తావించకపోవడం ఆశ్చర్యాన్ని కలిగించిందని ఉద్యోగ సంఘాల నేతలు అంటున్నారు. లోటు బడ్జెట్ లో ఉన్న ఆంధ్రప్రదేశ్ ప్రభుత్వం తమ ఉద్యోగులకు ఐఆర్ ప్రకటించగా లేనిది, తెలంగాణ సర్కార్ ఎందుకు ప్రకటించదని ప్రశ్నిస్తున్నారు. ఇన్నాళ్లూ ఏపీ ప్రభుత్వం కూడా తమ ఉద్యోగులకు ఐఆర్ ప్రకటించకపోవడంతో , తెలంగాణ ఉద్యోగులు మౌనంగా ఉన్నారు. కానీ జగన్ ముఖ్యమంత్రి గా పదవి బాధ్యతలు చేపట్టిన వెంటనే ఉద్యోగులకు ఐఆర్ ప్రకటించడంతో తమకు కూడా ఐఆర్ ప్రకటించాల్సిందేనని తెలంగాణ ఉద్యోగులు భీష్మించుకు కూర్చున్నారు. అదేవిధంగా పోలీసులకు వీక్లీ ఆఫ్ సదుపాయం కల్పిస్తూ జగన్ నిర్ణయం తీసుకున్నారు. ఇది నేటి నుంచే అమలులోకి వచ్చింది. క్షణం తీరికలేకుండా పగలు, రాత్రి, ఎండ, వాన అని తేడా లేకుండా విధినిర్వహణలో ఉండే ఏకైక ప్రభుత్వ శాఖ పోలీస్‌ శాఖ. వీక్లీ ఆఫ్ లేకపోవడంతో ఉద్యోగ రీత్య మానసికంగా, శారీరకంగా తీవ్ర ఒత్తిడికి గురవుతున్నారు. కుటుంబజీవితాన్ని కూడా కోల్పోతున్నారు. అయితే ఇప్పుడు జగన్ వీక్లీ ఆఫ్ కల్పిస్తూ నిర్ణయం తీసుకోవడంతో.. ఏపీ పోలీసులు సంతోషం వ్యక్తం చేస్తున్నారు. మరోవైపు ఈ నిర్ణయం కూడా కేసీఆర్ కు తలనొప్పిగా మారింది. పోలీసులకు వీక్లీ ఆఫ్ అంటూ కేసీఆర్ గతంలో హామీ ఇచ్చారు కానీ దానిని ఆచరణలోకి తీసుకురాలేదు. ఇప్పుడు ఏపీ సీఎం ఆచరణలోకి తెచ్చి చూపడంతో.. తెలంగాణ పోలీసు వర్గాలు మాకెప్పుడు వీక్లీ ఆఫ్ అంటూ కేసీఆర్ సర్కార్ మీద ఒత్తిడి తీసుకొస్తున్నట్టు తెలుస్తోంది.
  చంద్రబాబుకి మెజారిటీ ఉద్యోగులు ఎప్పుడూ వ్యతిరేకంగా ఉంటారన్న సంగతి తెలిసిందే. ఇటీవల జరిగిన ఎన్నికల్లో కూడా ఆ విషయం రుజువైంది. ఎన్నికలకు ముందు చంద్రబాబు.. ఉద్యోగులు తమకి అనుకూలంగా ఉన్నారని, ఈసారి వారంతా టీడీపీ పక్షానే నిలుస్తారని భావించారు. తీరా ఎన్నికల ఫలితాలు వచ్చాక బాబు అంచనా తప్పని తేలిపోయింది. పోస్టల్ బ్యాలెట్ లో కూడా వైసీపీనే సత్తాచాటింది. ఉద్యోగులు బాబుకి వ్యతిరేకంగా ఉన్నారని తేలిపోయింది. అయితే బాబు.. ఉద్యోగులు తమ పక్షాన ఉన్నారని నమ్మడానికి ప్రధాన కారణం ఎమ్మెల్సీ అశోక్ బాబు అని చెప్పాలి. ఉద్యోగ సంఘాల నేత అని, ఉద్యోగులంతా తమ పక్షాన నిలుస్తారన్న ఆశతో.. బాబు అశోక్ ని నెత్తిన పెట్టుకున్నారు. ఎమ్మెల్సీ కట్టబెట్టారు. అశోక్ కూడా 'మీకు నేను ఉన్నాను.. ఉద్యోగులంతా మనవైపే ఉంటారు' అని చెప్పారు. ఇంకేముంది బాబు ఆహా ఓహో అంటూ గాలిలో తేలిపోయారు. గంపగుత్తగా ఓట్లన్నీ తమకే పడతాయి అనుకున్నారు. కానీ ఫలితాలు పూర్తీ భిన్నంగా వచ్చాయి. పార్టీ వల్ల అశోక్ కి ఎమ్మెల్సీ పదవి వచ్చింది కానీ, అశోక్ వల్ల పార్టీకి అసలు ఓట్లే రాలేదు. ఆయన ఉద్యోగుల ఓట్లు గానీ, తన సామజిక వర్గం ఓట్లు గానీ రాబట్టడంలో పూర్తిగా విఫలమయ్యారు. బాబు ఆయన్ని గుడ్డిగా నమ్మి భ్రమల్లోకి వెళ్లారు. తీరా ఫలితాలు చూసాక కళ్ళు బైర్లు కమ్మాయి. బాబు మీద ఉద్యోగుల్లో వ్యతిరేకత రావడానికి ఎన్ని కారణాలైనా ఉండొచ్చు కానీ.. గడిచిన ఐదేళ్ళలో ఒక సంఘటన మాత్రం ఉద్యోగుల మీద బాగా ప్రభావం చూపిందనే అభిప్రాయం ఉంది. అదే ఎమ్మార్వో వనజాక్షి పై చింతమనేని ప్రభాకర్ వర్గం దాడి చేయడం. ఆ విషయంలో బాబు.. చింతమనేని పక్షాన నిలిచారనే విమర్శలు ఎదుర్కొన్నారు. అశోక్ బాబు వంటి వారిని గుడ్డిగా నమ్మకం, చింతమనేని వంటి వారిని వెనకేసుకురావడం వంటివి బాబు కొంపముంచాయనే చెప్పాలి.  
  "పేరు గొప్ప.. ఊరు దిబ్బ" అనే సామెత వినే ఉంటారు. ఏపీ రాజధాని విషయంలో చంద్రబాబు ఇలాంటి విమర్శలే ఎదుర్కొన్నారు. అమరావతిని రాజధానిగా ప్రకటించిన బాబు.. ప్రపంచంలోని గొప్ప రాజధానుల్లో ఒకటిగా అమరావతి నిలుస్తుందని.. అమరావతిని ఓ సింగపూర్, ఓ జపాన్ చేసి చూపిస్తానని చెప్పారు. దీంతో రాజధానిపై ఏపీ ప్రజలు ఎన్నో అంచనాలు పెట్టుకున్నారు. కానీ బాబు ఆ అంచనాలు అందుకోలేకపోయారు. దీంతో టీడీపీ ఓటమిలో రాజధాని కూడా ఓ కారణంగా మిగిలిపోయింది. తాత్కాలిక భవనాలు పేరిట పలు భవనాలు నిర్మించారు. అయితే వాటి నిర్మాణం కూడా నాసిరకంగా ఉన్నాయంటూ విమర్శలు ఎదుర్కొన్నారు. మన దేశంలో ఎంతో ప్రతిభ ఉన్న ఇంజినీర్లని కాదని విదేశాల నుండి ఇంజినీర్లను తెప్పించారు. పోనీ వారితో అయినా పూర్తిగా డిజైన్లు చేయించారా అంటే అదీ లేదు. వాస్తు నిపుణులను, సినీ దర్శకులను రాజధాని డిజైన్లలో భాగమయ్యేలా చేసి విమర్శలు ఎదుర్కొన్నారు. సినిమాలో సెట్లు బాగున్నాయి కదా అని రాజధానికి డిజైన్లు గీయండి అని అడిగేసరి.. బాబుపై సెటైర్లు వచ్చాయి. దానికి తోడు వాస్తు ఒకటి. అసలు రాజధాని నిర్మాణంలో వాస్తు ఏంటి?. ఇంజినీర్లు అక్కడి పరిస్థితులను బట్టి డిజైన్ చేస్తారు. అంతేకాని వాస్తు పేరిట ఎవరో వచ్చి అక్కడ ఇది, ఇక్కడ అది అని ఏదేదో చెప్తుంటే ఇక ఇంజినీర్లు డిజైన్లు ఏం చేస్తారు?. ఒకవేళ బాబు రెండోసారి అధికారంలోకి వచ్చి ఉంటే.. అమరావతిని ఎంతలా అభివృద్ధి చేసేవారో తెలీదు కానీ.. మొదటి టర్మ్ లో మాత్రం డిజైన్ పేరిట కాలయాపన చేసారని, గ్రాఫిక్స్ రాజధాని అని.. అసలు అది అమరావతి కాదు భ్రమరావతి అని విమర్శలు ఎదుర్కొన్నారు. అంతేకాదు రాజధాని భూములు విషయంలో కూడా అవినీతి జరిగిందని ఆరోపణలు వచ్చాయి. వీటిని తిప్పి కొట్టడంలో బాబు & కో విఫలమయ్యారు. మరోవైపు విపక్షాలు.. అమరావతి అంతా భ్రమరావతి అని, అసలు ఒక్క ఇటుక కూడా పడలేదని పదేపదే విమర్శలు చేసాయి. ఈ విమర్శలు ప్రజల్లోకి బలంగా వెళ్లాయి. మొత్తానికి ప్రపంచ స్థాయి రాజధాని నిర్మిస్తానన్న బాబు.. ఏమీ చేయలేదన్న పేరు మూటగట్టుకొని పరాజయం పాలయ్యారు.
  కాంగ్రెస్‌ పార్టీ మునుగోడు ఎమ్మెల్యే కోమటిరెడ్డి రాజగోపాల్‌రెడ్డి బీజేపీలో చేరడం దాదాపు ఖాయమైనట్లు తెలుస్తోంది. "రాష్ట్రంలో టీఆర్‌ఎస్‌కు ప్రత్యామ్నాయం బీజేపీనే!’’ అంటూ రాజగోపాల్‌రెడ్డి శనివారం చేసిన వ్యాఖ్యలు రాజకీయంగా కలకలం సృష్టించిన విషయం తెలిసిందే. కాగా రాజగోపాల్‌రెడ్డి ఈరోజు ఢిల్లీకి వెళ్లారు. ఢిల్లీలో బీజేపీ పెద్దలను కలుసుకునేందుకు వెళ్లిన రాజగోపాల్ రెడ్డికి.. ఆ పార్టీ పెద్దలు బంపరాఫర్ ను ఇచ్చినట్టు తెలుస్తోంది. మునుగోడు ఎమ్మెల్యేగా రాజీనామా చేయాలని, బీజేపీ నుంచి రాజ్యసభ సభ్యుడిగా అవకాశం ఇస్తామని బీజేపీ పెద్దలు చెప్పినట్లు సమాచారం. 2024 ఎన్నికల్లో టీఆర్ఎస్ కు ప్రత్యామ్నాయంగా ఎదగాలని భావిస్తున్న బీజేపీ.. రాష్ట్రం నుంచి పార్లమెంట్ లో ప్రాతినిధ్యాన్ని పెంచితే, ప్రజల్లోకి మంచి సంకేతాలు వెళ్లి, తదుపరి ఎన్నికల్లో లాభం కలుగుతుందని రాజగోపాల్‌రెడ్డికి రాజ్యసభ సభ్యుడి పదవిని ఆఫర్ చేసినట్టు తెలుస్తోంది. రాజగోపాల్‌రెడ్డి బీజేపీలో చేరాలని నిర్ణయించుకున్న పక్షంలో ఆయన సోదరుడు, ఎంపీ కోమటిరెడ్డి వెంట్‌రెడ్డి ఎటువంటి నిర్ణయం తీసుకుంటారన్న చర్చ మొదలైంది. అయితే వెంట్‌రెడ్డి మాత్రం తాను కాంగ్రెస్‌లోనే కొనసాగుతానని చెబుతున్నారు. మీ సోదరుడు పార్టీ మారాలనుకుంటున్నారు మీ సంగతేమిటి అనే ప్రశ్నకు వెంకట్ రెడ్డి ఏది ఎమైనా తాను కాంగ్రెస్ పార్టీలోనే ఉంటానని, రాబోయే రోజుల్లో అధికారం కాంగ్రెస్ పార్టీదే అన్నారు. పార్టీ మార్పుపై తుది నిర్ణయం సోదరుడిదేనని, అయినా ఒక కుటుంబంలోని వ్యక్తులు వేరు వేరు పార్టీల్లో ఉండటం సహజమేనని వెంట్‌రెడ్డి చెప్పుకొచ్చారు. అయితే ఇదంతా కోమటిరెడ్డి సోదరులు వారి భవిష్యత్తు కోసం వేసిన ప్లాన్ అని ప్రచారం జరుగుతోంది. ప్రస్తుతం తెలంగాణలో ద్వితీయ స్థానం కోసం బీజేపీ, కాంగ్రెస్ పోటీపడుతున్నాయి. ఎవరైనా సరే భవిష్యత్తులో టీఆర్ఎస్ కు ప్రత్యామ్నాయం కాగలరు. అందుకే రెండు పార్టీల్లోనూ తమ కుటుంబం ఉంటే రాజకీయ భవిష్యత్తు బాగుంటుందని కొమటిరెడ్డి సోదరులే ఈ ప్లాన్ వేశారని.. ఒక్కసారి బీజేపీ, కాంగ్రెస్ పార్టీల్లో ఎవరిది పైచేయి అనేది తేలగానే ఇరువురు అదే పార్టీలో ఉండిపోవాలనేది వారి ప్లాన్ అయ్యుంటుందని విశ్లేషకులు అభిప్రాయపడుతున్నారు.
  ఏపీ సీఎంగా వైఎస్ జగన్‌ బాధ్యతలు చేపట్టిన తర్వాత తొలిసారిగా పోలవరం ప్రాజెక్టును సందర్శించారు. ఈ సందర్భంగా పోలవరం ప్రాజెక్ట్‌ కాపర్‌ డ్యాం పనులపై సీఎం అసంతృప్తి వ్యక్తం చేశారు. పోలవరం ప్రాజెక్టు పనులను పరిశీలించిన సీఎం.. కాఫర్‌డ్యామ్‌కు సంబంధించి ప్రధానంగా ప్రశ్నలు లేవనెత్తారు. కాఫర్‌ డ్యామ్‌ పనులు ఎంత వరకు పూర్తయ్యాయి? భారీగా వరద వస్తే పరిస్థితి ఏంటి? ఇది కొట్టుకు పోకుండా తీసుకున్న రక్షణ చర్యలు ఏమిటి? గోదావరిలో వరద వస్తుందని తెలికి కూడా సీజన్‌ ముగిశాక ఎలా నిర్మాణం చేపట్టారని అధికారులను ప్రశ్నించారు. కాఫర్‌ డ్యామ్‌ కారణంగా నీరు స్పిల్‌వేపైకి వచ్చి నిర్మాణాలకు ఆటంకం కలిగితే ఎలా అని సందేహం వ్యక్తం చేశారు. ఇలా సీఎం వరుస ప్రశ్నలు అడగగా.. కొన్నింటికి సమాధానం చెప్పిన అధికారులు.. కొన్నింటికి మాత్రం తడబడినట్లు తెలిసింది. ముందుచూపు లేకుండా కాఫర్‌ డ్యామ్‌ నిర్మాణ పనులు చేపట్టడంతో సమయం, డబ్బు వృథా అవుతున్నాయని సీఎం అసంతృప్తి వ్యక్తం చేసారని సమాచారం.
  బీజేపీ, తృణమూల్‌ కాంగ్రెస్‌ కార్యకర్తల ఘర్షణలతో ఇటీవల రణరంగంగా మారిన పశ్చిమబెంగాల్‌లో మరోసారి ఘర్షణలు చోటుచేసుకున్నాయి. కోల్‌కతా సమీపంలోని భట్‌పరా ప్రాంతంలో గురువారం ఉదయం రెండు వర్గాలకు మధ్య జరిగిన ఘర్షణలో ఇద్దరు వ్యక్తులు మృతిచెందారు. మరో ముగ్గురు గాయపడ్డారు. భట్‌పరా ప్రాంతంలో ఈ ఉదయం ఉద్రిక్త పరిస్థితులు నెలకొన్నాయి. రెండు వర్గాలకు చెందిన వ్యక్తులు పరస్పరం తుపాకులతో కాల్పులు జరిపారు. నాటు బాంబులు విసురుకున్నారు. ఈ ఘటనలో రాంబాబు షా అనే వ్యక్తి అక్కడికక్కడే మృతిచెందగా.. మరో వ్యక్తి ఆసుపత్రిలో చికిత్స పొందుతూ ప్రాణాలు కోల్పోయాడు. గాయపడిన మరో ముగ్గురి పరిస్థితి విషమంగా ఉన్నట్లు పోలీసులు తెలిపారు. తాజా ఘటనతో రాష్ట్ర ప్రభుత్వం అప్రమత్తమైంది. సీఎం మమతాబెనర్జీ ఆదేశాల మేరకు డీజీపీ, చీఫ్‌ సెక్రటరీ, ఉన్నతాధికారులు అత్యవసరంగా సమావేశమయ్యారు. 
  ఏపీలో రాజకీయాలు వేగంగా మారిపోతున్నాయి. కాకినాడలో ఓ హోటల్‌లో మాజీ ఎమ్మెల్యే తోట త్రిమూర్తులుతో టీడీపీకి చెందిన పలువురు మాజీ ఎమ్మెల్యేలు భేటీ కావడం కలకలం రేపుతోంది. ఈ సమావేశానికి హాజరైన వారిలో దాదాపు అంతా కాపు సామాజిక వర్గానికి చెందిన నేతలు ఉన్నారు. పార్టీ మారేందుకే ఈ నేతలంతా సమావేశమయ్యారని ప్రచారం జరుగుతోంది. కాకినాడలోని ఓ రహస్య ప్రాంతంలో జరుగుతున్న టీడీపీ మాజీల సమావేశానికి రామచంద్రపురం మాజీ ఎమ్మెల్యే తోట త్రిమూర్తులుతో పాటు మాజీ ఎమ్మెల్యేలు బూరగడ్డ వేదవ్యాస్, బోండా ఉమ, బడేటి బుజ్జి, కదిరి బాబురావు, చెంగల్రాయుడు, మాధవనాయుడు, జ్యోతుల నెహ్రు, ఈలినాని, మీసాల గీత, వరుపుల రాజా, కేఏనాయుడు, పంచకర్ల రమేష్ బాబు తదితరులు హాజరైనట్టుగా తెలుస్తోంది. వీరంతా బీజేపీలోకి చేరేందుకు ఈ సమావేశం నిర్వహించారని రాజకీయ వర్గాల్లో విస్తృత ప్రచారం జరుగుతోంది. ఇప్పటికే టీడీపీకి చెందిన నలుగురు ఎంపీలు బీజేపీ తీర్ధం పుచ్చుకోవడం ఖాయమన్న ప్రచారం సాగుతున్న నేపథ్యంలో దాదాపు 20 మంది వరకూ టీడీపీ మాజీ ఎమ్మెల్యేలు కూడా సమాలోచనలు జరుపుతుండటం భవిష్యత్తులో రాజకీయ ఫిరాయింపులకు మార్దం చూపేలా కనిపిస్తోంది. అయితే ఈ సమావేశంపై తోట త్రిమూర్తులు స్పందించారు. తాము పార్టీ మారడం లేదని, ఓటమిపై సమీక్షించుకునేందుకే ఈ సమావేశం ఏర్పాటు చేశామని ఆయన చెప్పారు.
  Diabetes - A common health disorder now found exceptionally among the youngsters as well as the aged people. While we all know that feeling fatigued and excess urination are the key symptoms of Diabetes. What are the others? While obesity and excess eating are the factors that lead to diabetes. What are the other factors? While we all know that diabetes is genetic. Absolutely no or very moderate exercises is a big risk factor for inviting diabetes. Keeping diabetes at the bay is very important, also fighting diabetes is difficult. But practicing yoga can do wonders says Dr C V Rao. To have a look at all the asanas and their benefits please watch the video.....   https://www.youtube.com/watch?v=DawQJkBxUAM  
  నేరేడు లేదా గిన్నె చెట్టు (Jamun) ఒక పెద్ద వృక్షం. దీనిని పండ్లు కోసం పెంచుతారు. నేరేడు శాస్త్రీయ నామం 'షైజీజియం క్యుమిని'. ఇది మిర్టేసి కుటుంబానికి చెందినది. భారతదేశం, పాకిస్థాన్, మరియు ఇండోనేషియా లో ప్రధానంగా పెరుగుతుంది.  అంతే కాకుండా ఫిలిప్పైన్స్, మయన్మార్, ఆఫ్ఘనిస్థాన్ లలో కూడా అక్కడక్కడా కనిపిస్తుంది. భారతదేశానికి పోర్చుగీసు వారు వచ్చినపుడు వారు ఈ విత్తనాన్ని బ్రెజిల్ కు తీసుకుని వెళ్ళారు. అక్కడి పక్షులు కొన్ని దీనిని ఇష్టంగా తింటుండటంతో అక్కడ చాలా వేగంగా వ్యాపించిపోయింది. ఈ చెట్టు చాలా వేగంగా పెరిగే గుణాన్ని కలిగి ఉంటుంది. దాదాపు 30 మీటర్లు ఎత్తు పెరిగే అవకాశం. ఉంది. నేరేడు చెట్లు వంద ఏళ్ళకు పైగా జీవించగలవు.  సంపూర్ణ ఆరోగ్యం కోసం.. ప్రకృతి సిద్ధంగా లభించే ఆహారపదార్థాలు ఎంచుకుంటే చాలు. అలాంటి పండ్లలో నేరేడు ఒకటి. నోట్లో వేసుకోగానే ఇట్టే కరిగిపోయే ఈ పండు పోషకాల గని.. అనారోగ్యాల నివారణి. నేరేడు శక్తి నందించి ఆరోగ్యానికి మేలు చేయడమే కాదు.. కొన్నిరకాల రోగాలనూ నియంత్రించే శక్తి నేరేడు సొంతం. ఒక్క పండే కాదు.. ఆకులు.. బెరడు కూడా శరీరానికి ఎంతో మేలు చేస్తాయి. ఆక్సాలిక్‌ టాన్మిక్‌ ఆమ్లం, విటమిన్లు, క్రోమియం..వంటివి నేరేడులో పుష్కలం. సిజిజియం క్యుమిన్‌ దీని శాస్త్రీయ నామము. జిగట విరేచనాలతో బాధపడే వారికి నేరేడు పండ్ల రసాన్ని రెండు నుంచి మూడు చెంచాల చొప్పున ఇవ్వాలి. రోగికి శక్తితోపాటు పేగుల కదలికలు నియంత్రణలో ఉంటాయి. కాలేయం పనితీరు క్రమబద్ధీకరించడానికి లేదా శుభ్రపరచడానికి నేరేడు దివ్యౌషధంలా పనిచేస్తుందని కొన్ని అధ్యయనాలు తేల్చాయి. ఈ పండులోని యాంటీ ఆక్సిడెంట్లు మెదడుకు, గుండెకు ఔషధంగా పనిచేస్తాయి. జ్వరంగా ఉన్నపుడు ధనియాల రసంలో నేరేడు రసం కలిపి తీసుకుంటే.. శరీర తాపం తగ్గుతుంది. మూత్రం మంట తగ్గడానికి నిమ్మరసం, నేరేడు రసం రెండు చెంచాల చొప్పున నీళ్లలో కలిపి తీసుకోవాలి. పిండి పదార్థాలు, కొవ్వు భయం ఉండదు కాబట్టి.. అధిక బరువు ఉన్నవారు.. మధుమేహం రోగులు సైతం వీటిని రోజుకు ఆరు నుంచి ఎనిమిది దాకా తినవచ్చు. ఒక్క పండే కాదు..నేరేడు చెట్టు ఆకులు, బెరడు, గింజలు కూడా ఎంతో మేలుచేస్తాయి. ఆకులు నేరేడు ఆకులతో చేసే కషాయం.. బ్యాక్టీరియల్‌, వైరల్‌ ఇన్‌ఫెక్షన్లు రాకుండా కాపాడుతుంది. ఆకుల్ని దంచి కషాయంగా కాచి పుక్కిలిస్తే దంతాలు కదలడం.. చిగుళ్ల వాపులు, పుండ్లు వంటివి త్వరగా తగ్గుతాయి. ఆకులను నమిలి నీళ్లతో పుక్కిలించి ఉమ్మి వేస్తుంటే.. నోటి దుర్వాసన తగ్గుతుంది. ఆకు రసంలో పసుపు కలిపి పురుగులు కుట్టినచోట,దురదలు,సాధారణ దద్దుర్లకు లేపనంగా రాస్తుంటే.. ఉపశమనం లభిస్తుంది. బెరుడు నేరేడు బెరడుతో చేసే కషాయాన్ని రక్త, జిగట విరేచనాలతో బాధపడేవారికి 30ఎమ్‌.ఎల్‌ నీళ్లలో కలిపి తేనె, పంచదార జోడించి ఇస్తే గుణం ఉంటుంది. నెలసరి సమస్యలకు నేరేడు చెక్క కషాయాన్ని 25 రోజులపాటు 30ఎమ్‌.ఎల్‌ చొప్పున రోజుకు రెండుసార్లు తీసుకోవాలి. నోట్లో పుండ్లు, చిగుళ్ల సమస్యలకు దీని కషాయం పుక్కిలిస్తే మార్పు ఉంటుంది.   జాగ్రత్తలు:  నేరేడు అరగడానికి ఎక్కువసమయం పడుతుంది కాబట్టి.. ఉప్పు వేసి అప్పుడప్పుడు తీసుకోవాలి. భోజనమైన గంట తరువాత ఈ పండ్లు తీసుకుంటే.. ఆహారం జీర్ణమవుతుంది. అధికంగా తీసుకుంటే.. మలబద్ధకం సమస్యతోపాటు.. నోట్లో వెగటుగా ఉంటుంది. విరుగుడు: ఉప్పు, వేడినీరు. పండ్లతో పచ్చళ్ళు, జామ్ లు, రసాలు, జెల్లీలు తయారుచేస్తారు.నేరేడు కలపను వ్యవసాయ పనిముట్లు, దూలాలు తయారుచేయుటకు వాడతారు. చెట్టు బెరడులో మరియు విత్తనాలలో 13- 19 % వరకు టానిన్లు ఉంటాయి. విత్తనం నుండి తీసిన రసం అధిక రక్తపోటును నయం చేస్తుంది. ఇవి కొంతవరకు మధుమేహంలో కూడా పనిచేస్తాయి...కాలేయం పనితీరుని మెరుగు పరచడంలో వీటిల్లో ఉండే యాంటాక్సిడెంట్లు కీలకంగా పనిచేస్తాయని కొన్ని అధ్యయనాలు పేర్కొంటున్నాయి. అలానే ఇవి రక్తక్యాన్సర్‌ కారకాలను నిరోధిస్తాయని కూడా అవి తెలుపుతున్నాయి. నేరేడు పండ్లలో అధికమోతాదులో సోడియ, పొటాషియం, క్యాల్షియం, ఫాస్ఫరస్‌, మంగనీస్‌, జింక్‌, ఇరన్‌, విటమిన్‌, సీ, ఎ రైబోప్లెవిన్‌, నికోటిన్‌ ఆమ్లం, కొలైన్‌, ఫోలిక్‌, మాలిక్‌ యాసిడ్లు తగిన లభిస్తాయి. దానిలోని ఇనుము శరీరంలో ఎర్ర రక్తకణాలను వృద్ధి చేస్తుంది. అనీమియా (రక్తహీనత) తగ్గిస్తాయి. కాల్షియం, ఇనుము, పొటాషియం, విటమిన్- సి పుష్కలంగా ఉండే నేరేడు వ్యాధినిరోధకశక్తిని ఇవ్వడమేకాక ఎముకలకు పుష్టిని ఇస్తుంది. నేరేడు పండుకు గుండెవ్యాధులను నివారించే శక్తి ఉంది. ఇది మధుమేహ బాధితులకు వరంలా పనిచేస్తుంది. నేరేడు పండ్లలో గ్లైకమిక్ ఇండెక్స్ అధికంగా ఉన్నందున మధుమేహవ్యాధిని నియంత్రించడానికి సహకరిస్తుంది. గింజల్ని ఎండబెట్టి పొడిగా చేసుకొని నీటిలో కలుపుకొని తాగితే శరీరంలో చక్కెర నిల్వలు తగ్గుతాయి. నేరేడు ఆకులు మరియు పండ్లలో యాంటీ బ్యాక్టీరియల్‌ గుణాలు కలిగి ఉన్నాయి మధుమేహాన్ని నియంత్రిస్తుందని పలు అధ్యయనాలు వివరిస్తున్నాయి.అధిక రక్తపోటుని నియంత్రిస్తుంది. నేరేడు రసాన్ని, నిమ్మరసంతో కలిపి తీసుకొంటే మైగ్రేన్‌కు పరిష్కారం లభిస్తుంది. నేరేడు పళ్లను తీసుకొనే వారిలో పళ్లు,చిగుళ్లు బలంగా ఉంటాయి. గాయాలు త్వరగా మానిపోతాయి. ఇది మాత్రమే కాదు. దీనికి రక్తాన్ని శుద్ధి చేస్తే శక్తి కూడా ఉంది. పోషకాలు (వందగ్రాముల్లో) తేమ: 83.7గ్రా,  పిండి పదార్థం: 19 గ్రా,  మాంసకృత్తులు: 1.3గ్రా,  కొవ్వు: 0.1గ్రా,  ఖనిజాలు: 0.4గ్రా,  పీచుపదార్థం: 0.9గ్రా,  క్యాల్షియం: 15-30మి.గ్రా,  ఇనుము: 0.4మి.గ్రా-1మి.గ్రా,  సల్ఫర్‌: 13మి.గ్రా,  విటమిన్‌ సి: 18మి.గ్రా.   నేరేడుపండ్లలోరకాలున్నాయి. 1. గుండ్రంగా పెద్దగ వుండే ఒక రకం.  2. కోలగా వుండి పెద్దగా వుండే రకం. వీటిని అల్ల నేరేడు అని అంటారు. 3. గుండ్రంగా వుండి చిన్నవిగా వుంటాయి. వీటి చిట్టి నేరేడు అని అంటారు.  
    పేను కొరుకుడు అంటే ఉన్నట్లుండి తలమీద వెంట్రుకలు కొద్దిపాటి ప్రాంతంలో రాలిపోయి చర్మం కనిపిస్తూ ఉంటుంది. ఇది అలర్జీ వల్ల వస్తుందని వైద్యుల అభిప్రాయం. ఈ అలర్జీ తగ్గగానే మళ్ళీ తిరిగి వెంట్రుకలు వస్తాయి. దీనినే పేనుకొరుకుడు అంటారు. అయితే చాలా మంది పేనుకొరుకుడు కారణంగా బట్టతల మాదిరిగా అవుతుందేమో అని అపోహ పడుతుంటారు. గుండ్రని నిర్ణీత స్థలంలో వెంట్రుకలు పూర్తిగా పోయి నున్నపడటాన్ని పేనుకొరుకుడు అని పిలుస్తారు. నిజానికి ఇది పేను వచ్చి కొరకటం కాదు. అలా నానుడిగా సాధారణ జనానికి అర్థం అయ్యే విధంగా అంటుంటారు. దీన్ని వైద్య పరిభాషలో ‘అలోపేషియం ఏరిమేటా’ అని పిలుస్తారు. ఈ పేనుకొరుకుడు జనాభాలోని రెండుశాతం మందిలో కనపడుతుంది.   కారణాలు:  ఇది ఒక ఆటో ఇమ్యూన్‌ డిజార్డర్‌. అనగా వెంట్రుకలకి వ్యతిరేకంగా వాటిలోనే ఆంటీబాడీస్‌ తయారయ్యి అక్కడక్కడ వెంట్రుకలు లేకుండా చేస్తుంది. మానసిక ఆందోళన థైరాయిడ్‌, డయాబెటిస్‌, బి.పి లాంటి సమస్యలు ఉన్నవాళ్లలో ఎక్కువగా చూస్తుంటాం. ఆడా, మగ అనే తేడాలేకుండా, వయసుతో నిమిత్తం లేకుండా పేనుకొరుకుడు వస్తుంది. చిన్న పిల్లల్లో కూడా కనిపిస్తుంది. ముఖ్యంగా 20 సంవత్సరాల వారిలో ఎక్కువగా కనిపిస్తుంది. వంశపారంపర్యంగా కూడా వస్తుంది. ఇది అంటువ్యాధి మాత్రం కాదు. 60 సంవత్సరాలు దాటిన వారిలో ఈ వ్యాధి దాదాపుగా కనిపించదు. పేనుకొరుకుడు తలలో, గడ్డం, మీసాలలో కాని రావచ్చు. దీన్నే అలోపేషియా మూసివర్యాలిస్‌ అంటారు.   *ఆయుర్వేద చికిత్సా: కేవలం మూడు నుండి వారం రోజులలోనే ఊడిపోయిన వెంట్రుకలు మొలవడం సాధ్యమవుతుంది. ఏ విధమైన సైడెఫెక్ట్స్ మరియు రియాక్షన్స్ లేకుండా, ఏ విధమైన పత్యం లేకుండా కేవలం మందులతోనే..... జుట్టు ఆరోగ్యానికి గురివింద గింజలు: గురివింద గింజలను అరగ దీసి తలకు పట్టిస్తే పేలు మాయమయిపోతాయి. పేను కొరుకుడు నివారిస్తుంది.  రోజూ రెండుసార్లు ఇలాచేస్తుంటే త్వరలోనే మంచి ఫలితం కనపడుతుంది. * మందార ఆకులు పూలతో నెల రోజుల పాటు రోజూ మూడు పూటలా మందార పూలను తలపై రుద్దుతూ ఉంటే పేను కొరుకుడు సమస్య తొలగిపోతుంది. మందార చెట్టు వేరును నూరి, నువ్వుల నూనె కలిపి సేవిస్తే, స్త్రీలలోని అధిక రక్తస్రావ సమస్య తొలగిపోతుంది. లేదా మూడు పూలను కొద్దిగా నేతిలో వేయించి తీసుకున్నా రకస్రావం తగ్గుతుంది. పూల రసానికి సమానంగా చక్కెర కలిపి పానకంలా వండి, మూడు స్పూన్‌ల చొప్పున రోజుకు మూడు సార్లు తాగితే మూత్ర విసర్జనలో ఇబ్బంది తొలగిపోతుంది. , మంట, చురుకు తగ్గిపోతాయి. పరగడుపున, రోజూ నాలుగు పూల చొప్పున 2 ఏళ్ల పాటు నమిలి మింగుతూ ఉంటే తెల్ల మచ్చలు తగ్గుతాయి. మందార ఆకులకు సమానంగా నువ్వుల నూనె కలిపి తైలం తయారు చేసుకుని తలకు రాస్తూ ఉంటే చుండ్రు సమస్య ఉండదు. ఒక స్పూను ఎండించిన పూలచూర్ణాన్ని పాలల్లో కలిపి రెండు పూటలా తీసుకుంటే బలహీనత తొలగి రక్తపుష్టి కలుగుతుంది. ఆకుల కషాయంతో సిఫిలిస్‌ పుండ్లను కడుగుతూ ఉంటే క్రమంగా అవి మానిపోతాయి. ఇది ఓ వ్యాది ..ఆయినా చాలా ఓపిక తో    ఇటు వంటి వ్యాదినీ నయం చేస్కోగలం ఎలా అంటే జిల్లేడు పాలు ఊడిపోయిన చోట రాసినా ఫలితం ఉంటుంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.