ఉప్పల్ వైఎస్ఆర్ ఆత్మహత్య

ఉప్పల్ కాంగ్రెస్ ఎమ్మెల్యే రాజారెడ్డి మనవడు, కాంగ్రెస్ నేత యంజాల శ్రీధర్ రెడ్డి ఆత్మహత్య ఉప్పల్ లో సంచలనం రేపుతోంది. రామాంతపూర్ కార్పోరేటర్ జగదీశ్వర్ రెడ్డి మీద హత్యాయత్నం కేసులో అరెస్టయిన ఆయన ఇటీవలె బెయిలు మీద విడుదలయ్యారు. తనను హత్యాయత్నం కేసులో అక్రమంగా ఇరికించి అవమానించారన్న బాధతో ఆత్మహత్య చేసుకున్నట్లు బంధువులు చెబుతున్నారు. తన సూసైడ్ నోట్ లో ఉప్పల్ ఏసీపీ హత్యాయత్నం కేసు నుండి తప్పించడానికి రూ.10 లక్షలు డిమాండ్ చేశారని పేర్కొనడం కలకలం రేపుతోంది. రాష్ట్ర మాజీ హోంమంత్రికి ఆయన అనుచరుడిగా ఉన్నారు. వైఎస్ హయాంలో ఉప్పల్ వైఎస్ఆర్ గా శ్రీధర్ రెడ్డి అందరికీ సుపరిచితుడు.