ఏపీకి స్పెషల్ స్టేటస్ ఇవ్వాలంటూ గుంటూరులో దీక్ష చేపట్టిన ప్రతిపక్ష నేత వైఎస్ జగన్మోహన్ రెడ్డి... ప్రారంభోపన్యాసం చేశారు, ప్రత్యేక హోదాపై వరుసగా చేస్తున్న పోరాటాలకు కొనసాగింపుగానే నిరవధిక నిరాహార దీక్ష చేపట్టినట్లు తెలిపారు. ప్రత్యేక హోదా ఏపీ హక్కన్న జగన్... స్టేటస్ వస్తేనే ఆంధ్రప్రదేశ్ అభివృద్ధి చెందుతుందని అన్నారు, ప్రత్యేక హోదా పదేళ్లు కావాలన్న చంద్రబాబు... ఇప్పుడెందుకు మాట్లాడటం లేదని ప్రశ్నించిన జగన్... ఒకప్పుడు ప్రత్యేక హోదా సంజీవని అన్న నోటితోనే... అదేమీ సంజీవని కాదంటూ మాట మార్చారని మండిపడ్డారు, నవ్యాంధ్రలో యువతకు ఉద్యోగ ఉపాధి అవకాశాలు రావాలంటే ప్రత్యేక హోదా కావాలన్నారు, ఈ దీక్ష ద్వారా అయినా కేంద్రంపై చంద్రబాబు ఒత్తిడి తీసుకొచ్చి... రాష్ట్రానికి స్పెషల్ స్టేటస్ సాధించాలని జగన్ సూచించారు.