ఎంఐఎం నేత అక్బరుద్దీన్ ఓవైసీపై అరెస్ట్ వారెంట్ జారీ అయ్యింది, బీహార్ అసెంబ్లీ ఎన్నికల ప్రచారంలో ప్రధాని మోడీపై అభ్యంతరకరమైన వ్యాఖ్యలు చేశారంటూ నమోదైన కేసులో అక్బరుద్దీన్ అరెస్ట్ కు కిషన్ గంజ్ ఎస్పీ ఆదేశాలు జారీ చేశారు, మోడీపై అనుచిత వ్యాఖ్యలతోపాటు ప్రజలను రెచ్చగొట్టేలా మాట్లాడారని ఓవైసీ అభియోగాలు ఎదుర్కొంటున్నారు, గతంలో ఆదిలాబాద్ జిల్లా నిర్మల్ లోనూ ఇదే తరహాలో వ్యాఖ్యలు చేయడంతో జైలుకెళ్లిన అక్బర్... ఇప్పుడు మళ్లీ అదే తరహా కేసులో ఇరుక్కున్నారు, దాంతో అక్బరుద్దీన్ ను బీహార్ పోలీసులు అరెస్ట్ చేసే అవకాశముందని, మళ్లీ జైలుకెళ్లడం ఖాయమని వార్తలు వస్తున్నాయి.