యష్..వేద కర్టెన్ లో రొమాన్స్..
on Aug 8, 2022
బుల్లితెరపై ప్రసారం అవుతున్న సీనియల్ `ఎన్నెన్నో జన్మల బంధం`. నిరంజన్, డెబ్జాని మోడక్ జంటగా నటించారు. గత కొన్ని వారాలుగా విజయవంతంగా స్టార్ మాలో ప్రసారం అవుతోంది. బెంగళూరు పద్మ, జీడిగుంట శ్రీధర్, ప్రణయ్ హనుమండ్ల, ఆనంద్, వరదరాజులు, సులోచన, మిన్ను నైనిక ప్రధాన పాత్రల్లో నటించారు. వేదకు, యష్ కు మధ్య వున్న దూరంగా తొలగించి వారికి దగ్గరచేయాలని ఖుషీ ప్లాన్ చేస్తుంది. బాబాయ్ వసంత్ తో కలిసి తాతయ్య, నానమ్మ, కాంచలని బటయికి తీసుకెళ్లాలని, తద్వారా యష్ , వేదలకు ప్రైవసీ లభిస్తుందని ప్లాన్ చేస్తుంది ఖుషీ.
అనుకున్నట్టుగానే అందరిని వసంత్ సహాయంతో బయటికి తీసుకెళుతుంది. అదే సమయంలో ఇంట్లో యష్ , వేద వుండగానే బయట తాళం వేయిస్తుంది. దీంతో ఇద్దరు ఇంట్లోనే బందీ అయిపోతారు. ఆ తరువాత ఇద్దరి మధ్య సరదా సంభాషణలు.. ఒకరికి గురించి ఒకరు తెలుసుకుంటారు. అదే క్రమంలో ఇంట్లోకి దూరి దొంగ కారణంగా మరింత కామెడీ పుడుతుంది. ఇదిలా వుంటే వేద కర్టెన్ లు సర్దుతూ లాగడంతో అవి మొత్తం వేదపై పడబోతుంటాయి. ఇది గమనించిన యష్ వెంటనే వచ్చి వేదని పక్కకు లాగేస్తాడు.
ఈ క్రమంలో వేద, యష్ కర్టెన్ లలో చిక్కుకుని కిందపడిపోతారు. ఇద్దరికి కర్టెన్ లు చుట్టేసుకుని కిందపడివుంటారు. ఇద్దరు ఒకరిని ఒకరు చూసుకుంటూ వుండగా అదే సమంలో బయటికి వెళ్లిన మాళిని, రత్నం, కాంచన ఇంటికి చేరుకుంటారు. కర్టెన్ ల మధ్యలో చుట్టుకుని వున్న యష్ , వేదలని చూసి షాక్ అవుతారు. ఆ తరువాత ఏం జరిగింది? .. మాళిని ఎలా రియాక్ట్ అయింది?...అన్నది తెలియాలంటే ఈ రోజు ఎపిసోడ్ చూడాల్సిందే.