శివాజీకి మద్దతుగా సీరియల్ ఆర్టిస్ట్ ప్రియ!
on Dec 9, 2023
.webp)
బిగ్ బాస్ సీజన్-7 రోజు రోజుకి ఎంతో ఆసక్తికరంగా మారుతుంది. మరో వారంలో ఈ షో ముగుస్తుండటంతో హౌస్ లో ఉన్నవారిలో ఎవరు కప్ గెలుస్తారనే ఉత్కంఠ నెలకొంది. ఈ సమయంలో హౌస్ లోని వారికి ఆర్టిస్ట్, యాంకర్స్, సెలబ్రిటీలు తమ ఫేవరెట్ కంటెస్టెంట్స్ ఓట్ చేయమని సోషల్ మీడియా వేదికగా తెలుపుతున్నారు. ఇలా ఇన్ స్టాగ్రామ్ లో పల్లవి ప్రశాంత్, శివాజీలకి సపోర్ట్ చేసే వారే ఎక్కువగా కన్పిస్తున్నారు. ఇప్పుడు తాజాగా సీరియల్ యాక్టర్స్, సినిమా తారలు సైతం శివాజీకే ఓట్ చేయమని చెప్తున్నారు. తాజాగా ఆర్టిస్ట్ ప్రియ తన ఇన్ స్టాగ్రామ్ లో శివాజీ సపోర్ట్ చేయండి అంటూ రిక్వెస్ట్ చేసింది. " హౌస్ లో జన్యున్ గా ఉండి, టాస్క్ లలో ఉన్న వారితో సమానంగా ఆడుతున్నాడు. ఫెయిర్ గేమ్ ఆడుతూ ఆట స్థాయిని పెంచుతున్న శివాజీకి ఓట్ చేయండి. ఈ సీజన్-7 శివాజీ కప్ గెలవాలని కోరుకుంటున్నాను. నన్ను అభిమానించే వారు శివాజీకి ఓట్ చేయండి" అంటూ ప్రియ తన ఇన్ స్టాగ్రామ్ లో చెప్పింది.
బిగ్ బాస్ సీజన్-5 లో ఏడో కంటెస్టెంట్‌గా న‌టి ప్రియ ఎంట్రీ ఇచ్చారు. ఒక‌వైపు సినిమాల్లో, మ‌రోవైపు టీవీ సీరియ‌ళ్ల‌లో నటిస్తూ, అంద‌మైన తార‌గా గుర్తింపు తెచ్చుకున్నారు ప్రియ. మిర్చీ సినిమాలో రీచా గంగోపాధ్యాయకి తల్లి పాత్రలో నటించి మంచి గుర్తింపు తెచ్చుకుంది. ప్రియ పూర్తిపేరు మామిళ్ల శైలజాప్రియ. గుంటూరు జిల్లా బాప‌ట్ల‌లో పుట్టి పెరిగిన ఆమె సినిమాల మీద మోజుతో 19 సంవ‌త్స‌రాల వ‌య‌సులో ఇండ‌స్ట్రీలోకి అడుగుపెట్టారు. మెగాస్టార్ చిరంజీవి టైటిల్ రోల్ చేసిన 'మాస్ట‌ర్', 'అన్న‌య్య' సినిమాల్లో న‌టించ‌డం ద్వారా ద‌ర్శ‌క నిర్మాత‌ల దృష్టిలో పడ్డారు. ముఖ్యంగా అన్న‌య్య సినిమాలో హీరోయిన్ సౌంద‌ర్య ఫ్రెండ్‌గా ఆక‌ట్టుకున్నారు. ఆ త‌ర్వాత సౌంద‌ర్య‌తో క‌లిసి ప‌లు సినిమాల్లో న‌టించారు ప్రియ. చిరంజీవి, బాల‌కృష్ణ, నాగార్జున, వెంక‌టేశ్‌, ప‌వ‌న్ క‌ల్యాణ్ లాంటి స్టార్స్‌తో పాటు హిందీలో అమితాబ్ బ‌చ్చ‌న్‌తోనూ ఆమె న‌టించారు.
'ప్రియ‌స‌ఖి' సీరియ‌ల్‌తో ఉత్త‌మ‌న‌టిగా నంది అవార్డును అందుకున్నారు. వాణి రాణి, నందిని వ‌ర్సెస్ నందిని, చిన్న కోడ‌లు, నంబ‌ర్‌వ‌న్ కోడ‌లు లాంటి సీరియ‌ల్స్‌లో ప్ర‌ధాన పాత్ర‌లు చేశారు. ఇటు వెండితెర, అటు బుల్లితెర‌పై అంద‌మైన క్యారెక్ట‌ర్ ఆర్టిస్టుగా రాణిస్తుంది ప్రియ. అయితే కృష్ణ ముకుంద మురారి సీరియల్ భవాని పాత్రలో ఆమె నటిస్తూ తెలుగింటి ఆడపడుచులకు ఆదర్శంగా నిలుస్తుంది. మురారికి పెద్దమ్మగా ఇంటిపెద్దగా కుటుంబాన్ని లీడ్ చేస్తున్న భవాని పాత్రలో ఆర్టిస్ట్ ప్రియ ఒదిగిపోయింది.
Also Read
.webp)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
